Subscribe Whatsapp

New Year’s Party Food Ideas: Naye Saal Ka Jashn Manaye

Do din mai 2016 khatam ho jayega. Naye saal ke aane ki khusi mai sabhi log celebration karte hai. Kuch log bahar jakar party karte hai to kuch logo ko apne ghar par hi party karna accha lagta hai.

Ab naya saal aa raha hai to party mai bhi to sab special hona chahiye. To kyu na naye saal par aap aese items rakhe ki aapke sabhi friends iss party ko saal bhar yad rakhe.

Aapne naye saal ki party ko lekar decoration ke bare mai soch liya hai, lekin abhi bhi confuse hai ki khane ke liye kya rakha jaye? To pareshan mat hoiye aaj ke lekh mai ham aapke liye laye hai New Year’s Party Food Ideas. Isme se aapki pasandida jo bhi chize hai use aap rakh le.
 

New Year’s Party Food Ideas – Iss Din Ko Celebrate Kare

 
New Year’s Party Food Ideas
 

Pey Padarth

  • Koi bhi party drinks ke bina adhuri hai. Isliye aap solid food ke sath sath pey padarth rakhna na bhule.
  • Iss mousam mai thodi thand hoti hai aur party raat ke wakt hoti hai isliye aap nimbu shikanji ya mint rakhne se bache.
  • Iss mousam mai aap badam ka dudh, masala chai ya fir coffee ka option rakh sakte hai.

 
Badam ka dudh: Badam ka dudh swad mai bahut hi swadhist lagta hai aur aap ise pure saal mai kabhi bhi le sakte hai. Badam mai calcium aur iron acchi matra mai hota hai aur sath mai dudh bhi milne se yeh bahut hi healthy pey ban jata hai. Yeh swasth ke liye bahut accha hota hai. Aese mai aapke jo dost apni sehat ka bahut khayal rakhte hai wo bhi ise jarur piyenge.
 
Masala Chai: Yadi ham bhartiyo ki baat kare to chai to har kisi ko pasand hoti hai. Ye bahut hi mashur Indian drink hai. Aese mai yadi aap masala chai jo ki aur bhi acchi lagti hai wo party mai rakhte hai to sabhi iski chuskiya lena bahut pasand karenge.
 
Coffee: Aajkal ki young generation ko coffee bahut pasand hai, to aap unke liye hot coffee ya fir cold coffee with ice-cream rakh sakte hai.
 

Chatpate Vyanjan

  • Yadi aap apne office ya college walo ke sath party kar rahe ho. Ya fir ghar ke bado ne party rakhi hai jisme ki young generation bhi aane wali hai to we log roti sabji jaisi chize khana pasand nahi karte hai.
  • Inn logo ka party se matlab hota hai chatpate vyanjan. Isliye aap apni New Years Eve Party mai niche batai gayi chize rakh sakte hai.

 
Chole Bhature: Kuch logo ko tala hua aur mirch masalo wala khana pasand aata hai. Aese mai aap cholte bhature rakhenge to sab log ise bade hi shok se khayenge. Indian food lovers to ise khub pasand karte hai. Aap chahe to ise readymate mangwale. Aur yadi ghar par banana chahte hai to ham aapko ise banana bata rahe hai.

Chole Bhature Recipe: Chole Bhature Ki Vidhi
 
Noodles: Aajkal Chinese khana to har party ki jaan ban chuka hai. To kyu na aap bhi apni party mai ise rakhkar party ke khane ki jaan badhaye. Yadi aap ghar ki noodles mai bahar jaisa swad dena chahte hai to jab aap noodles pakne ke bad use vegetable ke sath fry karte hai to fry karne ke bad usme kuch sauces dale.

Isme soya sauce, chili sauce, pisi kali mirch aur vinegar dale. 2-3 minute gas par hone de. Iske bad gas band karde aur garmagaram noodle sauce ke sath parose.
 
Corn Chat: Yadi aapko nahi samajh aa raha hai ki aap chatpate mai kya rakhe to chat ka vikalp behtar hai. lekin iss bar aap sadi chat lene ke bajay corn chat rakhe. Yeh khane mai bahut hi majedar lagti hai

Ise banane ke liye sabse pehle to Bhutto ke dane ko nikal le ya bajar se le aaye. Fir isme namak aur soda dalkar ubale. Jab yeh mulayam ho jaye tab pani nikal le. Ab kadhai mai tel garam kare aur jire ka chonk lagaye. Iske bad pyaj, hari mirch aur adrak, bhutte ke dane dalkar chalaye. Iske bad mirchi ya chat masala dalkar hilaye. Gas band karke nimbu ka ras dale aur fir garmagaram parose. Iske alawa yadi aap pani puri bhi rakhna chahti hai to iski vidhi bhi ham aapse share kar rahe hai.

Gol Gappe Recipe: Pani Puri Banane Ki Vidhi
 

[related_posts]

Dinner Menu: Raat Ka Khana

Khane mai aap dal, chawal, sabji, roti, papad aadi rakh sakte hai. Sabji ke liye aap paneer ya mix vegetable rakh sakte hai.
 
Chocolate Ice-cream

Ice-cream aesi chiz hai ki mousam chahe job hi ise khana har koi pasand karta hai. Isliye apni party mai ice cream jarur rakhe. Aur thand mai to ice cream khane ka maja hi kuch aur hai.

  • Cream milk- 500 gram
  • Vanilla custard powder- 2 table spoon
  • Cream- 200 gram
  • Chini- 150 gram
  • Chocolate- ¼

Ek bartan mai dudh aur custard powder dale. Custard powder ko acche se ghole, usme guthaliya nahi rehni chahiye. Ab iss dudh ko ubalne ke liye rakh de. Jaise hi dudh mai ubal aaye. Chamache se chalate huye ise pakaye. 5 minute tak aesa kere fir chini dal kar mila le.

Mishran ko gas se utar le aur normal tapman par hone de. Ab thande custard mai cream ko fette huye milaye. Ek badi chammach chocolate ke tukde dalkar acchi tarah mila lijiye.

Ab fete huye mishran mai sare chocolate ke tukde milakar iss mishran ko air tight container mai rakh de. Fir iss container ko freezer mai 2 ghante ke liye rakh de. 2 ghante bad container ko nikale aur biter ki sahayata se ice-cream ko fat de.
 

Sabka Favorite Cake

Aajkal koi bhi celebration cake cutting ke bina adhura hai. To aap bhi apni new year party ko cake katkar celebrate kar sakte hai. Ham aapko chocolate aur apple cake banane ki vidhi bata rahe hai.

Cake Recipe: Cake Banane Ki Vidhi
 
Upar aapne jana New Year’s Party Food Ideas in Hindi. To fir der kis baat ki jaldi se party ki taiyari shuru kar de aur naye saal ka jashn banaye.
 

Related Post