Dudh pine se sharir andar se majboot hota hai, lekin kya aap jante hai dudh ka face pack humari twacha ke liye kitna faydemand hota hai, agar nahi jante hai to aaiye jante hai dudh face pack ke laabh.
Dudh sirf humari sehat ko hi nahi soundarya ko bhi nikharta hai. Yeh chehre ki cleansing, tanning aur mosturizing karta hai jisse chehre ki chamak barkarar rehti hai. Dudh se twacha ki chamak, komalta aur nikhar ko badhati hai. Dudh ko aap face pack bana kar use kar sakte hai. Isse aapke chehre ki komalta barkarar rehti hai aur aapka chehra sundar dikhne lagta hai.
To aaiye jante hai dudh face pack ke fayde.
You may also like:- Milk Benefits Jo De Aapko Sundar Twacha Aur Baal Ek-Saath
Dudh Face Pack se Banaiye Apne Chehre ko Komal aur Sundar
Rang Mai Nikhar aur Mulayam Twacha:-
Dudh ko pure sharir mai ragedne se twacha mulayam hoti hai aur nikhar aata hai. 2 chammach dudh ki malai mai ek chammach shahad milakar apni twacha par lagaye. isse twacha ki khushki samapt hoti hai. Dudh aur gulab jal ek mai milakar pure sharir par malish karne se twacha ka rangf dhire-dhire nikharna shuru ho jata hai.
Badhti Umra ko Roke:-
Nariyal vitamins aur khanijo ka bhandar hai. Isme twacha mai nami banaye rakhne ki abhutpurva shakti hai. Aapko bas itna karna hai ki nariyal ko kaddukas kar le aur nichod kar uske dudh ko nikal le aur iss dudh ko gulabjal mai milakar apni twacha par lage rehne de. 20 minutes ke baad gungune pani se saaf kar le. Gulab jal twacha k rom chidro ki safai karta hai jisse twacha tight ho jati hai.
Dead Skin Nikale:-
Dudh aur gajar ka ras milakar chehre par lagaye. Gajar mai beta carotene paya jata hai jo ki skin ko tight bana kar dead skin ko nikalta hai aur chehre mai nami lata hai. Aap ise sabji ko twacha ko saaf karne, jhurriya bhagane aur humesha ke liye chamakdar banane ke liye prayog kar sakti hai.
Muhase Dur Bhagaye:-
Dudh mai thoda sa namak milakar chehre par dono samay lagane se muhaso ki samasya se nijat milti hai. Aadha chammach pili sarson, aadha chammach kala til lekar piss le. Phir isme thoda dudh milakar muhase ke daag par lagaye. Nirantar prayog karne se muhase ke daag mit jayege.
Tailiya aur Jhaiyaa Dur Kare:-
Chehre ki jhaiyaa dur karne ke liye dudh aur sarson ka tel milakar lagaiye. Gehu ke aate ko dudh mai acchi tarah milakar raat bhar ke liye rakh de. Sabere ise chehre par lagaye. Isse oily skin ki samasya dur hogi.
Tanning Hataye:-
Oatmeal aur dudh ka mishran ek parakar ka scrub aur face cleanser ka kaam karega. Isse banana bahut hi aasan hai. Bas oatmeal powder lijiye aur usme dudh mila dijiye. Paste banaiye aur pure chehre par lagaiye. Dhire-dhire chehre par scrub kijiye aur nikhar paiye. Yeh tan dur karta hai.
Pores ko Khole:-
Kesar aur papita ko milakar chehre par lagaye. Papita mai vitamin aur anti oxidants paye jate hai jo ki skin ke liye bahut hi acche hote hai. Ek katore mai paka papita, dudh, shahad aur kesar milaiye. Isko chehre par 10-15 minutes ke liye lagaiye aur baad mai thande pani se dho lijiye. Yeh skin ko saaf karne keliye aur band pores ko kholne mai madad karta hai.
Upar aapne jane dudh face pack ke fayde. To aaj hi se dudh face ka istemaal kare aur banaye apne chehre ko komal aur sundar.