Fat Burning Tips in Hindi: Charbi Kam Karne Ke Upay

Sharir par charbi jamne ke kai karan ho sakte hai jaise vyayam na karna, sharirik mehnat ka abhav aadi. Aajkal ka jyadatar wakt logo ka computer par gujarta hai, jiske karan office mai kam karne ke liye dinbhar baithe rehna padta hai jisse kamar tatha pet par charbi jam jati hai aur aapka pet bahar nikalne lagta hai.

Sharir par atirikt charbi jamne se sharir bedhol dikhai dene lagta hai, iss karan aap apne pasandita kapde bhi nahi pehan pate hai. Charbi vasa ka ek roop hoti hai jo sharir ke swasthya ke liye hanikarak hoti hai.

Jab aap nikale huye pet ke sath logo ke bich jate hai to aapko asahaj mehsus hota hai aur tabhi aap sochte honge kal se aap gym shuru karenge parantu fir subah hote hi aap sab bhul jate hai ya fir do char din gym mai jakar mehnat kar bore ho jate hai. Lekin yadi aap wakai sharir ka shape maintain karna chahte hai to aapko vyayam mai ruchi lena hi padegi.

Aaiye jante hai Fat Burning Tips in Hindi. Yaha diye gaye tariko ko apne dainik jeevan mai upyog mai lane par kuch hi dino mai aapki badhi hui atirikt charbi hat jayegi aur aap khubsurat aakarshit figure payenge.

Fat Burning Tips in Hindi – Sharir Ko Banaye Aakarshak

Fat Burning Tips in Hindi

Subah Sham Tehle Ya Doud Lagaye

Charbi hone ka mukhya karan bhojan ka urja mai parivartit na hona hota hai. Kyoki jab bhojan urja mai parivartit nahi hota hai to atirikt calorie sharir par jamne lagti hai aur dheere dheere sharir ke ango ke aaspas charbi jama ho jati hai.

Ise kam karne ke liye roj subah kam se kam 3 se 4 km ki doud lagaye taaki sharir mai jama charbi urja mai badal jaye. Iske atirikt khana khane ke bad baithe  nahi balki halka fulka walk kare. Aese se aapke sharir ki charbi nahi badhegi.

You May Also Like:- Running to Lose Weight: Vajan Kam Karne Ke Liye Doude

 

Tarbuj Ka Sevan Kare Motapa Kam 

Garmiyo ke mousam mai tarbuj bahut adhik matra mai aate hai tatha vajan ko ghatane mai bhi yeh bahut karagar hote hai. Kyoki tarbuj mai 91% pani hota hai, jab aap tarbuj ka sevan karte hai to aapka pet bhara hua mehsus hota hai parantu yeh kuch hi der mai aasani se pach jata hai. Isme mojud Vitamin B1, B6, aur C paryapat matra mai hota hai. Iske alawa potassium, magnesium bhi hota hai. Tarbuj ko khane se ya ek glass roj iska ras pine se pet ke aaspas ki charbi khatam ho jati hai. Isliye Watermelon for Weight Loss bhi aapke liye accha vikalp hai.

Bharpur Neend Le

Aapko jankar shayad aascharya hoga lekin nind motape se ladne mai bahut accha vikalp hai, shodhkartao ke dwara mana gaya hai ki rojana raat ko kam se kam 7 se 8 ghante ki nind hona bahut jaruri hai. Kyoki yadi aap isse kam nind lenge to aapki bhukh bad jayegi aur jarurat se jyada khana aapke sharir mai vasa ke jamne ka karan ban jata hai aur aap mote hote jate hai.

Unhealthy Snacks Se Bache

Kuch log din bhar chips, mithai aadi ka sevan karte hai. Aesi chizo mai unhealthy fat hota hai. Jise aapka sharir nasht nahi kar pata hai. Isse dhire shire sharir ki charbi badhne lagti hai. Isliye yadi aap snacks khan eke shoukin hai to healthy snacks ko shamil kare jaise ankurit moat ki bhel, uble chane aadi.

Aahar ki Matra Santulit Rakhe

Kai log aise bhi hote hai jo dinbhar khate rehte hai aur unhe pata hi nahi chal pata wo kitna kha rahe hai aur uske alawa wo uss khane ko se mili urja ka puri tarah se istemal bhi nahi kar pate hai. Jisse unka vajan din pratidin badne lagta hai. Vajan ko niyantrit karne ke liye bahut jaruri hai ki apne dinbhar ke khane ka hisaab rakhe.

Ajwain Se Kam Kare Pet Ki Charbi

Yadi aap bhi internet par How to Reduce Belly Fat jaise prasno ka uttar talashte rehte hai. To jaan le ki ajwain isme aapki madad kar sakti hai. Pet aur kamar ki atirikt charbi ko kam karne ke liye subah uthne ke bad ya raat ko sone se pehle nabhi ke upar bafare ke bhap se senk kare. Ise banane ke liye 1 mutthi ajwain ko pani mai dale tatha usme 1 chammach namak ko dale aur ubalne ke liye rakh de.

Iske upar aata channe ki channi rakhe aur uski tah par thande pani mai bheega kapda jali ke upar rakhe, jisse kapda garam ho jayega aur usse nikalne wali bhap ko pet par rakhkar 10 second tak senk kare kuch hi din mai pet ki charbi khatam ho jayegi.

You May Also Like:- Detox Diet Plan in Hindi: 7 Din mai Vajan Kam Kare

 

Yoga Ke Kuch Aasan

Yoga sharir par jami hui atirikt charbi ko kam karne mai bahut faydemand hota hai. Jane kuch aasan jinko apni dincharya mai shamil karne se aapko motape se nijat mil jayega. Kuch aasan jaise bhujangasana, shalabhasana, uttanpadasana, sarvangasana, halasana, surya namaskar aadi. Inn sabhi aasano ko rojana 5 minute karne se jama hua fat chhumantar ho jayega.

Gungune Pani Ke Sath Shahad

Pet ya sharir ke kisi bhi ang mai jami hui atirikt vasa se nijat pane ke liye roj subah khali pet gungune pani mai 1 chammach shahad gholkar pine se motapa kam hone lagta hai. Dhyan rakhe vajan kam karne ke liye dudh aur ghee ka sevan karna band na kare varna sharir mai kamjori, rukhapan, jodo ka dard aadi samasya paida ho jayegi.

Anya Salah: Kamar aur Pet ki Charbi Kaise Kam Kare

  1. Rojana vyayam ko apni dincharya mai shami kare.
  2. Khane mai chawal, aloo aur ghee ka sevan thoda kam karde.
  3. Pure din mai kam se kam 30 minute tak tehle taaki charbi sharir par na jame.
  4. Dinbhar mai 10 se 12 glass pani piye aur nind puri le.

Upar aapne jana Fat Burning Tips in Hindi. Apni jivansheli ko sudharkar aap apne sharir se atirikt charbi ko dur kar sakte hai.

Loading...

You may also like...