Anti Aging Face Pack in Hindi: Twacha Ko Jawa Banaye Rakhe
Har vyakti hamesha khubsurat aur jawa bana rehna chahta hai. Iske liye wo kai tarah ke jatan bhi karta hai. Jaise jaise aapki umra badhti hai aapki khubsurti kam hone lagti hai aur iska prabhav sabse jyada chehre par dikhta hai. Chehre par aane wali jhurriya, dag dhabbe, barik barik lakire chehre ki khubsurati ko chhin leti hai.
Yahi karan hai ki budhapa kisiko pasand nahi aata. Jaise jaise aapki umra badne lagti hai twacha ke nishan aur lakire aur jyada saaf dikhne lagti hai. Wahi kuch logo ke chehre par to umra se pehle hi badti umra dikhne lag jati hai. Aesa isliye hota hai kyuki aajkal ke logo ka khanpan accha nahi hai jisse sharir mai poshak tatvo ki kami ho jati hai.
Chehre ki jhurriya, lakire hatane ke liye kai tarah ke mehnge beauty products ka istemal kiya jata hai parantu yeh jaruri nahi hai inko lagane se aapki badti umra tham jayegi. Lekin kuch gharelu tarike isme aapki madad jarur kar sakte hai. Aaiye jante hai Anti Aging Face Pack in Hindi. Inka upyog karke aap khubsurat damakati twacha pa sakte hai.
Anti Aging Face Pack in Hindi: Prakratik Sundarta Ke Liye Mask
Dahi aur Jaitun Ka Tel
Jaitun ke tel mai kai sare vitamins hote hai, jo chehre ki twachha ko sikudane se bachate hai. Jaitun ka tel aapki andruni twacha mai jakar chehre mai andar se nikhar lata hai. Iske alawa dahi chehre ko komal aur aakarshak banaye rakhne mai madad karta hai.
Dahi aur jaitun ka pack banane ke liye 1 chhoti katori mai 2 chammach dahi aur isme 4 se 6 bunde jaitun tel ki dalkar acche se mila le. Iss bane huye mask ko chehre ki unn jagah par lagaye jaha jhurriya ho. Ise kam se kam 20 minute tak laga kar rakhe aur thande pani se dho le. Iss pack ko lagane se kuch hi dino mai jhurriya khatam ho jati hai.
You May Also Like:- Orange Peel Face Pack in Hindi – Rakhe Aapki Twacha Ka Khayal
Kele Se Bana Hua Pack
Kele ko thoda sa lekar ek katori mai mesh kar le aur usme gulab jal ko dalkar mila le. Iss pack ko rojana chehre par lagaye aur kuch der bad sade pani se dho le. Kele se bana hua pack aapki twacha mai kasaav lata hai aur twacha tight bani rehti hai. Yeh faydemand Anti Wrinkle Face Pack hai.
Oats aur Dahi Dead Twacha Ko Hataye
Oats mai dahi ya chhach ko milakar ise kuch samay ke liye rakh de. Ab isme 1 chamamch jaitun ka tel, 1 chammach badam ka tel mila le aur iska paste bana le. Iss bane huye paste ko chehre par 20 minute tak laga kar rakhe aur sade pani se chehre ko dho le. Iss face pack ko lagane se chehre par chamak to aati hi hai sath hi dead skin bhi hat jati hai. Tatha dahi twacha ko poshan dene ka kaam karta hai.
Ande aur Shahad Se Paye Mulayam Twacha
Anti Aging Mask banane ke liye 1 chammach shahad aur ande ki jarurat hogi. Iss pack ko banane ke liye ande ke safed bhag mai 1 chammach shahad ko mila le. Face pack lagane se pehle chehre ko saaf pani se dho le taaki chehre ki gandgi dur ho jaye.
Ab bane huye paste ko chehre par lagaye aur karib 20 minute tak ise laga rehne de, sade pani se chehre ko dho le. Isko lagane se aapke chehre mai kasavat aayegi aur twacha chamak jayegi.
Vitamin C Se Bharpur Santra
Sabse pehle santre ke chilko ka powder bana le aur powder mai 2 chammach dahi ko milakar iska paste bana le. Bane huye paste ko chehre aur gardan par lagaye aur kuch samay tak sukhne ke liye chhod de.
Jab yeh sukh jaye to thande pani se chehra dho le. Iss face pack ka istemal karne se jhurriya khatam ho jayegi sath hi chehre ki khoi ronak bhi lout aayegi. Yeh teliya twacha ke liye bahut accha face pack hai. Teliya twacha ke liye aur pack janne ke liye padhe Face Pack for Oily Skin.
You May Also Like:- Papaya Face Pack in Hindi: Papite Se Nikhare Khubsoorati
Anti Aging Ke Liye Angur aur Shahad
Angur aur shahad ko milakar bana hua paste anti aging ki samasya se aapko chutkara dilane mai madadgar hai. Iss facial ko karne ke liye 3 se 4 kale angur le aur unhe mash kar le dhyan rakhe iske bijo ko alag hata le.
Ab isme 1 chammach shahad aur 4 se 5 glycerin ki bunde dal le aur sabko acche se mila le. Iss pack ko karib 30 minute tak chehre par laga rehne do aur halke gungune pani se face dho le.
Chawal Ka Aata aur Dudh
Kya aap jante hai chawal ka aata twacha mai kasavat lata hai tatha chehre par padi barik lakiro ko hatane ka kaam karta hai. Iss facial mask ko banane ke liye thoda sa chawal ka aata le aur usme dudh milakar paste bana le. Isko chehre par laga kar 15 minute ke liye chhod de aur bad mai sade pani se chehre ko dho le. Isko lagane se dead twacha bhi hat jayegi.
Multani Mitti aur Cherry
Chehre ke mask ko banane ke liye 4 se 5 paki hui cherry le aur use pees le. Ab ise ek katori mai le aur isme 2 chammach multani mitti ka powder dale aur 4 se 5 bund gulabjal ki dale. Iss bane huye paste ko chehre tatha gardan par acche se lagaye aur 20 minute tak chehre par rakhne ke bad face dho le. Yeh ek bahut accha face pack hai jisko lagane se nikhar ke sath daag dhabbe bhi mit jate hai.
Upar aapne jana Anti Aging Face Pack in Hindi. Yadi aapki twacha par bhi jhurriya ho rahi hai to upar diye gaye mask ko jarur try kijiyega.
