Aajkal har aurat aur ladkiya fashion ki diwani hai. Iske liye we apne sharir ke sabhi ango ko saaf, sundar aur gora rakhti hai chahe fir wo chehre ki bat ho ya fir kaanch (underarms) ki. Kaanch ka kala hona kisi ke liye bhi sharm ki bat hoti hai. Kaalepan ki wajeh se ladkiya aur mahilaye sleeve less kapde nahi pahan pati hai.
Bagal ka rang kala padna koi bahut badi samasya ya bimari nahi hai. Lekin kabhi-kabhi yeh buri gandh deker logo ke bich mai sharmindagi ka karan jarur ban sakta hai. Isliye bagal ke kalepan aur badbu ko dur karne ke liye iski sahi dekhbhal ki jarurat hoti hai.
Bagal ke niche kalepan hone ki kai wajeh hoti hai jaise kaanch ke baal nikalte wakt creams mai mile kai prakar ke chemicals, daadhi wali blades ke istemal se aadi.
Bagal ko gora banane ke liye log kai prakra ki creams ka prayog karte hai. Lekin inn creams mai mile chemical ki wajeh se kaanch ki twacha gori hone ki wajeh aur bhi kali pad jati hai. Gharelu upayo ka prayog karke iss samsya se nijad paya ja sakta hai. To aaiye jane Home Remedies for Dark Underarms, aur dur kijiye bagal ka kalapan.
Home Remedies for Dark Underarms: Inn Gharelu Tarike Se Dur Kare Kalapan
Bagal ke kalepan ki bahut se wajeh hoti hai jaise
- Bagal mai jyada pasina aane se
- bagal mai jyada blade chalane ki wajeh se
- Baal nikalne wali creams ka jyada istemal se
- De-o ke jyada istemal se
Kankh(Bagal) ka kalapan dur karne ke liye aaiye yaha jane Home Remedy for Dark Underarms .
Chandan Ka Powder Lagaye
Bagal ke rang ko gora karne ke liye chandan ki lakadi ko ghik kar powder nikal le. Fir 2 se 3 chammach powder mai gulab jal ko milakar bagal mai lagaye. % minute tak ke liye chandan aur gulab jal ke paste se malish kare fir 30 minute tak ke liye aese hi rehne de. Uske bad thande pani se dho le. Aesa hafte mai 3 se 4 din tak kare. Kuch hi dino mai bagal ka kalapan dur ho jayega.
Nimbu Ka Prayog Kare
Nimbu mai vitamin c ke sath-sath viranjan ka gun bhi paya jata hai. Iss wajeh se iska prayog twacha ke rang ko gora karne ke liye kiya jata hai. Isme antiseptic ka gun aur alpha hydroxyl acid bhi paya jata hai jo ki twacha mai pade kale ghere ko dur karne mai sahayak hota hai.
Ise bagal mai lagane ke liye nimbu ke chhilke ko apni bagal mai 5 minute tak ragadkar 20 minute tak ke liye lage rehne de.
Shahad(Honey)
Iske alava 2 chammach shahad mai,1 chammach nimbu ka ras aur ½ chammach chini dalkar achhi tarah mila le. Fir mishran ko bagal mai lagakar malish kare. Fir thoda der ke liye chhod de aur sukhane ke bad thande pani se dho le. Aesa rojana kuch dino tak karne se kale huye underarms gore hone lagte hai.
You May Also Like: Home Remedies for Nose Bleeding: Naak Se Khun Rokne ke liye
Khira Bhi Hai Faydemand
Khire ke prayog ke dwara bhi bagal ke kalepan ko dur kiya ja sakta hai. Iske liye 1 chammach nimbue ke ras mai 3 chammach khire ke ras aur ½ chammach haldi powder ko mila le. Fir bagal mai lagakar 5 minute tak malish kare aur kuch samay ke liye chhod de. Fir thande pani se dho le.
Aalu Ka Prayog Kare
Bagal ke rang ko gora karne ke liye aalu sabse acchi home remedy hai. Aalu mai phosphorous, potassium, zinc aur vitamin c aadi paryapt matra mai paye jate hai jo ki twacha ke liye viranjak ka kam karta hai. Aalu mai starch hone ki wajeh se yeh twacha ke rang ko halka karne ka kam karta hai. Ise lagane ke liye rojana kuch dino tak aalu ko katkar ise apne anderarms ke niche kuch samay tak ghise aur fir thande pani se dho le.
Besan Ka Prayog Kare
Besan bhi Underarm Whitening ke liye acchi home remedy ha. Ise lagane ke liye 2 chammach besan mai 2 chammach nimbu ka ras aur dahi ko mila le. Fir ise bagal mai 5 minute tak lagakar malish kare aur fir 15 minute tak laga rehne de. Fir thande pani se dho le. Aesa rojana karne se kuch hi dino mai bagal ka rang gora hone lagta hai.
Home Remedies for Dark Underarms: Anya Tarike Inhe Bhi Apnaye
- Scrubbing ke dwara bhi bagal ke kalepan ko dur kar sakte hai. Iske liye baking soda, chini, pumice ka patthar aadi mai se kisi ka bhi prayog kar twacha ki scrubbing kee ja sakti hai. Isse twacha ka kalapan dur hota hai aur twacha mulayam bhi banti hai.
- Nariyal ka tel, sirka, dudh aadi mai se kisi bhi taral padarth ki malish karne se bhi bagal ke rang ko saaf kiya ja sakta hai.
- Underarm Waxing ke dwara bhi twacha ke kalepan ko dur kiya ja sakta hai. Bagal ke bal ko hatane ki yeh sabse acchi vidhi hoti hai. Isse bagal ka rang bhi kala nahi padta hai.
- Rojana Skip Deodorizers ka upyog karne se bhi bagal ka rang kala pad jata hai. Isliye iske rojana upyog se bache.
- Inn sabhi home remedies ke alava bagal ki rojana cleaning karne se bhi twacha ke rang ko saaf aur gora banata hai.
Aaj aapne jana Home Remedies for Dark Underarms. Yadi kisi karanvash aapke bhi bagal ka rang kala pad gaya hai to upar dee gayi vidhiyo ko apnakar aap bhi bagal ka rang gora kar sakte hai.