Subscribe Whatsapp

Petha Sweet Benefits in Hindi: Swad aur Sehat Se Bharpur

Meethi chize jaise pede, mithai aadi kise pasand nahi aata? Mithi chize adhiktar logo ko bhati hai, khaskar baccho ko. Misthano ki baat ki jaye to petha bhi bahut famous hai.

Yadi aap India mai rehte hai to garmiyo ke dino mai aapko petha ki dukan kai jagah dekhne ko milegi. Yeh na keval khane mai swasdist hota hai balki sehat ko bhi iske kai fayde hai.

Aapko bajar mai petha do rango mai dekhne ko milega ek to safed aur dusra peela. Yeh mishthan kai rajyo mai banaya jata hai. Lekin aagra mai milne wala petha sabse jyada mashur hai. Pethe ko banane ke liye bathua ya fir kohanda sabji ka istemal kiya jata hai.

Pethe ke aushdhiya guno ke karan aayurved mai bhi pethe ko sharir ke liye bahut labhdayak mana gaya hai. Aap shayad nahi jante honge lekin iska sevan dama rog, mansik rog, peshab ke rog aadi chizo mai kiya jata hai.

Iske itne fayde hai isliye aaj ham aapko Petha Sweet Benefits in Hindi ke sath sath, ise banane ki vidhi bhi batayenge. Isse janne ke baad aap ghar par hi ise apne baccho ko de sakte hai. Yeh ek aesa nastha hai jo aapke baccho ko swad ke sath sath sehat ke bhi fayde dega.
 

Petha Sweet Benefits in Hindi: Janiye Iske Fayde aur Banane ki Vidhi

 
Petha Sweet - Petha Mithai
 
Pehte ke guno ke bare me janne se pehle kyu na ham pehle iske itihas ke bare mai jaan liya jaye. Pethe ki baat kare to varsh 1940 se bhi purva pethe ko aayurvedik aushdhi ke roop mai taiyar kiya jata hai. Darahsal iska upyog rak tvikar, jigar ki bimari, amlavitta, aadi ke liye kiya karte the. Aushdhiyo guno se bharpur hone ke karan iska ullekh sanskrit shabd ke kushmand ke naam se anek chiktsiya vidhiyo mai aata hai.

Lekin 1945 mai iske swad mai badlav kiya gaya. Aur sukhe pethe ke sath sath rasila petha bhi banaya gaya. Ise anguri petha kaha jane laga. Ise mitti ke handi mai rakhkar becha jata tha. Iska swas kaafi umda hota tha. Aur dhire dhire pethe ko kai tarah se banane lag gaye. Aaiye jane iss swadist pethe se milne wale labho ke bare mai.
 

You may also like: Janiye Aapki Pasandida Gulab Jamun Recipe in Hindi

 

Motapa Kam Kare

Safed Petha Mithai ki baat kare to yeh kaddu se banta hai. Aur safed kaddu mai 96 pratishat pani hota hai. Yeh adhik calorie yukt khadya padharth hota hai. Iss vajan niyantrit hota hai. Iske atrikt duble log bhi isse labh prapt kar sakte hai.
 

Pitta Ki Samasya Se Rahat

Kaccha petha pitta ki samasya ko jad se khatam karta hai. Wahi pake pethe ko khane ke bhi kai fayde hai jaise ise khane se mutrashay suddha hota hai aur sharir ke sare dosh thik hote hai. Lekin aadhe kacche aur aadhe pake huye pethe ka istemal naa kare, isse cough badhta hai.
 

Mansik Rog Ko Dur Kare

Jin logo ki yaddasth kamjor ho unhe pethe ka sevan jarur karna chahiye. Yaddast kamor ho ya fir kisi tarah ki dimagi bimari ho, pethe ka sevan aese rogiyo ke liye bahut faydemand hai. mansik rogo mai fayda pane ke liye pethe ke phal ka ras bhi pina chahiye. Iske atirikt isse mirgi aur pagalpan aadi mai bhi labh phuchta hai.
 

Bavasir Se Nijad

Piles ke rogiyo ke liye bhi petha bahut labhprad hai. Iska sevan karne se bavasir mai rakt nikalna band ho jata hai. Yeh pet sambandhit samasya jaise ki kabj aadi mai bhi faydemand hai.
 

Aanto Ki Sujan Thik Kare

Kai baar aanto mai sujan aane ke karan bhi bhukh naa lagne ki samasya shuru ho jati hai. Yadi aapko bhukh nahi lagti hai to subah ke wakt do cup pethe ka ras piye. Isse aapko khul ke bhukh lagne lagegi aur aanto ki sujan bhi thik ho jayegi.
 

Sharir Ko Thandak De

Yadi aapke sharir mai bahut garmi hai aur wo hamesha garam rehta hai. To pethe ka sevan kare. Sath hi petha jis sabji se banta hai uske gude tatha patto ko pees kar lep kar le.
 

Uccha Raktchaap Niyantrit Kare

Pethe mai potassium moujud hota hai. Jisse raktchaap ko niyantrit rakhne mai madad milti hai.
 

Anya Fayde Inhe Bhi jane:-

  1. Pethe mai resha paya jata hai jo ki kabj jaise pet ki samasya aadi ko dur karta hai.
  2. Petha khane se sharir mai lachilapan aur sfurti aati hai.
  3. Dama ke rogiyo ke liye petha bahut faydemand hai. Ise khane se fefdo ko bahut fayda milta hai.
  4. Nakseer phutne ki samasya ko dur karne ke liye bhi pethe ka ras piye ya fir uska guda khaye.

 

Petha Recipe in Hindi: Janiye Ise Banane Ki Vidhi

 
Petha Recipe in Hindi
 
Yaha ham aapko Petha Sweet Recipe in Hindi bata rahe hai. Taki aap ise ghar baithe bana sake. Yeh mithai sabhi ko bahut pasand aayegi.

Janiye iske liye jaruri samgri:-

  1. Petha phal – 1 kg
  2. Chini – 700 gram
  3. Kevda essence – 5 drops

 

You may also like: Benefits of Sugarcane Juice in Hindi: Ganne Ke Ras Ke Fayde

 
Vidhi:

  • Sabse pehle to pethe ke phal ko chhil le. Fir isme se sare beej aur spanj gude ko nikal de. Fir sakth gude ko 1 se 2 inch ke chokor ya aaytakar tudko mai kaat le.
  • Iske paschat pethe ke tukdo ko kitchen fork se god le.
  • Ab ek bartan mai paani dale aur 2 chutki fitkari dale.
  • Iss baat ka dhyan rakhe ki pani utna ho jisme aasani se pethe ke sare tukde dub jaye. Pethe ke tukdo ko pani se nikal kar ek baar acche se saaf pani se dho le.
  • Ab pani ko ubal le. Ubal aane ke baad isme pethe ke tukde dale aur dhak de.
  • 5 minute ke liye ubale aur jaise hi inn tukdo ka rang halka ban jaye to gas band karde.
  • Fir iss pani ko chhalni se chhan le aur faltu paani alag karde.
  • Iss baat ka dhayan rakhe ki hame pethe ke tukdo jyada naram nahi karna hai.
  • Ab hame pethe mai chini milna hai to itna bada bartan le jisme aasani se chini dalkar milai ja sake.
  • Ab iss bartan mai sare pethe ke tukde dalde aur milakar adhe ghante ke liye aese hi dhak de.
  • Chini ko milane ke baad pethe par thoda thoda pani chode. Chine hone ke karan wo pani chasni ki tarah ban jata hai.
  • Isliye is dish mai hame alag se chasni banane ki aavashakta nahi hoti hai.
  • Ab pethe wale bartan ko ges par rakhkar ise dhimi aanch par pakaye. Jaise hi chini acche se pighal jaye to gas ko madhyam karke ise paka le.
  • Yadi aap sukha petha banana chahte hai to ise jab tak pakaye jab tak iski chasni jamne layak consistency tak naa aa jaye.
  • Ise pakate huye bich bich mai hilaye, taki chasni ya petha jal naa jaye. Jab yeh ekdam jamne layak ho jaye to gas band kar de.
  • Pethe ko chasni sahit aese hi 6-7 ghnate ya puri raat ke liye rehne de. Itne samay mai chasni pethe ke tukdo ke andar tak chali jayegi. Chasni ke bartan se nikal kar pethe ko kisi jali par rakh de. Yadi aapko ekdum sukha petha pasand ho to use jali par hi khuli hawa mai ya pankhe ke niche 4-5 ghante ya jyada samay tak sukha le.

Yadi aapko kevda essence pasand hai to aap ise bhi pethe par chidak sakte hai. Swadisth petha mithai taiyar hai. Isko sabko khilaye aur khud bhi khaye. Bache huye pethe ko aap ek container mai bharkar 1 mahine tak aaram se kha sakte hai. Petha mitai pethe ke phal se banti hai wahi aagra ka mashhur petha safed kaddu se banaya jata hai.

Upar aapne jana Petha Sweet Benefits in Hindi aur usko banane ki vidhi ke bare mai. To ab intejar kis baat ka jaldi se banaiye aur pure parivar ko khilaiye.