Exercises to Increase Bone Density – Haddiya Majboot Banaye

 

Bahut se logo ko choti moti chot lag jane par bhi haddiyo mai fracture ki samasya ho jati hai. Isme piche ka mukhya karan kamjor haddiya ya unka patla hona hai. Pehle to iss tarah ki dikkat keval bujurgo mai dekhne ko milti thi lekin aajkal to kam umra ke logo mai kamjor haddiya jaisi samasya hai.

Haddiyo ke majboot rehne ke liye bone density acchi hona jaruri hai. Anya shabdo mai kahe to aapko haddiyo ka ghanatva jitna accha hoga utni hi aapki haddiya majboot hogi.

Yadi aapke haddiyo ka ghanatva 0 se -1.5 ke bich hota hai to aap samajh lijiye ki yeh samanya hai. Kintu yadi yeh -1.5 se -2.0 hai to iska matlab yeh bahut kam hai. Lekin haa aapko Osteoporosis ki samasya nahi hai.

Osteoporosis wo avastha hai jisme grasit logo ko haddiyo mai dard aur fracture jaise lakshan dikhai dene lagte hai. Yeh calcium aur vitamin d ki atyadhik kami ke chalte hota hai. Kai bar to logo ko osteoporosis bahut lambe samay tak chalta hai aur unhe pata bhi nahi chalta hai ki unhe yeh samasya hai. Isse tarah ki paristhiti se bachne ke liye jaruri hai ham apne sharir ka khyal rakhe.  Aaiye jante hai Exercises to Increase Bone Density.
 

Exercises to Increase Bone Density – Sharir Ke Liye Jaruri

 
Bone Density Exercise
 
Yadi aap bhi How to Improve Bone Density jaise sawalo ko talash rahe hai to yaha ham aapko iske liye kuch vyayam bata rahe hai.

Apne Sharir Ko Alag Alag Tarike Se Mode

Aapko kuch iss tarah ke vyayamo ko shamil karna hai. Jisse aapka sharir ko niyamit dincharya se alag kuch mile. Iss ke liye aap hafte mai ek ya do din yoga, dance jaisi chizo ko shamil kare.
 
bone-density-body-movement
 

Apne Pairo Par Apne Sharir Ka Vajan Aane De

Aapko iss tarah ki gatividhiya karni hai jisse aapka vajan aapke pairo par padhe. Jaise yadi gym jate hai to cycle chalane ke bajay treadmill ka chunav kare.

  • Yadi aapko shopping aadi ke liye jana hai to gadi se jane ke bajay behtar hoga yadi aap paidal jaye.
  • Jab bhi aap tv dekhte hai to sofe par aaram pharmane ke bajay, uthe aur thodi stretching kare, apne ghutno ko mode aadi.

 
Bone Density - Body Workout
 

Romanian Dead Lift

Jab bhi aapki bone density kam ho jati hai to sabse jyada asar agar kisi chiz par padhta hai to wo hai aapki ridh ki haddi, nitamb aur baju. Inhe majboot banane ke liye sabse accha vyayam hai to wo hai Romanian Dead Lift.

  • Ise karne ke liye apne ghutno ko thoda band karke khade ho jaye.
  • Ab apni kamar se aage ki aur jukhe.
  • Fir bethak ki jagah se abs ko dabate (ya uspe load banate hue) sidhi position me aa jana he or repeat karna he.
  • Aur yadi aap ise aur bhi prabhavi tarike se karna chahte hai to dono hatho mai dumble le le.

 
Bone Density - Romanian Dead Lift
 

Aerobics

Kitna accha hoga yadi dance karne ke sath sath aapko fitness mil jaye. Yadi aapko dance karna pasand hai to ham aapko bata de ki yeh bahut hi accha vyayam hai. Vese to sare prakar ke dance faydemand hote hai. Lekin haddiyo ko majboot banane ke liye aap aerobics ka chunav karte hai to aapke liye behtar hai. Aerobics vajan ghatane mai bhi madadgar hai.
 
Bone Density - Aerobics
 
Upar aapne jana Exercises to Increase Bone Density. Hamare desh mai haddiyo ka kamjor hona ek aam samasya hai. Upar diye gaye vyayamo ko apnakar aap haddiyo ko majboot bana sakte hai. Uprokt vyayamo ko karne ke sath sath apne aahar mai phalo ko shamil kare aur dudh ke utpado ko shamil kare.

Loading...

You may also like...