Sweet Potato in Hindi: Swasthya Guno Se Bharpur Shakarkand

Sardiyo mai shakarkand ka sevan to sabhi ne kiya hi hoga. Iss phal ko sweet potato ke naam se bhi jana jata hai. Yeh phal khane mai mitha hota hai aur thandi ke dino mai sharir ko garmi dene ka kaam karta hai. Yeh na keval khane mai swadisht hota hai balki hamare sehat ke liye bhi kaafi faydemand hota hai.

Ho sakta hai aapne shakarkand ya isse bane vyanjano ko nahi khaya ho. Ham aapko btana chahte hai ki isme moujud poshtik tatva aapke pure swasthya ko nikhar sakte hai. Shahkarkarnd thoda thoda aalu ki tarah lagta hai. Lekin iske swasthya labh aalu ke mukable kai jyada hai.

Shakarkand mai fiber, vitamin, khanij aur antioxidant ki bharpur matra payi jati hai. Iske atirikt isme iron, calcium, mengnese, mangnesium, potassium jaise mahatvapurn khanijo ka accha strot hai. Yeh hamare sharir ko kai tarah ke labh pahuchata hai aur bimariyo se dur rakhta hai. Yeh naa aapko keval shararik balki sondarya labh bhi pahuchata hai. Iska sevan karne walo ki twacha par jhurriya nahi padhti hai. Aaiye vistar se jante hai Sweet Potato in Hindi.

Sweet Potato in Hindi: Shakarkand Ke Fayde Janiye

Shakarkand mai beta carotin aur Vitamin A ki matra bharpur hoti hai. Yadi ham 100 gram shakarkand ki baat kare to isme 400 fisadi se adhik vitamin A paya jata hai. Yeh uccha matra wala starch food hai. Yeh bhale hi meetha pahl hai lekin isme keval acchi mithas hai. Yeh urja dene wala phal hai.

Madhumeh Mai Faydemand

Shakarkand ka sevan madhumeh ke rogiyo ke liye behad faydemand hai. Iska glycemic index (GI) scale kam hone ki wajah se yeh mahumeh se grast rogiyo ke rakt ki sharkara ko kam karta hai aur insulin resgistance ko niyantrit karta hai. Rakt mai sharkara ki matra ko kam karne ke liye sodium lene ki salah di jati hai, jabki sharir mai pottasium ki matra ka bhi balance rehna jaruri hai. Iss chiz ke liye shakarkand faydemand hai. Darahsal 200 gram uble shakarkand mai 27 fisadi pottasium hota hai.

Hriday Rog Ke Khatre Ko Kam Kare

Shakarkand mai vitamnin b6 ki bharpur matra hoti hai. Jo homosistin chemical ke star ko kam karne mai madad karta hai.  Homosistin ek prakar ka amino acid hota hai. Iski adhikta hone se hriday rog ho sakte hai. Lekin yadi shakarkand ka sevan kiya jaye to hriday rog ke khatre ko kam kiya ja sakta hai. Shakarkand mai posttasium moujud hota hai. Potassium dil ki dhadkan aur tantrika sanketo ko niyantrit karne mai shayak hota hai.

Iske atrikt potassium kidni ke karyo ko niyantrit karne, sujan ko kam karne aur mashpesiyo mai akdan ko samapt karne mai bhi madad karta hai.

You may also like:- Lauki Benefits in Hindi: Bottle Gourd Ke Fayde Janiye

Rog Pratirodhak Shamta Badhaye

Shakarkand mai bharpur matra mai iron hota hai. Iron ki kami se hamare sharir mai energy nahi rehti hai. Jiske karan rog pratirodhak shamta par asar padhta hai. Shakarkand iron ki kami ko dur karta hai aur blood cells ka nirman bhi karta hai.

Twacha Ki Acchi Dekhbhal

Shakarkand mai beta carotin moujud hota hai. Yeh sharir mai free radicals se ladta hai aur jaldi budhapa nahi aane deta hai. Isme vitamin c ki bharpur matra hoti hai jo ki twacha mai coligen ka nirman karke twacha ki javani banaye rakhti hai. Yeh naa keval twacha ke liye faydemand hai balki isse aankho ki roshni bhi badhti hai.

Tanav Se Mukti

Jaisa ki ham jante hai shakarkand mai uccha matra mai potassium paya jata hai. Jisse tanav aane ke baad sharir prayog kar leta hai. Isliye tanav se mukti pane ke liye iska sevan jarur kare. Yeh potassium ki kami se hone wali mashpesiyo ki aethan ko kam karta hai.

Cancer Dur Kare

Prostate cancer se bachav ke liye shakarkand ka sevan faydemand hai. Isme moujud beta carotin prostate aur colon cancer se bachata hai. Iske atirikt gehre rang ke shakarkand mai carotenoids bhi paya jata hai. Aese aahar jinme adhik carotenoids hota hai wah fefde aur muh ke cancer se bhi bachata hai.

Shair Ki Sujan Thik Kare

Shakarkand mai paye jane wale coline namak tatav ko sharir ke liye bahut aham mana jata hai. Yeh tatva nind, mashpesiyo ki gatishilta, sikhne tatha yaad rakhme mai madad karta hai. Yeh tatva koshika ke aavran ke dhanche ko maintain karne mai madad karta hai. Yeh vasa ke avsoshan ko sahayata pradan karta hai aur ashadhya sujan ko kam karta hai.

Shakarkand mai moujud anti inflammatory tatva aantarik aur bahari sujan jaise heart burn, acidity aur gathiya ke illaj mai sahayak hai.

You may also like:- Petha Sweet Benefits in Hindi: Swad aur Sehat Se Bharpur

Sweet Potato Benefits in Hindi: Shakarkand Ke Anya Fayde Bhi Jane

1. Shakarkand mai protein ki bharpur matra hoti hai. Jo sharir ko bahut urja pradan karte hai.
2. Isme fiber ki matra bhi adhik hoti hai. Isliye yeh kabj ko dur karta hai aur pachan shakti ko badhata hai.

3. Shakarkand netra rog, twacha se sambandhit rog, asthama, thyroid aur madhumeh ke illaj mai sahayak hota hai.
4. Shakarkand vitamin a ka bahut accha madhyam hai. Iske sevan se sharir ki 90 pratishit tak vitamin a ki purti ho jati hai.
5. Shakarkand mai moujud B complex vitamin, Vitamin c, potassium, calcium pet ke alsar ka illaj karne mai bahut sahayak hota hai.
6. Shakarkand mai moujud vitamin c aur b complex vitamin, loha aur phasphorus pratiraksha pranali ko majboot banane mai madad karta hai.
7. Yeh magnesium ka bhi accha strot hai. Jo dhamni, rakt, haddi, dil, mashpesiyo aur tantrika tantra ko swasth banaye rakhne mai madad karta hai.
8. Isme calorie aur starch ki matra samanya hoti hai. Wahi saturated fat aur cholestrol ki matra isme naa ke barabar rehti hai. Isme fiber, antioxidant, vitamin aur lavan bharpur paye jate hai.
9. Yeh vitamin d ka ek bahut accha strot hai. Yeh vitamin daanto, haddiyo, twacha aur naso ki growth va majbooti ke liye aavyashak hota hai.
10. Isme antiflammotry gun bhi paye jate hai. Isme paya jane wala beta carotin, magnesium, vitamin bahari sujan ko kam karne aur alsar ke dard ko kam karne mai bahut madad karta hai.
11. Gathiya ke upchar mai bhi shakarkand ka sevan faydemand hai. Isme moujud jasta, vitamin b complex, magnesium, beta carotin gathiya ke upchar mai madad karta hai. Shakarkand ka ubla hua pani jodo ke dard par lagane se aaram milta hai.

Sweet Potato Recipes in Hindi: Shakarkand Se Bane Pakwan

Ab jab aapne shakarkand ke itne fayde jan liye hai. To jarur aap iska sevan karne ke baare mai soch rahe honge. Shakarkand ka sevan aap kai tarah se kar sakte hai. Kuch log use salad ke roop mai khana pasand karte hai to kuch log iske vyanjan banate hai. Aaiye jante hai iski kuch Simple Sweet Potato Recipes–

Shakarkand Ka Halwa:-

Samgri:

• 250 gram shakarkand
• 200 gram pisi chini, 100 gram ghee
• ¼ chammach chhoti illachi powder, 1 chammach kata pista va badam, 1 chutki kesar

Vidhi:

1. Shakarkand ko ubal kar aur chhiklkar kaddukas kar le. Ab ek kadahi mai ghee garma kar shakarkand dalkar dhimi aancha par gulabi hone tak sekkar chini milakar 4-5 minute pakaye.
2. Jab chini ki chasni ban jaye tab kesar aur illachi milakar utar le. Kata pista badam burka karke serve kare.

Shakarkand Ki Puri:-

Samagri:

• Shakarkand – 3 se 4
• Genhu ka aata – 3 katori
• Barik kati hari mirch – 3 se 4
• Sonf – 1 chammach
• Laalmirch – ½ chammach, barika kata hua dhaniya
• Swadanusar namak aur puri ko talne ke liye tel

Vidhi:

1. Sabse pehle shakarkand ko dhokar ek kukar mai ubalkar, shakarkand hone par unhe chhilkar kaddu kas kar le.
2. Fir kaddukas kiye shakarkand mai genhu ka aata, hari mirch, sonf, laal mirch powder, kaddukas kiya adrak, hara dhaniya aur swad anusar namak acchi tarah milakar thoda thoda pani dalkar aata gundh le.
3. Aata 10 se 15 minute ke liye rakh de.
4. Ab guthe hue aate ki chhoti chhoti loiya banakar puri bel le.
5. Ab ek kadhai mai tel garm kare aur puriyo ko garm tel mai acche se sek le.
6. Jab puri kurkuri ho jaye to ek plate mai tissue paper lagakar puriyo ko tel se nikalkar plate mai serve kare.
7. Ab garam garam shakarkand ki puri dahi ya kisi chatni ke sath khaye.
8. Aap chahe to shakarkand ki puri mai genhu ke aate ki jagah rajgiri ka aata aur sada namak ki jagah falahari namak milakar vrat mai bhi kha sakte hai.

Upar aapne jana Sweet Potato in Hindi, uske labh aur usse bane kuch pakwano ke bare mai. Yadi aap bhi uprokt labh chahte hai to shakarkand ka sevan kare. Yadi aapki kidni sahi tarah se kaam nahi kar paa rahi ho ya fir aap kisi chronic kidni ke rog se pidhit ho shakarkand naa khaye. Kyonki shakarkand mai potassium ki matra acchi hoti hai. Jab kidni rakt mai mile potassium ko alag nahi kar pati hai to yeh potassium sharir ke liye ghatak ban jata hai.