Nain-Naksh bhale hi bahut attractive na ho, lekin agar twacha swastha aur chamakdar hai to aap makeup ke baad chehre par alag hi nikhar aa jata hai. Twacha ko swastha rakhne ke liye santulit aur nutritious food ke saath hi Gharelu Nuskhe ki bhi jarurat hoti hai. Aaj hum aapko aise hi food ingredient ke bare me batane ja rahe hai. Jo har ghar me aasani se paya jata hai. To aaiye jante hai Curd Face Pack ke bare me.
Dahi ka swasthya ke saath-saath beauty nikharne me bhi mahatvapurna hai. Yeh ek badiya, sasta aur saasani se uplabdh hone wala beauty product hai. Roz 1 katori Dahi ka sevan anti aging aur anti wrinkles ka kaam karta hai.
Dahi se banai gayi patli buttermilk ka sevan kuch dino tak niyamit karne se twacha par gajab ka nikhar aata hai. Curd Face Pack lagane se chehre me nikhar aata hai. Niche diye gaye dahi se face pack ke bare me padhe aur isse ghar par jarur ajmae.
You may also like: Skin Care Tips Aapke Special Valentine’s Day ke Liye
Janiye Curd Face Pack se Beauty ke Raaz
-
Sirf Curd
Curd twacha par moisturizer ka kaam karti hai yani twacha ki name lautati hai aur twacha ko mulayam banati hai. Ubtan ke roop me dahi ko twacha par lagana humare sondarya ke liye faydemand hai. Yeh twacha par ek natural moisturizer ki tarah kaam karke twacha ko chamakdar banata hai. Dahi me besan ya multani mitti ka powder Shahad aadi milakar upyogi facepack tayar karke iska laabh uthaya ja sakta hai.
-
Khira aur Dahi
Dahi aur Khire se behtar face mask nahi ho sakta, dahi me jaha lactic acid paya jata hai jo pimples aur rookhi twacha se ladne me faydemand hote hai. Khira bhi twacha me name banae rakhne me bahut faydemand hota hai. Inn dono ko mila kar face pack banae, chehre par lagae aur 15-20 minutes ke liye chod de. Phir chehre ko thande paani se dho le.
-
Oats + Shahad + Dahi
Oats aur dahi ko barabar matra me milakar kuch bunde Shahad ki dale. Phir isse chehre par lagae aur 15 minute ke liye chod de. Yeh har tarah ki twacha ke liye laabhdayak hai. Isse chehra saaf aur bedaag hoga jisse log pyar karne lagege.
-
Strawberry + Dahi
2 Strawberry le acche se masal de phir ek spoon Shahad aur ek spoon dahi milae. Ab isse chehre par lagae aur 15-20 minute ke liye chod de. Strawberry khane me tasty hoti hai utni hi ye twacha ke liye bhi faydemand hoti hai. Yeh twacha ko name deti hai aur chamakdar banati hai.
-
Tomato + Shahad + Dahi
Tomato, Shahad aur dahi se bana face pack aapki twacha ko chamakdar aur name deta hai. Ek tamatar le ise masal le aur ism eek spoon Shahad aur dahi milae. Ab isse apne chehre par laga kar rakhe. Isme aap badam ka tel bhi mila sakti hai agar aapko Shahad na mile to.
-
Apple + Shahad + Dahi
Apple twacha ke liye bahut laabhkari raha hai, isme paye jaane vale Vitamin twacha ko rookha hone se bachate hai. Aur agar isme thoda sa Shahad aur dahi mila dkiya jae, to use aapki skin par accha glow aaega.
Curd Face Pack lagane se chehre me nikhar aata hai. To paiye nikhar aapke chehre par wo bhi aasan gharelu upchaar se.
Get more details about Curd Face Pack from Beauty.