Ayurvedic Treatment for Weight Loss: Jane Vajan Ghatane Ke Upay

Aaj ke samay mai har teesra vyakti motape ki samasya se pareshan hai. Motape ki samasya sharir mai vasa ke jamne ke karan hoti hai. Motapa ek din ki galat jeevan sheli nahi balki salo se vasa ke jamne ka parinaam hai. Isliye isko teji se kam karne ka koi formula nahi hai.

Aapne aksar dekha hoga ki motapa unn logo mai jayda hota hai jo dinbhar ghar par bethe rehte hai ya office mai chair par baithkar kam karte hai. Din bhar baithe rehne ke karan unke sharir par atirikt charbi jamne lagti hai, aur sabse jyada charbi jamti hai pet par.

Darahsal iske piche ka karan yeh hai ki jab bhi aap khana khakar din bhar bethe rehte hai aur koi shararik karya nahi karte hai to aapke sharir aapke khane ko urja mai parivartit nahi kar pata hai. Isliye aapke sharir ko jitni calorie ki aavyashakta hai usse adhik calorie aap use dete hai.

Aur koi kam nahi karne ke karan calorie kharch nahi hoti hai aur atirikt vasa aapke sharir mai jamana shuru ho jata hai aur aapke sharir me failne lagta hai. Iss motape ko kam karne ke liye log gym jate hai. Shuruwat mai to log ise bahut lagan se karte hai. lekin bad bad me aalas ke karan ise chhod dete hai.

Jo log motape ki samasya se pareshan hai aur gym nahi jana chahte hai wo aayurved ka sahara le sakte hai. Ayurvedic Treatment for Weight Loss ki madad se aap apne sharir ki atirikt charbi ko jala sakte hai. Lekin ek baat ko jaan le ki isme wakt lagta hai.
 

Ayurvedic Treatment for Weight Loss: Apna Motapa Kam Kare

Vajan Ghatane Mai Sahayak Nimbu

Vajan ghatane mai nimbu labhdayak hota hai. Darahsak mimbu mai acitic acid moujud hota hai jo sharir ki atirikt charbi ko kam karne mai madad karta hai. Aap nimbu ka upyog is tarah se kar sakte hai.

• Nimbu ko gungune pani mai dalkar pine se vajan kam hota hai aur pet ki kai samasya dur hoti hai. Iske atirikt 100gm nimbu ke ras ko, 25gm shahad ke sath garam pani mai milakar roj subah khali pet pine se bhi pet ki charbi kam hoti hai.
• 250 gm pani mai nimbu ke ras ke sath thoda sa namak milakar 1-2 mahine tak piye. Isse bhi motapa dur hota hai.
• Nimbu ke ras mai karele ka thoda sa ras dalkar pine se bhi motapa kam hota hai.
• Khana khane ke bad ek glass gunguna pani mai nimbu nichod kar pine se bhi sharir ki charbi kam hoti hai sath hi pet me kabj, ges, aanto mai sujan, aur pet ke kide bhi nasht hote hai. Yeh ek behtarin Ayurvedic Medicine for Weight Loss hai.

Muli Se Kam Kare Vajan

 Muli thandi ke mosam mai aati hai. Aap muli ko sukhakar aur uska churan bana kar rakh le tatha partidin 3 se 6 gram shahad ke pani mai milakar piye. Ise pine se motapa se chutkara milta hai. Muli ke churan ko aap nimbu ke ras ke sath milakar bhi le sakte hai yeh bhi charbi ko kam kare me sahayak hota hai. 6gm muli ke beejo ko 20gm  shahad ke sath sevan karne se ya iska sharabt banakar pine se 40 dino mai sharir ki charbi ghatti hai. Sath hi muli ke churan mai shahad milakar pine se pet ki kai bimariyo se nijat milta hai.
 

You May Also Like:- Weight Loss Diet Plan in Hindi: Vajan Kam Karne Ke Liye Apnaye

Gunkari Tulsi

Yadi baccho mai motape ki samasya ho jaye to tulsi usme aapki madad kar sakti hai. Tulsi ke patto ko peeskar dahi ke sath sevan karwane se charbi ka banna kam hotahai.

• Tulsi ke patto ke 10gm ras ko 1 cup pani ke sath mishran banakar pine se sharir ka dheelapan or atyadhik charbi kam hoti hai.
• Tulsi patto ka 10 bund ras, 2 chammach shahad ko 1 glass pani mai mila le ab us mishran ko piye. Aisa karne se motapa kam hota hai.

Triphala

15gm triphala ka churan lekar rat mai bhigokar rakh de. Rat bhar gale huye churan ke pani ko chhankar usme shahad milakar sevan kare motapa jaldi ghatega. Sath hi triphala, trikuta, chitrak, nagarmotha, vayu vidanga ko milakar kada banaye aur usme gugul milakar sevan kare.

Triphala ka churn aur giloy ke churn ko milakar shahad ke sath lene se pet badna kam hota hai. Triphala ke churan ko 1 glass pani dalkar ubale tatha usme mishri dalkar sevan kare se motapa dur hota hai.yadi aap trifla ke churan ko shehad ke sath milakar subh sham sevan karne se apko bhut fayda hoga.
 

Harad Bhi Faydemand

• Harad, baheda, awla, sonth, kalimirch, Peepal, sarso ka tel or sendha namak ko ek sath milakar pees le fir use pratidin 6 mahine tak sevan karne se cough, motapa, aur vayu rog puri tarah khatam ho jata hai.
• Harad  ko sendha namak, kala namak milakar pise fir guvarpate ka ras milakar acche se sukha le. Pratyek raat mai 3gm iss churan ko gungune pani ke sath sevan karne se motape se nijat milega. Harad ko peeskar nahane se pehle pure sharir par lagayenge to pasine se aane wali badbu dur ho jayegi.
• Harad aur behada ka churan banakar le. 1 chammch churn ko 5 gram parval ke ras mai milakar rojana piye. Isse vajan teji se kam hone lagta hai.

Phalo Ka Ras

Mosam ke anusar phalo ke ras ko rojana pina bahut fayedemand hota hai. Motapa kam karne ke liye 8 se 9 mahine tak phalo ka sevan kare. Sath hi phalo ka ras pine se  bimariyo se ladne ki rog pratirodhak shamta bhi badti hai. Phalo ka ras calorie ko kam karta hai jiske karan sharir mai charbi nahi banati, aur vajan evam motapa kam hota hai. Gajar, kakdi, tarbooz, tamatar ka ras vajan ghatane ke liye faydemand hota hai.
 

Kai Rogo mai Labhdayak Giloy

• Giloy, harad ,baheda aur awla milakar kada banakar isme shuddh shilajeet milakar khane se motapa dur hota hai. Yeh pet aur kamar ke yaha ki charbi kam karta hai.
• Giloy aur triphala ko 3-3gm lekar mishrit karke churan bana le aur subh sham shehad ke sath chatne se motapa  kam hota hai.
• Giloy harad aur nagarmotha barabar lekar churn bana le. Aur iska subah sham shahad ke sath isko din mai teen bar sevan karne se tavcha ka latkana kam hota hai aur weigh loss hota hai.

Pipali Kare Motapa Kam

• Pipali ka ½ g churn ko shahad ke sath roj roj lene se pet ki charbi kam hoti hai isse 1 mahine tak upyog kare.
• 150 gram pipali main 30 gram sendha namak milakar pisakar 21 khurak bana le, aur ise din mai khali pet chhanch ke sath sevan kare isse vayu ke karan badhi hui charbi samapat ho jayegi.
• Pipli ke 1 ya do dane ko dhoodh me kaafi der tak ubale aur dhoodh se nikalkar kha le upar se dhoodh pi le. Isse motape se nijat milta hai.

You May Also Like:- Running to Lose Weight: Vajan Kam Karne Ke Liye Doude

Anya Aayurvedic Upay Inhe Bhi Jane:- 

1. Yadi aap Ayurvedic Home Remedies for Weight Loss ko apnana chahte hai to sukha dhaniya, gulab ke phul aur mishri ko milakar peeskar churn bana le. Aur roj subah sham dhoodh ke sath le, isse charbi nasht ho jati hai. Isse pachan tantra bhi majbut hota hai aur motapa dur hota hai.
2. Aadha chammach sonf ko ek cup kholte huye pani mai dal de. 10 minute tak ise dhak kar rakhe.  Thanda hone par iss pani ko piye. Aesa teen mah tak lagatar karne se vajan kam hone lagta hai. Iske atirikt sonf aur pudina ki pattiyo ki chatni banakar chapati ke sath khaye. Ya fir pudina ki chai pine se bhi vajan niyantrit rehta hai.
3. Motapa bilkul bhi kam nahi ho raha ho to khane mai kati hari mirch ya kali mirch ko shamil kare. Isse badhte huye vajan par kabu paya ja sakta hai. Bahut sare sodho mai dekha gaya hai ki  mirch khana vajan kam karne ka sabse behtarin tarika hai. Mirch mai paye jane wale capsaicin se urja ki khapat badh jati hai aur vajan niyantrit rehta hai.
4. Aadhi katori ajwain aur 1 chammach namak ko ek sath milakar, ek tapeli pani mai dalakar ubalne ke liye rakh de. Jab bhap uthne lage to ispar jali ya aata chhanne ki chhani ko rakh de. Do chhote chhote kapdo ko gile pani me nichod le aur jali par rakh kar garam kare. Fir pet par rakh kar isse sek kare. Roj ise 10 minute tak sekna paryapt hoga, sath hi kuch dino mai pet kam hone lagega.

 
Upar aapne jana Ayurvedic Treatment for Weight Loss. Yadi aap bhi badte vajan ko lekar pareshan hai to upar diye gaye tariko ko jarur apnaye.