Ab wo jamana gaya jab keval mahilaye hi apne baalo ke sath sath alag alag hairstyles banati thi. Aaj ke wakt mai purush bhi alag alag hairstyles banana pasand karte hai. Yadi hairstyles acchi ho to look aur bhi jyada aakarshak lagta hai.
Kabhi kabar chehra accha hota hai, lekin baalo ka accha sa haircut na hone ke karan purush utne smart nahi lagte, jitney wo ek acche se hairstyle ke sath lag sakte hai.
Lekin bahut se ladko ya purusho ko confusion hota hai ki kis tarah ke baal unhe rakhne chahiye. Kuch log bade baal rakhne ke shoukin hote hai to kuch log chhote. Lekin ham aapko bata de aapko kisi bhi hairstyle ko rakhne se pehle aapki personality ke sath sath kis mouke ke liye aap ise rakh rahe hai iss par bhi dhyan dena hoga. To aaiye jante hai Best Hairstyles for Men in Hindi.
Best Hairstyles for Men in Hindi: Baalo Ko Sawarne Ke Liye
Agar aapko nahi samajh aa raha hai ki kounsa hairstyle aapke baalo par suit karega to iske liye aap hair expert se paramarsh le sakte hai. Aur yadi aapke paas wakt ki kami hai to koi baat nahi aaj ke lekh mai ham aapko bataenge kuch aakarshak hairstyles ke bare mai:-
Funky Look Ke Liye
Aajkal ke ladke ko sidha sadha look jyada pasand nahi aata hai. Isliye aese ladko ke liye funky look accha options hai. Funky look karne ke liye aapki hairstyles thodi si hatkar ki jaati hai. Isme ya to aapke baalo ko pura khada kar diya jata hai ya to Layered Haircuts style mai kaat diya jata hai. Yadi aap bhi funky look chahte hai to di gayi hairstyles mai se chun sakte hai.
Lambe Baalo Ke Shoukin
Aesa nahi hai ki lambe baal ki shoukin keval ladkiya hi hai. Aajkal to ladko bhi aese baal pasand karne lage hai. Jo ladke uche kad wale hote hai unn par yeh look bahut fabta hai.
- Yadi aapka chehra bada hai to yeh look aap aajma sakte hai, lekin chote face wale ise naa ajmaye.
- Yeh hairstyle coat paint ke sath khoob fabti hai.
- Apni alag pehchan dikhane ke liye yeh ek accha tarika hai.
- Aap chahe to lambe baalo ke sath ponytail ya bun dono bana sakte hai. Vese khule baal bhi acche lagte hai.
Interview Ke Liye Short and Simple
Fashion ka jamana hai to fashionable rehna to banta hai. Lekin yadi aap job interview ko talash rahe hai to ek baat ka khayal jarur rakhe iss wakt aapko aesi hairstyle chunni hai jo aapko interview ke anusar dikhaye.
- Isliye jab bhi aap kisi interview mai jaye simple hairstyle mai hi jaye.
- Simple hairstyle se hamara yaha matlab chote baal aur piche ki taraf jame huye baal hai.
Deep Side Part Hairstyle
Yadi aap tv ke hero ki tarah apni hairstyles rakhte hai aur baar naya trend follow karne mai vishvas rakhte hai to Deep Side Part Hairstyle aapke liye bilkul sahi choice hai. Yeh aapko sadharan se kuch alag hatkar dikhati hai. Yeh Haircut Styles for Men aajkal bahut prachalan mai hai.
Khas Mouko Ke Liye Gel Top Hairstyle
Yadi aap kisi khas mouke par ja rahe hai to aapki hairstyle bhi khas honi chahiye. Yadi aap kisi brand ko promote kar rahe hai ya to kisi ko shadi ke liye propose karne wale ho to iske liye aapko gentleman ki tarah dikhna hoga. Aese mai jel lagakar aap baalo ko piche ki taraf set kar sakte hai.
Upar aapne jana Best Hairstyles for Men in Hindi. Yadi aap bhi apne purane look se bore ho gaye hai to aap bhi uprokt hairstyles try kar sakte hai.