Subscribe Whatsapp

Lauki Benefits in Hindi: Bottle Gourd Ke Fayde Janiye

Hari sabjiya swasthya ke liye behad faydemand hoti hai. Unhi mai se ek sabji hai lauki jo aapki sehat ko kai tarah ke fayde pahuchati hai. Angreji mai ise Bottle Gourd ke naam se jana jata hai. Aayurved mai iss sabji ke kai fayde hai. Kyoki isme kaafi matra mai vitamin C paya jata hai.

Iska sevan har tarike se faydemand hai. Aap chahe to iski sabji banakar kha sakte hai ya fir iska halwa bana sakte hai aur iska juice bhi pee sakte hai. Yeh teeno hi prakar aapke liye labhprad hai.

Isme 92% pani moujud hota hai. Lekin kuch log iski sabji khana pasand nahi karte hai. lekin jab aap iske swasthya labho ke bare mai jaan jayenge to iska sevan jarur karenge. Iska sevan karne se baalo ki samasya dur hoti hai.

Isse raktchaap dur hota hai. Yeh khoon mai sharkara ke star ko kam karti hai. Baccho se lekar bujurg tak ko iske swasthya labh milte hai. Aaiye jane aur bhi kai Lauki Benefits in Hindi.
 

Lauki Benefits in Hindi: Jane Bottle Gourd aur Iske Ras Ke Labh

 
Lauki Benefits in Hindi
 
Bajar mai iski kai kism moujud hoti hai. Jaise hukkum louki, ghiya, dudhi aadi. Louki ka bahari rang hara hota hai aur andruni rang safed hota hai. Aap bahar se iska chhilka halka shakth hai wahi andar se yeh thodi naram hai. Aaiye jante hai iske kitne fayde hai.
 

Tanav Dur Kare

Aaj kal ke lifestyle mai tanav hona bahut aam hai. Pehle to office mai tanav bhara vatavaran rehta tha lekin aajakal to chhote chhote baccho ki padhai itni badh gayi hai ki unhe bhi tanav hone laga hai. Yane ki dekha jaye to baccho se lekar budho tak sabko tanav ne gher rakha hai. Kisi ko class mai pehla number lane ka tension hai to kisi ko apne parivar walo ka palan poshan karne ka tension hai.

Iss tarah ke vatavaran ke karan aapko swasthyakar aahar lena jaruri hai. Iske liye aap louki ka sevan kare. Isme paryapt matra mai pani hota hai jo sharir ko thandak deta hai. louki mai moujud pittashamak guno ke karan aap apne sharir ko aantarik roop se shant mehsus karenge.
 

Sharir Ko Thandak De

Jaisa ki ham jante hai ki lauki mai pani ki adhik matra hoti hai. Isliye garmiyo ke dino mai lauki ka sevan jarur karna chahiye. Yeh aapke sharir ki garmi ko dur kar sharir ko sitalta pradan karta hai. Isliye hi aamtour par garmiyo ke douran lauki ka sevan kiya jata hai. Garmiya to shuru ho gayi hai to aap bhi bina der kiye lauki ka sevan shuru kar de. Yeh sharir mai pani ki purti kar dega.
 

Vajan Ghatane mai Madadgar

Lauki ka sevan vajan ghatane mai bhi madadgar hai. Bahut kam log iss bat ko jante hai ki lauki vajan ghatane mai bhi madad karti hai. Isliye jo log vajan ko ghatane ki chahat rakhte hai wo lauki ko ubalkar namak ke sath khaye.

Kuch hi dino mai aapka Weight Loss hoga. Darahsal lauki mai fiber ki matra acchi hoti hai, jisse bhukh jaldi nahi lagti aur pet bhara bhara sa mehsus hota hai.
 

Twacha Mai Nikhar Laye

Chehre ko prakratik sundarta dene ke liye lauki ka sevan faydemand hai. lauki aapke chehre ko sundar banati hai. lauki ka juice pine se chehre par dhul, dhoop, mitti aur pradushan se hone wale muhanso se chutkara milta hai. Sath hi iske sevan se twacha par lalima aur lachak aati hai.
 

Cholestrol Thik Kare

Jin logo ko cholestrol ki shikayat hai unhe lauki ka sevan jarur karna chahiye. Lauki khane se hanikarak cholestrol kam ho jata hai. Isliye heart attack aur dil ki bimariyo ko dur karne ke liye lauki ka sevan jarur karna chahiye.
 

Urine Disorder Dur Kare

Urine disorder arthat peshab sambandhi dikkat ko dur karne ke liye bhi lauki bahut labhprad hai. lauki sharir se sodium ki matra ko kam karti hai aur ise peshab ki madad se bahar nikal deti hai. Yadi aap niyamit lauki ka ek glass juice ka sevan karte hai to aapko murta visarjan mai ho rahi jalan ki samasya se nijad milti hai.

Ab aapne jab lauki ke fayde jan hi liye hai to jarur aap iska sevan karne ka soch rahe honge. Isliye iski sabji ka sevan turant shuru kar de. Yeh pachne mai ekdam halki hoti hai. Aur yadi aapko iski sabji banana nahi aati hai to yaha jaan lijye.
 

You may also like:- Parwal in Hindi: Jane Pointed Gourd Khane Ke Swasth Laabh

 

lauki ki sabji – Banane mai Aasan aur Sehat Ke Liye fayemand

 
Samagri:-

  • Swad ke anusar namak
  • Aadha kilo lauki, ek bada chammach jaitun ya koi anya tel
  • Aadha chammach jeera, garam masala aur dhaniya powder

 
Vidhi:-

  1. Sabse pehle lauki ko acche se dho le. Fir uske dono kinaro se thoda hissa katkar nikal de. Fir lauki ko chhilkar madhyam aakar ke tukdo mai kaat le.
  2. Uske paschat ek kadhai mai tel garam kare. Jab tel paryapt garam ho jaye tab usme jeera masala, dhaniya powder dalkar chalaye.
  3. Kuch seconds hilate rahe. Isse masale bhun jayenge. Ab iss masale mai lauki mila de. Swad ke anusar namak dalkar ek baar aur hilaye aur kadhai dhak de.
  4. Aapko sabji ko banate wakt usme pani milane ki jarurat nahi hai. Kyoki lauki mai hi itna pani hota hai ki pakate samay wo pani chhodti hai. Sabji ko madhyam aanch mai pakate rahe aur bich bich mai hilate rahe.
  5. Ise pakne mai 15 minute ka samay lagta hai. Isliye lagbhag 15 minute baad dekhe ki yeh sehatmand sabji pakkar mulayam hui hai ya nahi. Agar sabji pak gayi ho to stove band kar de.
  6. Ab taiyar sabji ko roti ke sath serve kare. Jo thoda khatta khana pasand karte hai wo log iss par nimbu nichod sakte hai.

 

You may also like:- Bitter Gourd Benefits: Karela Khaye Aur Bimariyo ko Dur Bhagaye

 

lauki Juice Benefits in Hindi – Jane Iske Ras Ke Fayde

 
lauki Juice Benefits in Hindi
 

Baalo Ko Safed Hone Se Roke

Aajkal ke vyastata bhare mahol mai vyayam ki kami aur khanpan ki kami ke karan kam umra mai hi baal safed hone lagte hai. Jaha pehle 45 saal ki umra ke baal safed hone lagte hai wahi ab 25 saal ki umra mai bhi baal safed hone lage hai. Isliye baalo ka jhadna rokne ke liye subah ke samay lauki ke ras ka ek glass pina chahiye.
 

Rakt Chaap Niyantrit Rakhe

Sirf 1 glass lauki ka ras pikar uccha raktchaap ki samasya ko kaafi had tak kam kiya ja sakta hai. Sath hi khane mai thoda bahut badlav karke bhi blood pressure ki samasya ko dur kiya ja sakta hai.
 

Sharir Ko Tajgi De

Lauki ko halki sabjiyo mai gina jata hai. Ise khane se pet mai bharipan nahi lagta hai. Yeh sharir mai tajgi banaye rakhne mai sahayak hai. Pratidin tarotaja bane rehne ke liye namak ya masale dalkar lauki ka juice pina chahiye.
 

Sharir Ko Bimariyo Se Bachaye

Lauki mai sabhi tarah ke protein aur vitamin paye jate hai. Isme vitamin a, vitamin c, vitamin b3, b6, calcium, iron, magnesium, zinc aur pottasium paya jata hai. Jo sharir ko kai bimariyao se bachata hai.
 

Anya Fayde Inhe Bhi Jane:-

  1. Lauki juice for weight loss bhi hai. Roj subah khali pet ek glass lauki ka ras kala namak dalkar aur nimbu ka ras dalkar pine se vajan ghtata hai.
  2. Anidra ki takleef mai til ka tel aur lauki ka ras saman matra mai milakar baalo aur sar par lagane se acchi nind aati hai.
  3. Dast ki samasya ko rokne ke liye lauki ke ras mai ek chutki namak milakar pina chahiye. Lauki mai jyada pani aur tantu hone ke karan yeh kabj se rahat dilata hai.
  4. Mutra marga ke kitanu ka sankraman nikalne mai bhi lauki madadgar hai. Lauki ka taja ras nikalkar, nimbu ka ras use milkar pina chahiye.
  5. Isme shakkar ki matra kam hone ke karan yeh madhumeh mai bhi faydemand hai. Khoon mai sharkara ki matra ko kam karne ke liye niyamit roop se lauki ko apne bhojan mai shamil kare.
  6. Lauki mai 92 pratishat pani hota hai. Yeh pachan mai halka hone ke karan yeh aasani se pachan hone wala anna padhart hai. Isse sharir ka tapman bhi niyantrit hota hai.

 
Upar aapne jana Lauki Benefits in Hindi aur iski sabji ko banane ki vidhi ko. Iss dish ko banaye aur khaye. Aap dekhenge ki yeh bahut hi aasani se hajam ho jati hai. Sath hi ise banane mai jyada samay bhi nahi lagta hai. Yeh keval 20 minute mai ban jati hai.