Face serum twacha ko nikharne mai madad karte hai lekin inki jankari bahut kam logo ko hai. Aajkal bajar mai kai tarah ke serum milte hai, jinhe twacha par cleansing aur toning ke bad lagaya jata hai. Yeh serum twacha ke liye bahut faydemand hote hai.
Face serum mai bahut sare gun hote hai, jo twacha ki rangat ko nikharne ka kaam karte hai. Iske alawa face serum mai kai aese tatva bhi hai jo aapki twacha ko suraj se nikalne wali ultraviolet kirno se bhi bachata hai.
Har tarah ki twacha ke liye alag alag serum hote hai. Jaise yadi aapki twacha teliya hai to aapko water base serum lagana chahiye wahi yadi aapki twacha rukhi hai to oil base serum ka istemal karna chahiye, yeh sabhi aapko aasani se bajar mai mil jate hai. Aaiye aaj ke lekh mai jante hai Face Serum Benefit in Hindi.
Face Serum Benefit in Hindi: Aapki Sundarta Badhaye
Face Serum mai Moujud Tatva
| Vitamin C | 20 % |
| Hyaluronic acid | 11 % |
| Amino complex | 1% |
| Collagen | 10% |
| Glycolic acid | 10% |
Twacha Ko Banaye Komal
Twacha ko mulayam banane ke liye kai tarah ke utpad bajar mai uplabdh hai lekin face serum aapki twacha ko mulayam banane ke sath sath swasth banane mai bhi madad karta hai. Kai log serum ko hi moisturizer samajh lete hai parantu yeh moisturizer se alag hai.
- Jab aap serum ko twacha par lagati hai to twacha ise bahut jaldi sokh leti hai.
- Face serum twacha ke andar tak jata hai aur twacha ko poshan pradan karta hai.
- Ise lagane par chehre ki twacha rukhi aur bejan nahi dikhti, yeh twacha ko swasth aur komal banata hai.
Badti Umra Ko Rokne mai Sahayak
Face serum mai kai aese poshak tatva hote hai jo badti umra ko rokane mai madad karti hai. Tatha aapki twacha umra hone ke bad bhi jawan dikhti hai. Iske alawa aapki twacha khubsurat lagti hai.
- Ise lagane se aapki twacha mai kasavat aati hai jisse twacha latkati nahi hai.
- Isme moujud anti aging tatva chehre ki badti umra ko rokane mai madad karte hai.
- Anti Aging Serum chehre par hone wale pigmentation ko bhi rokne mai sahayak hota hai.
Jhurriya Hatane Ke Liye Faydemand
Jhurriyo ke karan aapki twacha aapki umra se do guni badi dikhne lagti hai. Isse aapki khubsurati bhi chali jati hai aur aapka chehra din pe din kharab hone lagta hai.
- Iske alawa isme glycolic acid hota hai jo ki exfoliating agents ki tarah karya karta hai.
- Face serum mai hyaluronic acid bhi hota hai jo fine lines aur wrinkles hatane mai madad karta hai.
- Vitamin C Serum, twacha ko chamakdar banata hai aur age spot hatane mai madad karta hai.
Daag Dhabbe Ko Hataye
Face serum chehre ke daag dhabe hatata hai jisse chehra saaf aur sundar dikhta hai. Iss serum ko chehre ki twacha par lagane se chehre ki twacha ujali hui dikhti hai.
- Isme whitening agent hota hai, jo daag dhabbe ko dur karta hai.
- Jaise jaise umra badti jati hai chehre par daag dhabbe hone lag jate hai to face serum unhe hatane mai madad karta hai.
- Yadi aapke chehre par kisi tarah ka koi sankraman hua hai to face serum sankram se ladne mai twacha ki madad karta hai.
Twacha Ki Rangat Nikhare
Aapki twacha mai sun tanning ya kisi aur karan se twacha ka rang gehra ho gaya hai to serum aapke chehre ki rangat nikharne mai madad karta hai kyonki isme kai sare poshak tatva hote hai.
Isme vitamin c aur minerals hote hai jo chehre ke liye acche hote hai.
Iske alawa isme tulsi, haldi, jojoba aur bhi kai chije hoti hai jo twacha ke rang ko saaf karti hai.
Rukhi Twacha Ke Liye
Yadi aapki twacha rukhi hai to iske liye Best Serum for Dry Skin bajar mai mil jata hai. Jo aapki chehre ki twacha ko andar tak poshan deta hai, jisse rukhi twacha komal aur mulayam ho jati hai.
- Aap chahe to face serum ko moisturizer mai mila kar laga le.
- Isse tab tak malish kare jab tak pura serum twacha ke andar puri tarah se na sama jaye.
- Twacha ko komal banane ke liye thoda serum hath mai le aur pure chehre par halke hatho se malish kare.
Upar aapne jana Face Serum Benefit in Hindi. Uprokt di gai jankari mai aapko bataya gaya hai ki face serum aapki twacha ke liye faydemand hai. Jab bhi aap face serum ka chunav kare acche company ka product chune.