Subscribe Whatsapp

Best Lipstick Shades Se Apne Hontho Ko Banaye Khubsoorat

Muskurata hua chehra har kisi ko apni aur aakarshit karta hai. Aur agar aapke honth khubsoorat ho to aapki sundarta aur bhi badh jati hai. Isliye hamesha hi ladkiya aur mahilaye apne chehre ki sundarta ko badhane ke liye lipstick ka istemal karti hai. Agar makeup mai lipstick na ho to makeup adhura adhura sa lagta hai.

Yaha tak ki Aishwarya Rai aur Sonam Kapoor jaisi badi badi hastiyo nai bhi apne hontho ki khubsoorti ko badhane ke liye lipstick ka sahara liya hai. Aap chahe party mai ja rahe ya office mai lipsick ka sirf ek stroke aapke chehre par chamak bhar deta hai.

Lekin aksar dekha gaya hai ki lipsticks ke shade ke bare mai sahi jankari naa hone ke karan aurte apna look badane ki bajah ulta ghata leti hai. Galamours look pane ke liye lipstick ka chayan bahut soch samajh kar kiya jana jaruri hai.

Kai bar to mahilaye lipstick ka shade chunne mai ghanto dukano par time barbad karti hai. Iske bawjud bhi unhe man layak parinaam nahi milta. Darahsal lipstick ko kharidne se pehle aapko apne haatho par lipstick taste karke dekhne ke bajay yeh jaana jaruri hai ki aapki skin tone par kis tarah ki lipstick jamegi. Iss article mai ham aapko Best Lipstick Shades aur unke chayan ka tarika batayenge.
 

Chehre Ke Anurup Ho Aapka Lipstick Color

 
Best Lipstick Shades
 

Gehre laal Se Paye Bold Look

Agar aap bold aur sexy look chahti hai to gehre laal color ki lipstick aapke liye behtar vikalp hai. Yeh color jyadatar gore rang ki twacha par suit karta hai. Agar aap night party mai jane wali hai to iss color ki lipstick ko jarur try kijiye. Common color hone ke karan yeh lipstick har brand mai aasani se mil jayegi. Aap chahe to Lakme Red Lipstick try kar sakti hai. Acche brand ki hone ke karan aapke honth bhi isse acche rahenge aur aap aakarshak bhi lagengi. Aur accha look pane ke liye lipstick ko red liner se cover karna naa bhule.
 
Red Lipstick
 

Flirty look Ke liye Narangi

Narangi color bahut sari ladkiyo ka pasandida lipstick shade hai. Yeh aapko trendy look deta hai. College jane wali ladkiyo ke liye yeh ek acchi choice hai. Iss color ki lipstick lagate wakt pehnave ka khaas dhayan rakhna behad jaruri hai. Lotus Herbals Orange Lipstick  ek acchi choice ho sakti hai. Light weighted hone ke sath sath yeh 4-5 ghante tak aapke hontho par tikti hai.
 
Orange Lipstick
 

Brown Lipstick

Jin logo ke chehre ka color gora hai. Par hontho ka rang thoda gehra hai. Unhe brown color ki lipsticks try karni chahiye. Yeh din aur raat ki party dono ke liye hi behtar hai. Brown shade ke liye aap Elle 18 Brown lipstick try kar sakti hai.
 
Brown lipstick
 

You May Also Like:- Chasma Lagane Wali Ladkiyo ke Liye Makeup Tips

 

Roj Office Ke liye Pretty Pink

Pink color ka shade bhi kaafi khubsoorat lagta hai. Rojana office ke liye yeh shade behatar vikalp hai. Yeh rang jyada bhadkila nahi hota hai, aur aapko natural sundarta deta hai. Yeh color gehue aur gore dono rang ke logo par jachta hai. Aap Revlon Pink Lipstick try kar sakti hai.
 
Pink Lipstick
 

Sanwle Hontho Ke liye Bronze Shade

Agar aapka color sanwala hai to aap red, brown, pink jaise rango ka chayan naa kare. Sanwle rang ke logo ke liye bronze shade accha vikalp hai. Yeh color na jyada bold dikhta hai na jyada halka. Ise daring color bhi mana jata hai. Jo log confident dikhna chahte hai, wo iss color ka chunav kar sakte hai.
 
Bronze Lipstick
 

Plum Shade

Jin logo ke honth patle ho. Unhe plum shades ka istemaal karna chahiye. Plum shade lagane se honth bhare hue najar aate hai. Aap Elle 18 Passion Plum try kar sakti hai. Iska soft creamy texture aapke hontho par aasani se fail jata hai. Yeh din aur raat dono wakt lagane ke liye behtar hai.
 
Plum Lipstick
 

Iss Tarah Kare Lipstick Ka Istemaal

  1. Aapne lipstick ka shade to chun liya hai. Lekin lipstick ko sahi tarah se lagana bhi jaruri hai. Aaiye jane lipstick lagane ke sahi tarike.
  2. Agar honth rukhe ho to lipstick acchi nahi lagti. Isliye lipstick lagane se pehle apne hontho par lip balm lagana na bhule.
  3. Lip liner ki madad se hontho par outlining kare.
  4. Lip liner ka color lipstick se match khata hua hona chahiye.
  5. Ab apne hontho par acchi tarah se lipstick lagaye. Dhayan rahe ki ye lines ke bahar na jaye.
  6. Upar di gayi tips ko follow karke aap tyoharo par aur bhi jyada khubsoorat lag sakti hai.

 

Download our Health Tips in Hindi App to get easy access on Blogs