Subscribe Whatsapp

Home Remedies for Cold in Hindi: Sardi Se Jald Rahat Paye

Thand ke mousam ne dastak dedi hai. Yeh mousam sabko bahut accha lagta hai. Iss mousam mai dosto ke sath bahar jakar chai ki chuskiya lena aakhir kisko accha nahi lagega.

Lekin inn dino vatavaran mai bahut sare bacteria hote hai. Thand akele nahi aati balki apne sath sardi, khasi jaisi chize bhi lekar aati hai. Isliye thand ke mousam mai sardi rehna bahut aam baat hai.

Kuch logo ka sharir aesa hota hai ki yadi vatavaran thoda bhi thanda ho to unhe sardi ho jati hai. Aese mai bar bar dawai ka sevan karna sahi nahi hai. Kyoki antibiotics kai bar fayda pahuchane ke bajay nuksan kar dete hai.

Isliye behtar hai ki sardi jaisi choti si samasya ke liye ham gharelu upcharo ka sahara le. Aaiye jante hai Home Remedies for Cold in Hindi.
 

Home Remedies for Cold in Hindi: Jane Behtarin Gharelu Upay

 
Home Remedies for Cold in Hindi
 

Haldi Wala Doodh 

  • Sardi hone par iss nuskhe ko kai log apnate hai. Yadi aapko iske bare mai nahi pata hai to aap jaan le kyoki yeh bahut hi adhik prabhavi tarika hai.
  • Prayog ke liye ek glass doodh aur 1 chota chammach haldi ubalne ke liye rakh de. Doodh ko aadha hone tak ubalte rahe. Chahe to chutki bhar shakkar ya fir mithas ke liye kharik dal sakte hai.
  • Doodh ko chhan le aur garamgaram doodh ki chuskiya le. Iss haldi wale doodh ko sardi theek hone tak din mai do bar le. Ek bar din mai aur ek bar raat ko sone se pehle.

 

Adrak Ka Ras aur Shahad

  • Yadi aapko dudh pina nahi pasand hai aur aap apni sardi theek karne ke liye koi aasan upchar dhund rahe hai to yeh upchar aapke liye sahi hai.
  • Adrak ka tukda lekar ise kisni se kees le. Fir kise huye adrak ko chaani se chhankar iska ras nikal le.
  • Kam se kam itna ras nikale ki aapka 2 se 3 din tak ka kaam aa jaye.
  • Iss ras mai barabar matra mai shahad dalkar ise kaach ki kisi bottle mai milakar rakh de.
  • Din mai kam se kam teen bar iss mishran ke ded chammach ka sevan kare. Ek baar raat ko sone se pehle le.
  • Raat ko sote wakt jab aap ise lenge to iske baad pani na piye. Yadi aap chahe to sirf pani se kulla kar sakte hai. Adrak aur shahad Best Remedy for Cold hai.

 

Tulsi Ka Kadha

  • Yadi aap fime dekhne ke shoukin hai to aapne yeh jarur dekha hoga ki jab baris mai koi bheej jata hai aur use sardi ho jati hai to use tulsi ka kada diya jata hai.
  • Ham aapko bata de ki asal jindagi mai bhi yeh utna hi faydemand hai. Isse aap apni sardi ki samasya se nijat paa sakte hai.
  • Aap kuch nahi karna hai, bus tulsi ki kuch pattiya lekar use dho le. Fir use khalbatte mai kutkar mash kar le.
  • Ab ek cup se thoda jyada pani ubalne ke liye rakhe, pani mai ubal aate hi usme mash kari hui tulsi dale aur 3-4 minute aur ubalne de.
  • Gas band kar de aur 5 minute ke liye mishran ko aesa hi rehne de. Fir ise chhankar pani ko garam serve kare.

 

Raat mai Gud Ka Sevan

  • Jab bhi aapki sardi bahut jyada badh jati hai to aapki chhati mai bhi cough jamne lagta hai. Jiske wajah se aapko asahaj mehsus hone lagta hai.
  • Aese mai raat ko sone se pehle aap kuch din ek gud ka tukda khakar soye. Isse aapke sharir ka tapman garam rahega aur aap sardi ki samasya se rahat payenge.
  • Yeh prayog aap keval thandi ke dino mai hi kare. Kai bar garmi mai bhi gale mai infection aadi hone ke karan sardi ho jati hai, to tab aap yeh prayog naa kare.

 

Tave Par Siki Kishmish

  • Bachpan mai aksar jab hame bukhar ho jata tha to mummy aksar hame siki hui kishmish deti thi, taki muh ka swad bhi accha ho jaye aur bukhar se ladne ke liye sharir ko takat bhi mile.
  • Sardi Ke Gharelu Upay mai bhi kishmish ka naam shamil hai. Na keval school jane wale bacche balki badho ke liye bhi yeh accha upay hai.
  • Prayog ke liye kishmish ko tave par thoda namak dalkar seke. Thanda hone ke bad iska sevan kare.
  • Iss gharelu nuskhe se na keval aapka viral infection theek hoga balki gale ko bhi aaram milega.

 
Upar aapne jana Home Remedies for Cold in Hindi. Upar bataye gaye pancho upay karne mai kaafi aasan hai. Yeh chize aapko aasani se apne hi ghar mai mil jayegi, aapko iske liye bajar jane ki bhi jarurat shayad hi padegi, kyoki yeh chize aksar ghar mai hi moujud hoti hai.
 

Related Post