Subscribe Whatsapp

How to Oil Your Hair – Ghane aur Majboot Baalo ke Liye Jaruri

Baal hamari khubsurti ko badhane mai aham bhumika nibhate hai. Jin logo ke sar par ghane kale baal hote hai, ham unhe dekhkar kehte hai ki we log kitne lucky hai. Par kya aap jante hai acche baal rakhne ke liye baalo ki dekhbhal karna bahut jaruri hota hai.

Baalo ki dekhbhal ke liye sabse jaruri baalo mai tel ki malish karna hai, jise hamare yaha champi kaha jata hai. Sar mai tel ki champi karne par naa kval baalo ko nami milti hai balki yadi aapko sardard ho raha to usme bhi bahut rahat milti hai.

Yadi aap tel ka istemal nahi karte hai to aapke baal rukhe aur bejan ho jate hai aur dhire dhire jhadne bhi lag jate hai. Tel lagane se aapke baalo ko moisturizer milta hai. Jisse aapke baal mulayam hote hai aur repair hote hai. Tel se baalo mai chamak bhi aati hai. To chaliye fir jante hai How to Oil Your Hair.
 

How to Oil Your Hair: Jane Tel Lagane Ka Sahi Tarika

 
How to Oil Your Hair
 

Step 1: Tel Ko Garam Kare

Tel ko kabhi bhi directly nahi lagana chahiye. Ise hamesha garam karke lagana chahiye, kyoki garam tel badi hi aasani se hamare sar mai absorb ho jata hai, jisse jado ko poshan milta hai.
 

Step 2: Baalo Ka Partition Kare

  • Tel ko keval baalo mai hi nahi balki scalp par lagana bhi jaruri hota hai. Isliye tel lagane se pehle baalo mai partition karna jaruri hai.
  • Baalo ka alag alag bhag karke, har hisse mai thoda sa tel lagakar waha malish kare.
  • Jitna ho sake utne jyada partition kare.
  • Isse tel acchi tarah se aapke scalp mai jata hai kyoki tel ko keval baalo mai lagana hi kaafi nahi hota hai.

 

Step 3: Baalo mai Tel Ki Malish Kare

  • Bahut jyada tel nahi lagana chahiye. Thoda sa tel sar ke har hisse mai lagaye aur malish kare.
  • Aap tel kitna laga rahe hai yeh jyada jaruri nahi hota, Oil Treatment for Hair ke anusar aap tel kis prakar laga rahe hai wo jyada mayne rakhta hai.
  • Tel ko acche se lagane ke liye apni ungaliyo ko tel mai duboye. Ungliyo mai tel lekar apne sar par lagakar malish kare.
  • Apne sar mai tel dalne ke bad kam se kam 10 se 15 minute tak malish kare.
  • Ab apne baalo ko tip se lekar niche tak halka halka tel laga le.

 

Step 4: Tel Ko Ek Puri Raat Laga Rehne De

  • Baalo ko tel lagate hi nahi dhona chahiye. Ham jante hai ki tel ke bal rakhne kisi ko bhi pasand nahi hote hai.
  • Isliye sone jane se pehle tel ki champi karni chahiye. Nind mai aapko koi chipchipa ehsas nahi hoga.
  • Aap chahe to shower cap bhi pehan sakte hai. Kyoki jitna wakt aap tel ko rakhte hai yeh acche se sar mai absorb ho jata hai.

 

Anya Hair Oiling Tips Inhe Bhi Janiye:-

  1. Hafte mai kam se kam ek din to tel ki champi jarur karna chahiye. Aur yadi aapke baal rukhe hai to hafte mai do bar tel lagana chahiye.
  2. Yadi aapko lagta hai ki aapke baal bahut jyada kharab ho rahe hai. Aapke sar mai dandruff aur domohe baalo ki samasya se aap pareshan hai to aese mai aapke baalo ko jyada dekhbhal ki jarurat hai.

 

1 Mahine mai Ho Jayenge Baal Acche

Yadi aapke sath possible hota hai to 1 se 2 mahine tak aapko rojana tel lagana chahiye. Raat ko tel ki malish na keval aapke sharir se sari thakan hata degi. Balki isse aapke baal resmi aur mulayam bhi honge. Kyoki jab aap tel ki champi karte hai to aapke sar mai rakt ka sanchar badhta hai, jo swasth baalo ke liye bahut jaruri hai.

[related_posts]

Aapko baalo mai kaunsa tel lagana chahiye. Yeh aap niche di gayi table mai dekh sakte hai. Vaise Coconut Oil for Hair Growth bhi ek accha option hai.
 

Tel Ka Prakar Tel Ke Fayde
Nariyal Ka Tel Baalo mai Chakam Laye, Mulayam Banaye
Sarso Ka Tel Baalo Ki Growth Badhaye
Badam Ka Tel Baalo Ka Volume Badhaye
Jojoba Oil Yadi Baal Hai Teliya
Tree Tea Oil Dandruff Hatane Ke Liye
Bhringaraj Tel Do Muhe Baalo Ki Samasya

 

Shampoo Ki Acchi Quality Hai Jaruri

Kuch log apne baalo mai puri ki puri shampoo ki bottle hi undel dete hai. Yeh sahi nahi hai kyoki itne sare tel ko dhone ke liye aapko jyada shampoo se apne baal dhone padhte hai. Yadi aap baalo ko accha rehna chahte hai to shampoo bhi acchi quality ka istemal karna chahiye. Yaha aap kuch herbal shampoo ke bare mai jan sakte hai.
 
Upar aapne jana How to Oil Your Hair in Hindi. Upar batai gayi steps ki madad se aap apne baalo mai aasani se tel laga sakte hai. Tel lagane se aapke baal khubsurat lagenge.
 

Related Post