Subscribe Whatsapp

Setu Bandhasana Yoga: Pith aur Gardan Dard Se Rahat Dilaye

Ham sabhi ki jeevansheli mai kaafi badlav aa chuka hai. Adhiktar log kaam karne lage hai. Aur bahuto ka kaam aesa hai ki din ke 9 se 10 ghante computer ke samne 1 kursi par bitata hai. Aese mai peeth aur gardan mai dard hona badi hi swabhavik baat hai.

Isme koi shak nahi hai ki yeh din bhar ki thakan, kaam ka tanav raat ko acchi nind bhi nahi lene deta hai. Fir dincharya ko sudharne ke liye ham dusre din ki subah gym jane ka sochte hai. Har din gym ke liye wakt nikal pana aasan nahi hai.

Kaam ke bhojh ke chalte jaha hamne ek din miss kiya to samjh jaiye aane wale 3-4 din ham ise aur taal dete hai. Isliye yadi ham yeh kahe ki vyayam karne ka sabse aasan aur sabse faydemand koi tarika hai to wo hai yog. Aap ise kahi bhi kar sakte hai ghar ke living room mai, gardan mai ya fir chahe to classes join kar le.

Aaj ham aapko yog ke uss asana ke bare mai bata rahe hai jo rojmaraa ke behad hi aam samasya se rahat dilata hai. To aaiye jante hai Setu Bandhasana Yoga ke bare mai.
 

Setu Bandhasana (Bridge Pose) Yoga – Jane Vidhi, Labh, Savdhani

 
Setu Bandhasana Yoga in Hindi
 
Chahe aap kaamkaji vyakti ho ya ghar mai kaam karne wali mahila. Sabko kamar ke dard se do char hona padhta hai. Setu Bandhasana aapko isse rahat dilane mai madad karta hai. Angreji mai iss asana ko Bridge Pose kehte hai.

Iss asana ko karte wakt aapke sharir ka aakar setu ke saman dikhai deta hai isliye ise setubandhasana kaha jata hai. Yeh asana garbhavati mahila ke liye bhi bahut faydemand hai.
 

Setu Bandhasana Steps: Iss Asana Ko Karne Ka Tarika

  • Setu Bandhasana yog ka abhyas aap ghar ya bahar kahi bhi kar sakte hai. Bas ise karne ke liye ek saaf samtal jagah ka chunav kare.
  • Fir iss jagah par dari bichakar peeth ke bal let jaye. Aapke hatho ko sidha rakhe aur hatheliya jameen par hona chahiye.
  • Ab dhire se apne ghutno ko mode, aapke pair aur ghutne dono ek sidh mai hona chahiye.
  • Iske paschat saas lete huye apne peeth ko upar uthaye aur kandho ko andar ki aur kare.
  • Aapko pehle apni peeth ke nichle hisse, fir madhya ka hisaa aur fir upar ka hisse ko uthana hai.
  • Koshish kare ki aapki thodi aapki chati se touch ho.
  • Aapke kandhe, pairo aur hatho se vajan ko sambhale aur apne sharir ki santulit rakhe.
  • Yadi aapko ise nahi karte ban raha hai to aap apni kamar ko sahara dene ke liye apne hatho ka istemal kar sakte hai.
  • Kam se kam do minute tak iss asana mai bane rahe fir saas chodte huye dhire dhire kamar ko wapis le aaye.
  • Kuch seconds Shavasana mai bane rahe. Taki agli bar iss kriya ko karne ke liy energy aa sake;.
  • Iss kram ko 4 se 5 bar tak wapis dohraye. Yadi yog ke liye bilkul nahi hai to 2 bar ise dohraye.

 

Bridge Pose Benefits: Iske Labh

  1. Iss asana ko karte wakt aapke pet mai khichav hota hai. Isliye ise karne sa neval pet ki charbi kam hoti hai balki pet ke kai vikar bhi dur hote hai.
  2. Yeh rojmarra ke aam dard jaise peeth dard, pet mai dard , kandhe dard, kamar dard aadi se nijat dilata hai.
  3. Isse aapki pith mai khichav aata hai isliye aapki pith ki mashpesiya lachili banti hai aur unme majbootii aati hai.
  4. Ise karne se aapke kandhe, hath aur pair bhi majboot bante hai.
  5. Yoga Bridge Pose Benefits kai hai. Isse tanav dur hota hai aur aap chintamukt mehsus karte hai.
  6. Thyroid ke rogiyo ko ise jarur karna chahiye, kyoki yeh usme bhi faydemand hai.
  7. Yeh masik dharm mai hone wali kai pareshaniyo se nijat dilata hai. Sath hi ise niyamit bhi karta hai.

 

Bridge Pose Precautions: Setu Bandhasana mai Savdhaniya

  • Ise bhare pet na kare.
  • Yadi pet ka koi operation hua ho to bhi ise na kare.
  • Kandhe, hath, pair aadi mai chot ki stithi hone par bhi ise karne se bache.
  • Ise karne ke bad yadi sharir ke kisi bhi hisse mai bahut jyada dard ho to ek bar apne doctor se aapko rai le lena chahiye.

 
Upar aapne jana Setu Bandhasana Yoga in Hindi. Aap bhi iss asana ke abhyas se iske faydo ko prapt kar sakte hai. Lekin yog ke niyamo ke anusar yog ke faydo ko prapt karne ke liye ise sahi tarike se karna behad jaruri hai. Isliye yadi aapko bridge pose ko bhi karte nahi aa raha hai to ghar mai karne se pehle aapko ise kuch din class jakar sikh lena chahiye.

Related Post