Milk Cream for Skin: Khubsurat Twacha Ke Liye Malai Ke Fayde

Dudh ke thanda hone ke bad uss par moti parat jam jati hai, jise malai kehte hai. Iss malai ko kai bar hum dudh se nikal dete hai, kyuki iska sevan karne se motapa aata hai. Lekin kya aap jante hai ki malai aapki twacha ke liye bahut faydemand hai.

Darahsal malai dudh se bani hoti hai tatha isme vitamin E aur lactic amal paya jata hai. Jo twacha ki rangat ko nikharne ke kaam aata hai. Yeh sirf saridyo mai hi nahi balki garmiyo mai bhi aapki twacha ko nami pradan kartia hai. Kyuki jaruri nahi ki sirf sardiyo mai aapki twacha rukhi aur bejan ho yeh garmiyo mai pani ki kami ke karan bhi twacha rukhi hoti hai.

Malai ka rojana istemal se aapka chehra nikhrata hai kyuki isme kisi bhi tarah ka koi chemical nahi mila hota hai. Sath hi isme kuch gharelu chijo ka istemal karke aap aapki twacha ko aur bhi jyada nikhar sakte hai. Aur iske istemal karne ke liye aapko paise kharch karne ki bhi jarurat bhi nahi padegi. Yeh badi aasani se har ghar mai mil jata hai.

Aaj hum aapko iss article ke madhyam se Milk Cream for Skin ke fayde bata rahe hai. Iska prayog aapki twacha ko chamakdar aur khubsurat banaye rakhne mai madad karega. To aaiye jante hai malai ke faydo ke bare mai.
 

Milk Cream for Skin: Malai Se Nikhare Apna Chehra

 
Milk Cream for Skin
 

Hontho aur Twacha Ko Phatne Se Bachaye

Thandiyo mai sardi ki wajah se hoth fatne lagte hai, aur garmiyo mai pani ki kami ki wajah se hoth fatne lagte hai. Yadi aap chahte hai aapke hoth gulabi aur naram bane rahe to rojana raat ko sone se pehle malai lagaye. Iske alawa nahane se pehle twacha par malai lagane se aapki rukhi twacha bhi naram aur chamkdar ban jayegi.
 

Har Tarah Ki Twacha Ke Liye Faydemand

Har vyakti ki twacha alag alag hoti hai kuch logo ki twacha normal tatha kuch ki rukhi hoti hai. Yeh to aap jaan gaye ki malai ko lagane se chehre par nikhara laya ja sakta hai, lekin iske sath aapko yeh bhi pata hona chahiye ki aap ki twacha ke anusaar aap malai ka istemal kare taaki aapki twacha nikhari aur damkati rahe.
 
Normal Twacha Ke Liye: Malai mai chandan, haldi, shahad, besan aur gulabjal milakar paste bana le aur aur isse chehre tatha gardan par acche se laga kar kuch der tak sukhne de tatpashchat saade pani se dho le. Ise kuch dino tak lagane par aapko glowing skin jarur milegi.
 
Rukhi Twacha Ke Liye: Yadi aapki twacha rukhi hai to aap kitna bhi cream ya moisturize lagaye wo thodi der bad fir se rukhi ho jati hai. Rukhi twacha se chutkara pane ke liye aap ek katori mai thodi si malai le aur usme thoda sa besan aur dhudh dalkar uska paste bana le aur use chehre, hath, pairo par lagaye aur kuch der bad thande pani se dho le. Iska lagatar upyog karne se aapki twacha mulayam ho jayegi.
 

You may also like:- Sandalwood or Chandan- Glowing Skin ke Liye Gharelu Nuskhe

 

Mulayam Twacha Ke Liye Malai aur Shahad

Yadi aap chahte hai ki aapki twacha baccho ki twacha ke saman mulayam aur komal bani rahe to malai mai thoda sa shahad milakar usse chehre par laggaye. Aur 15 se 20 minute bad chehre ko besan ki madad se dho le. Iska prayog karne se din par din aapki twacha komal hoti jayegi.
 

Twacha Ko Chamkaye

Kai log aise bhi hote hai jinki twacha murjhai bejaan si rehti hai. Aese mai yadi wo log twacha mai khoya hua glow wapas pana chahte hai to ek katori mai thodi si malai, besan, aur haldi dalkar mila le aur twacha par laga le. Karib 15 minute bad iss pani se saaf kar le.
 
Malai Benefits for Skin kai hai. Iska anya chizo ke sath upyog karke aap doguna fayda pa sakte hai. Aaiye jante hai kaise:-
 

Malai mai Besan aur Chanadan Ka Mishran

Malai ko aap kai chijo jaise besan, chandan aadi ke sath milakar laga sakte hai. Isse iska fayda dugna ho jayega tatha aapki twacha ki rangat nikhar jayegi. Yeh Fair Skin pane ka sabse sasta aur saral uppay hai.
 

Malai Ke Sath Nimbu

Thandi ke dino mai malai mai 2-4 bund nimbu ka ras aur thoda sa glycerin dalkar lagaye isse aapki twacha mai nami bani rahegi.
 

You May Also Like:- Papaya Face Pack in Hindi: Papite Se Nikhare Khubsoorati

 

Malai aur Chutki Bhar Haldi

Yeh sirf twacha mai nami hi nahi banaye rakhti balki chehre par glow bhi lati hai. Chehre par glow lane ke liye malai mai thodi si haldi aur besan dalakar acche se milaye aur chehre tatha gardan par laga kar 15 minute rakhe fir dho le. Aapka khoya hua nikhar lout aayega.
 

Malai Ke Sath Seb Ka Ras

Ek chammach malai mai ek chammach seb ka ras milakar iss mishran ko chehre par halke hatho se rojana lagane par kuch hi din mai rangat nikhar jati hai.
 

Anya Tarike Inhe Bhi Janiye:-

  1. Teen se char badam aur aur 10 se 12 gulab ki pattiya ko peeskar bane huye paste ko ek chammach malai mai milakar chehre ke daag dhabbe par lagane se kuch hi din mai daag dhabbe kam ho jate hai. Aur chehra bedag ho jata hai.
  2. Mosambi ya fir santre ke chhilko ko sukha kar pees le aur iss churn ko malai ke sath milakar lagane se twacha mulayam hoti hai aur usme chamak aati hai.
  3. Multani mitti benefits for skin to ham sabhi jante hai. Iska prayog karne ke liye multani mitti ko peeskar isse malai mai milakar chehre aur kohniyo par lagaye isse twacha mai rangat nikhar jati hai.

 
Upar aapne jana Milk Cream for Skin. To yeh the malai ke kuch anmol fayde, to malai lagaiye aur paiye gori nikhari twacha.

Loading...

You may also like...