Har koi chahta hai ki wo bheed mai sabse alag dikhe. Iske liye log apne look par bahut dhyan dete hai. Lekin ladkiyo mai sundar dikhne ki chahat kuch jyada hi hoti hai. Sundar dikhne mai makeup bahut madadgar hai. Dekha jaye to sundar dikhne ke liye aapki prakratik sundarta ka hona jaruri nahi hai.
Lekin yadi aap prakratik tarah se jyada sundar nahi hai to bhi aap makeup ki madad se apni sundarta ko badha sakte hai. Aur yadi aap pehle se sundar hai to makeup aapki khubsurti ko doguna kar deta hai.
Isliye hi shayad ladkiya apne makeup ko lekar bahut crazy hoti hai. Kyonki aaj ke wakt mai aakarshak dikhna har field ki demand ban chuki hai. Lekin aap makeup ki madad se sundarta tabhi paa sakti hai jab aapko sahi tarah se ise karne ki jankari ho.
Aksar dekha gaya hai ki makeup karte samay mahilaye din aur raat ko nahi dekhti hai. Chahe koi bhi avsar ho ya din ka koi bhi samay wo har wakt ek saman makeup karti hai. Lekin Aesa karne ke karan wo acche dikhne ke bajay apni look ko ulta aur kharab kar leti hai. Jaise yadi aap kisi raat ki party mai ja rahi hai to dark makeup accha lagta hai wahi din ka function ho to halka makeup karna chahiye.
Vaise to makeup karna bhi aajkal rojmarra ki jindagi ka ek hissa ban gaya hai. Ab kisi specific function mai hi nahi, rojana office jante wakt ya fir market jate wakt bhi ladkiya aur mahilaye makeup karna pasand karti hai. Ya fir yu samajh lijiye ab din mai ready hone ki shuruwat hi makeup ke sath hoti hai. Din ke wakt jyada chhubhne wala makeup nahi karna chahiye. Na hi jyada heavy makeup ka istemal karna chahiye. Din mai kiya jane wala makeup bahut halka hona chahiye. Aaiye aaj ham vistar se jante hai Day Makeup Tips in Hindi.
Day Makeup Tips in Hindi: Din mai Aese Ho Taiyar
Chehre Ko Saaf Kare
Makeup ko shuru karne se pehle chehre ko acche se saaf karna chahiye. Dhyan rakhe chehre par pehle se koi makeup na ho. Yadi aapne gande chehre ya fir aesa chehra jis par pehle se kisi tarah ka makeup ho, aese chehre par makeup karengi to aapka chehra accha dikhne ke bajay ulta ganda dikhega.
Isliye jaruri hai aap sabse pehle apne chehre ko cleansing ki madad se saaf kare. Uske baad aap scrub ka istemal kare jisse aapke chehre ke blackheads nikal jaye. Isse aapke chehre ke dead cells nikalte hai aur twacha somya banti hai. Uske bad chehre ko face wash se dho le. Taki aapka chehra ek dum saaf ho jaye. Us par kisi tarah ka tel ya dhul mitti na ho. Aab aapke chehre ko towel se dheere dheere poch lijiye.
Body Lotion Ka Istemal Kare
Chehre ko saaf karne ke baad acche se body lotion ka istemal kare. Body lotion ko halke halke hatho se chehre aur gardan par lagaye. Aap ise pure sharir par bhi laga sakti hai. Isko lagane se aapki twacha rukhi aur bejan nahi dikhegi. Body lotion aapki chehre ko nami deta hai. Tatha makeup se aapki twacha ki raksha bhi karta hai.
Face Makeup – Chehre Ke Liye
Concealer : Aapke skin tone se milta julta concealer lijiye. Aab aap concealer ko chehre par acchi tarah se lagaye. Concealer aapke chehre ke daag dhabbe ko chipa deta hai. Jisse aapka chehra ek jaisa dikhai deta hai. Concealer ko aap ungliyo se ya concealer brush ki sahayata se bhi laga sakte hai. Aap concelar ko aankho ke niche acche se lagaye taki dark circle ya chehre ki thakan nahi dikhe.
Foundation: Vaise to bajar mai aapko kai prakar ke foundation mil jayenge. Jaise liquid, cream, powder foundation aur yeh sabhi aapka rang ko nikharne ka kaam karte hai. Lekin Face Makeup Tips ke anusar aapko ise chunna aana chahiye. Hamehsa apni skin tone se ek shade brighter foundation chunna chahiye. Din rat dono wakt aap ise istemal kar sakte hai.
Chehre aur gardan par foundation brush ki sahayta se ise laga le taki aapke chehre ki twacha ek saman rangat ki dikhe.
Compact Powder: Foundation lagane ke bad compact ko chehre par lagaye. Compact ka shade foundation ke shade ka hi hona chahiye. Chehre ko touch up dene ke liye apne purse mai aap ise hamesha rakh sakti hai.
You may also like:- Summer Makeup Tips in Hindi: Garmiyo me Nikhare Twacha
Eye Makeup – Aankho ko Sundar Banaye
Kajal: Aankho ke makeup mai aap Kajal ka istemal kar sakti hai. Kajal ko to aap har tarah ke occasion par laga sakti hai. Kajal aapki aankho kei sundarta ke liye hamesha accha viklap hai. Yeh aapki aankho ko bada aur khubsurat dihayega
Eyeliner: Aap apni aankho ko aur jyada accha dikhane ke liye eye liner ka istemal kar sakti hai. Eyeliner ki patli si line aankho ke upar banaye, isse aapki aankhe aur bhi jyada aakarshak aur badi lagegi.
Eye shadow: Jab kabhi aap din mai makeup kar rahi ho tab aap hamesha dhyan rakhe ki halke rang ke eye shadow ka istemal kare. Jyada gahre rang ke eye shadow ko upyog mai na laye. Wo aapki aankho ko daravana dikha sakta hai. Isliye eye shadow mai aise halke shade lagaye jo aapko natural look dene mai madad kare.
Eyebrow: Aap eyebrow ko thread se accha sa shape de. Kyuki aapki eyebrow aapke chehre ko khubsurat dikhane mai madad karti hai. Aap eye brow par eye brow pencil ka stemal kare. Taki aapki eye brow ghani aur kali dikhai de. Isse aapki eyebrow kaafi sundar aur akarshak dikhai degi.
Blusher: Din mai makeup karte samay dhyaan de ki bhul kar bhi blusher ka istemal na kare. Blusher se aapka chehra bahut bhadkila dikhai dega. Aur aapka natural look dab jayega. Din mai blusher ka istemal karne se aapka makeup bahut ganda dikhega.
Lip Makeup – Hontho Ki Khubsurti Badhaye
Lipstick or Lip Liner: Lipstick aapke chehre ko aur bhi aakarshak look deti hai. Chehre ko aur taja dikhane ke liye hotho par lip gloss ka touch de sakte hai. Din ke liye halke lipstick shade ka istemal kare. Yadi aap chahe to shimar gloss ka bhi istemal kar sakti hai. Din mai gahre rang ki lipstick ko lagane se bache.
Aap hotho par lip baam ka bhi upyog kar sakti hai. Kyuki isse aapke honth naram aur glossy dikhai denge. Lip baam mai vitamin E hota hai. Jo hontho ko rukha aur bejaan nahi hone deta hai. Aur aapke honth bhi khubsurat dikhai dete hai.
Yadi aapke hotho ka aakar sahi na ho to aap lip liner se aapke hotho ko shape mai la sakte hai. Lip liner se aapke hotho ko highlight kar de. Aur uske andar lipstick ko laga sakte hai.
You may also like:- Janiye Kuch Simple Steps mai How to Apply Lipstick in Hindi
Nakhuno Ki Sundarta Badhane Ke Liye Nail Makeup
Nail Polish: Makeup Tips aur Tricks ki baat kare to makeup karne ke bad sabse aakhri mai aap nail polish ko lagaye. Nakhun ko sabse pehle nail remover se saaf kar le. Tatha nail shaper se nakhuno ko accha sa aakar de. Aur uske bad apni pasand aur dress ke sath milta julta nail polish lgaye. Vaise to aajkal nail art karna bahut fashion mai hai. Aap chahe to nail art bhi kar sakti hai. Isse aapke hath aur bhi khubsurat dikhai denge.
Yaad rakhe gile nakhuno par nail polish na lagaye. Varna wo aasani se nikal jayegi. Nakhuko ki nail polish sukhne ke bad usse thande pani mai dale. Jisse aapki nail polish kaafi samay tak tiki rahegi.
Inn Baato Ka Rakhe Khayal:-
Makeup ka saman chunte samay dhyan rakhe ki wo acchi quality ka ho. Makeup karke to aap kafi khubsurat lagenge kintu makeup ke product acchi quality ka na ho to aapki chehre ki twacha ke liye yeh hanikark ho sakta hai.
Makeup ko ghar aane ke bad cleansing milk se saaf karke face wash se muh dho le. Makeup ko chehre par se hathane ke bad hi aaram kare.
Jab bhi aap foundation lagaye aapke chehre ke rang se ek halka shade lagaye. Iss makeup tip ko aap din ke function ke liye ajma sakte hai. Iss tarah ke makeup ko karne se aapka natural look dikhai dega.
Upar aapne jana Day Makeup Tips in Hindi. Aap upar diye gaye sondarya ke tariko ko din ke kisi bhi function mai aajmaye aur dikhe khubsurat.