Kareena Kapoor Khan, bollywood ki sabse glamorous mummy mai se ek hai. Adhiktar bollywood ki beauties garbhavastha ke douran lime light se dur rehna pasand karti hai. Lekin kareena ne us wakt bhi bilkul bindas hokar photo shoot kiya.
Apne pregnancy ke douran bhi babo ne lagatar kaam kiya tha, aur modern working woman ka ek accha udhaharan set kiya hai. Kaam mai vyast rehne ke bawjud bhi babo ke chehre par ek pink glow dekhne ko mila hai.
Abhi bhi unki Delivery ko 1 mahina hi kuch hua hai. Lekin babo rest lene ke bajay kaam mai lag gayi hai, aur ek nayi film kar rahi hai. Pregnancy ke baad bhi kareena mai itna stamina hai, shayad yahi wajah hai bahut sari mahilaye jo mummy banne ki planning kar rahi hai wo Kareena Kapoor Pregnancy Diet ke bare mai janna chahti hai.
Kareena Kapoor Pregnancy Diet in Hindi – Janiye aur Samjhe
Aaj ham aapko bata rahe hai ki kareena jab garbhvati thi to unka diet plan kaisa tha. To chaliye jante hai Kareena Kapoor Diet Plan.
Garbhavastha ke douran mahilao ko kai baate sunne ko milti hai. Jaise iss douran ham jo hamesha khate hai uss se jyada khana chahiye. Kyoki aap ek vyakti ke liye balki do vyakti ke liye kha rahe hai. Isliye iss douran bahut si mahilaye unke khanpan ko lekar duvidha mai rehti hai, ki aakhir unhe kya khana chahiye, kya nahi. Kya bukh na hone par bhi unhe jyada khana chahiye.
Lekin iss bare babo aur unki dietician cum friend Rujuta Diwekar, dunia ki iss bheed se thoda alag sochti hai. Ham aapko bata de ki Rujuta Diwekar ek bahut hi mashhur nutrition aur wellness expert hai. India today ke sath online ki gayi batchit ke douran unhone iss bare mai kai jankari di.
Dono ne kaha ki sabhi ki pregnancy diet alag alag hoti hai. Isliye yadi koi celebrity kisi diet ko apnati hai to aap bhi aankhe band karke use follow kare. Kareena ke anusar garbhavastha ke douran li gayi diet sabke sharir ke hisab se hona chahiye. Aur jaruri nahi hai ki jo khane ka man kareena ka kar raha ho wo aapka bhi kar raha ho.
Pregnancy Ke Douran Kareena Khati Thi Karela
- Jo babo ko samose bahut pasand hai usne pregnancy ke douran karele ka sevan kiya. Babo ko iska taste bhi pasand hai.
- Kareena ka kehna hai ki yadi aapki pasandida abhinetri bhale hi ise kha rahi to iska matlab yeh nahi hai ki aap bhi ise bina pasand ke kha le.
- Har kisi ka sharir alag hota hai isliye pregnancy bhi alag hoti hai. Healthy pregnancy ko lekar kareena ka kehna hai
Stick to whatever you’ve doing.
Overeating Ke Bajaye Phalo aur Sabjiyo Ko Shamil Kare
- Kareena ke anusar bahut jyada overeating karne se accha, apne aahar mai seasonal sabjiyo aur phalo ka sevan karna chahiye.
- Babo apni pregnancy ke douran turmeric latte leti thi, jo ki Indian haldi dudh ka hi ek form hai.
- lekin ise lene se pehle aapko apne doctor se acche se jaan lena chahiye. Kyoki haldi ka galat prayog aapko pareshani mai daal sakta hai.
- Darahsal aapko wahi khana chahiye jo aap pehle se khate aa rahe hai, kyoki wo aapka sharir acche se accept kar leta hai.
Healthy Pregnancy Ke Liye Pehle Se Rakhe Khayal
- Kareena ka kehna hai ki aurte aksar yeh bhul jati hai ki pregnancy unki life ka hissa hai. Aur keval garbhavastha ke samay khud ka aahar badal dene se jyada fark nahi padhta hai.
- Yadi aap healthy lifestyle aur pregnancy chahte hai to aapko bahut pehle se apna khayal rakhna chahiye, jab aapki garbhavati hone ki planning na ho tab se. Na ki keval pregnancy ke douran.
- Iske liye aapko hamesha apni diet par focus rakhna chahiye. Har season ki sabjiya khana chahiye. Karela aur chukundar to bahut hi faydemand hota hai.
Besan Ke Laddoo Khaye
Babo ka kehna hai ki pregnancy mai aapko bar bar bhukh lagti hai. Kai bar to aadhi rat mai bhi meetha khane ka man ho jata hai. Aese mai bajar se milne wali chize khan eke bajay ghar mai bane sooji key a fir besan ke bane ladoo kha sakte hai.
Ghee Khaye
Babo ka kehna hai ki pregnancy ke baad ghee khane se aapka metabolism accha rehta hai aur aapko takat milti hai. Kareena ne bahut pehle se hi ghee ko apni diet mai shamil rakha hai, kyoki ghee ko achanak se khane par motapa badhta hai.
Upar aapne jana Kareena Kapoor Pregnancy Diet in Hindi. Yadi aap garbhavati hai to apna khayal rakhe, lekin jaisa babo ne kaha apne sharir ke anusar aapko apna khayal rakhna hai.