Workout for Sexy Body – Aakarshak Figure Pane Ke Liye

November 7, 2016

Jab bhi ham fashion shows aadi dekhte hai to waha moujud celebs ko kaafi pasand karte hai. Fashion shows ke models ko dekhkar ham bhi sochte hai, kas hamara figure bhi aesa hota. Aajkal ke iss modern jamane mai keval tv par aane wale sitare hi nahi. Samanya log bhi khud ko aakarshak dikhane mai koi kasar nahi chodte hai.

Yadi aapka sharir aakarshak hai to naa keval aap har style ke kapde chun pate hai balki aakarshak dikhne wale ko daily life mai kai advantages bhi milte hai. Aur jab baat dating and relationship ki ho to accha figure to har kisi ko apne taraf aakarshit kar leta hai.

Aakarshak lagne ke liye keval aapke vajan ghatane se kaam nahi chalega balki iske liye aapke sharir ka shape bahut accha hona chahiye. Aapki body toned honi chahiye. Aaiye aaj ke lekh mai jante hai Workout for Sexy Body taaki aap apne sharir mai aakarshak curves paa sake.

Janiye Workout for Sexy Body aur Paye Behtar Fitness

Workout for Sexy Body

Pull ups

Pullups mai aapko khud ko upar aur niche karna hota hai. Yeh pure sharir ke liye accha workout hai. Isse aapki bujhaye aur kandhe shape mai aate hai. Sena mai bhi iss kasrat ko kiya jata hai. Ise sirf karna hi mahatvapurn nahi rakhta balki sahi se karna mahatvaurn rakhta hai.

Ise karne ke liye aapko rod ko pakadkar apne hatho ke jariye sharir ko upar uthana hai. Aapko sharir ko tab tak upar uthana hota hai jab tak aapki thodi rod se naa chhu jaye. Waha pahuchte hi niche aa jaye.
Pull ups karte wakt jab aap upar jate hai tab saans le aur jab aap niche aate hai to saans chhodiye.
Jab aap pull up karte wakt niche aate hai to aapka sharir ekdum latka hua na ho. Apni takat se apne sharir ke vajan ko shambhal ke rakhe.
Yeh vyayam karne mai thoda kathin hai. Isliye jise ise karne mai mushkil hoti hai wo use pehle thodi close grip ke sath chin up lagaye.

Pull Downs

Pull down mai aapko gym equipment ki jarurat padhti hai. Machine mai ek tarah ka vajan hota hai. Jise aap apni jarurat ke hisab se niche tak late hai. Aaiye jante hai ise kaise kae

Sabse pehle baith jaye aur handke bar ko pakde. Apne hatho ko kandho se thoda duri apr pakde.
Ab ise apne sine tak lane ki koshish kare. Iski kuch sankhaye dohraye.
Aap 12 reps ke 4 set kar sakte hai.
Yadi aap apni pith ko shape dena chahte hai to Back Lat Pulldown Isse bich mai gahari line banti hai aur cuts t shirt se bhi najar aate hai.
Choudi aur bhari hui back ke liye isse behtar koi vyayam nahi hai. Yeh ek prabhavi Sexy Back Workout

Tairaki (Swimming)

Aapke pure sharir ke liye tairaki ek behtarin vyayam hai. Tairaki ke ek session se aap 350 se 550 calories jala lete hai. Sath hi yeh aapke dimag ko relax karne mai bhi kaam aati hai.

Niyamit tour par tairaki karne se mashpeshiya majboot banti hai. Isse unme shakti aati hai aur puri body toned ho jati hai.
Aapko tairaki nahi aati hai to ise akele mai karne ka prayas naa kare. Swimming ko trainer ki madad se hi sikhe.

Dead-lifts

Yadi aap glutes aur jangho ke pichle hisse ka atirikt fat jalana chahte hai to deadlifts se behtar aapke liye koi exercise nahi hai. Aur yadi aap apni takat ko bhi badhana chahte hai to deadlifts mai vajan ko badha sakte hai. Yeh bahut faydemand Workouts for Women hai.

Ise takat dilane wali kasrat bhi kaha jata hai. Yeh kamar, pair, kalai, kandhe sab par asar karti hai.
Ise karne ke liye 6 feet lambi barbell mai apne jarurat ke hisab se vajan laga de.
Apne pairo ko khol le daya pair dayi taraf aur baya pair bayi taraf jata hua dikhna chahiye.
Ab kamar ko sidha rakhte huye jukhe aur barbell ko 8 se 10 inch ke gap se pakde.
Apne pure sharir ko tight kar le aur hips ko bahar ki aur dhakalte huye upar ki aur uthaye.
Bilkul sidhe khade ho jaye aur 1-2 seconds ise rakhkar niche le aaye.
Jab aap weight ko upar le jaye tab saans le aur jab weight ko niche rakhe tab saans chhode.

Yog Bhi Faydemand

Aap bina kisi equipment ke bhi aap apne pet, gluts aur shair ke kuch anya hisse ko attractive bana sakte hai. Yoga ke antargat kiye jane wala bridge pose isme madadgar hai.

Ise karne se pet ke vikar dur hote hai. Yeh kamar dard ki samasya se bhi rahat dilate hai.
Bridge pose ya Setu Bandhasana ki vidhi aap link par click karke dekh sakte hai.

Upar aapne jana Workout for Sexy Body in Hindi. Upar diye gaye vyayamo ke alawa aap ball balance, running, lunges, bench press aadi kar sakte hai. Inn sabhi ko aap kisi trainer ki dekhrekh mai kare.