Yuva avashta mai kisi ko pasand karna ya fir pyar karna bahut aam baat hai. Kai bar to sadhran dosti bhi pyar tak pauch jati hai. Jab aap kisi se pyar karne lagte hai to aapke rishte ko aage badhane ke liye milna jaruri hota hai. Isliye aajkal dating karna kaafi prachalan mai he.
Mulakate to kai hoti hai. Lekin jab pehli mulakat to ladke ho ya ladkiya unhe samajh nahi aata hai ki date wale din kya pehne. Kin chizo ka chunav kare aadi. Yeh sab itna ulzhan bhara hota hai ki pura din sochne par bhi we kuch tay nahi kar pate hai.
Kai bar to aesa hota hai ki ladki ke sath date par jane ke liye aap lamba intejar karte hai aur ladkiya bhi hami bhar deti hai. Lekin ek chhoti si galti ya na samjhi se aapki chhavi kharab ho jati hai. Kabhi kabar to halat itne jyada bhi bigad jate hai ki agli bar milne ki baat to khatam ho jati hai.
Yadi aap aesa kuch karte hai ki aapke loveone ko accha na lage to isse aapke sambandho par bura asar padhta hai. Isliye behtar hoga ki aap galtiya karne se bache aur pehle se hi kuch baato ka khayal rakhe. To aaiye jante hai Tips for Dating in Hindi.
Tips for Dating in Hindi- Ladko aur Ladkiyo Ke Liye
Dating Tips for Girls: Ladkiyo Ke Liye
Experiments Karne Se Bache
Jab ladkiya date par jati hai to alag dikhne ke chakkar mai jarurat se jyada makeup karti hai ya fir kuch jyada bharibharkam kapde pehan leti hai. Lekin ham aapko yahi salah denge ki iss din kuch bhi experiments karne se bache. Aese hi kapdo ka chunav kare jisme aap comfortable mehsus karti hai. Skirt ke sath top ya fir jeans ke sath sleeveless top dating ke din impression jamane ke liye accha vikalp hai. Ise pehankar aap modern bhi lagegi aur aapko accha look bhi milega.
Garmiyo ke dino mai bright colors ka istemal kar sakte hai. Aur makeup ki baat hai to jitana ho sakte sadhran hi rahe.
You may also like:- Online Dating Advice in Hindi: Inn Baato Ka Rakhe Khyal
Jab Dinner Par Jaye
Jaisa ki hamne upar hi baat ki kuch ladkiya dating ke wakt bahut makeup karke jati hai. Wahi iske viprit kuch ladkiyo ko simple dikhne ki aadat hoti hai. Yadi aap din ke wakt apne date se milne jate hai tab to theek hai lekin iske viprit yadi aap dinner date par ja rahi hai to itna simple rehna bhi accha nahi hota.
Vaise to pyar mai aapka look itna mayne nahi rakhta lekin fir bhi yadi aap acchi dikhti hai to aapka love one aapko aur jyada pasand karega. Isliye dinner date par jate wakt thoda makeup jarur kare. Iss wakt aankho ka makeup par adhik dhyan de. Iss wakt jab samne wala aapki aankho mai dekheha to aapke aankho ka jadu use kayal jarur kar dega.
Dating Tips for Boys: Ladko Ke Liye
Wakt Par Pahuche
Ek aesi ladki jisse milne ke liye naa jane aapne kitna intejar kiya lekin jab wakai milne ka mouka aaye to samay par pahuch naa sake. Ab aap khud hi sochiye isse aapki chhavi kitni kharab hogi. Kisi bhi ladki ko apne boyfriend ka intejar karte huye akele baithna accha nahi lagta hai.
Aese mai ek to aap let aayenge aur upar se apni galtiyo ko chhupane ke liye bahane banayenge. Fir to koi nahi bata sakta hai ki iske bawjud bhi aapko agli date par jane ka mouka milega bhi ya nahi. Isliye dating advice ke anusar date par samay par pahuchne ke liye ghar se thoda jaldi nikale. Aur kisi reason jaise ki gadi ka kharab hona aadi hone par phone karke suchna jarur de.
Samne Wale Ko Bhi Bato Ka Mouka de
Kuch ladko ya purusho ko aesi aadate hoti hai ki wo kisi ki sunte hi nahi hai. Aese log bus apni bate aur apni tarife karte chale jate hai. Ladki dwara bina kuch puche jane par bhi wo pehli hi mulakat mai apne bare mai sab kuch keh dalte hai. Kai bar ladkiyo ko unke cricket, office se sambandhit bate sunne mai koi dilchaspi nahi hoti hai tab bhi ladke kuch na kuch kehte chalet jate hai.
Jyada bolna ya khud ki jarurat se jyada tarif karna dono nuksan dayak ho sakta hai. Isliye samne wale ko bhi bolne ka mouka de. Unke souk ke bare mai jane. Iss tarah aap unke aur najdeek ja sakte hai.
You may also like:- Benefits of Kissing In Hindi: Jane Iske Swasthvardhak Fayde
Anya Tips Inhe Bhi Jane
Dating karne par aapke rishto ko to udan mil jati hai. Lekin iss beech ladko ko paisa ko lekar kafi samasya aati hai. Kai bar to date karna bahut bhari pad jata hai. Lekin jaruri nahi hai aap dating karne ke liye bahut sara paisa kharch kare. Ek baar inn ideas par gour kar le.
Chai Ki Chuski
Kai bar paise kam hone ke bawjud bhi ladke, impression dikhane ke hisab se ladkiyo ko mehnge restaurants mai le jate hai. Lekin yadi aapke financial status jyada accha nahi hai to vyarth paise bahane se bache. Aesi bahut si jagah he jaha aap ja sakte hai. Aap apni premika ke sath dating ka maja kisi restaurant ya dhabe mai coffee ya chai ki chuski ke sath bhi le sakte hai.
Hotel ya Mall Hi Jaruri Nahi
Jaruri nahi hai ki aap apni date ko hotel mai hi lekar jaye. Apni date mai romance bharne ke liye aap kisi park mai bhi samay bita sakte hai. Aur jab bat batchit se bore ho jaye aur aap dono ke pass kuch bhi bolne ke liye nahi bacha ho tab aap boating, scatting aur fishing ki bhi madad le sakte hai.
Kuch purusho ko aesa lagta hai ki wo jaise he perfect hai unhe date par jane se pehle koi taiyari nahi karni hoti hai. lekin unka yeh sochna galat hai. Aapka well dressed aur presentable dikhna jaruri hai. Aap apni dress ka chunav jagah ko dhyan mai rakhkar carry kare. Aapko pasine ke wahah se jyada smell na aaye. Iske liye acche se perfume ka istemal kare. Well groomed ladke har ladki ko pasand aate hai.
Ladkiya Baato Ko Lekar Clear Rahe
Jab ladke ladkiyo se puchte hai ki kya unhe unse pyar hai. To ladkiya kabhi ha aur kabhi na wala reaction deti hai. Iss tarah ki reaction se ladke kaafi irritate hote hai. Isliye job hi hai apni bato ko lekar clear rahe. Jab bhi date par jaye to use enjoy kare aur future ki chinta mai date ka satyanash na kar baithe.
Upar aapne jana Tips for Dating in Hindi. Yadi aap bhi date par jane ka plan bana rahe hai to inn tips ko dhyan jarur rakhe.