Subscribe Whatsapp

First Date Tips in Hindi: Pehli Mulakat Ho Kuch Khas

Naye rishte ki shuruwat mai dating ka apna mahatva hai. Dating hi ek aesa madhyam hai jisse samne wale ko acche se janne ka mouka milta hai. Pehli bar date par jane ka ehsaas behad hi khas hota hai. Yeh ehsaas itna khubssorat hota hai ki iski kalpana karna hum pehle se hi shuru kar dete hai.

Kalpanao aur sapno mai to ham sab kuch accha hi sochte hai. Ki jab ham samne wale se mile to uske man mai aisi chap chodey ki wo firse milne ki iccha jahir kare. Rishte ko aage badhane ke liye yeh behad jaruri hai ki samne wale ko impress kiya jaye.

Agar aap kuch galat kar baithe ya galat bol baithe to aapki date kharab ho sakti hai. Aapki puri mehnat barbad ho sakti hai. Isliye date par aese hi uth kar naa chale jaye. Date par jane se pehle apne kapde, perfume, milne ki jagah aadi pehle se tay kar le. Iske alawa aur bhi aesi kai chize hai jise date par jane se pehle agar aap jan lenge to aapki pehli mulkat yadgar ban jayegi. To aaiye jane First Date Tips in Hindi.
 

First Date Tips in Hindi: Mulakat Ko Khas Banane Ke Tarike

 

First Date Tips in Hindi

 
Jab aapne date par jane ka nishchay kar hi liya hai. To dating ki shuruwat bhi sahi tarike se ki jana chahiye. Kyoki shuruwat acchi ho to aage bhi sab kuch accha hone ki ummeed hai. Isliye jab bhi kisi se date par jane ke liye puche to email ya fir message karke naa puche. Jab aap apne rishte ki shuruwat kar rahe hai to pure aatmavishvas se kare. Koshis kare ki yeh baat aamne samne kare. Fir bhi yadi aapko milne ka bilkul bhi mouka nahi mil raha hai to phone par call ka sahara liya ja sakta hai.

Iske alawa first date ko successful banane ke liye aur bhi kai bate mahatwapurna hoti hai. Jab bhi aap mile to aapka hello kehne ka andaj bhi mayne rakhta hai. Apni pehli baat badi sahajta aur muskan ke sath kahe. Iske alawa acchi tarah press kare huye kapde hi pehle impression ke liye jaruri hai.
 

Gender Kya Kare Kya Na Kare
Girl Acche kapde pehne Bhadkila makeup na kare
Halki muskan chehre par rakhe Galat expression dene se bache
Kuch khas bate share kare Dusro ko bolne ka bhi mouka de
Boy Dinner ke liye invite kare Ladki ko bill na bharne de
Acchi jagah ka chunav kare Mobile ka jyada istemal na kare
Confident rahe Physical hone ki naa soche

 

Apni sundarta Ko Natural Rakhe

Ladkiyo ko iss baat ka khayal rakhna chahiye ki khubsoorat dikhne ke liye wo jyada makeup na thope. Prakratik sundarta hi samne wale ko impress karne ka accha tarika hai.
 

Mobile ka jyada istamaal nahi kare

Bahut se log apne date par bhi mobile ka istemal karte hai. Jo ki sahi nahi hai iss wakt mobile mai dhyan dene ke bajay accha yeh hoga ki aap apne sathi ko special mehsus karwaye. Aur agar fir bhi aap phone ka istemal karte hai to samne walo ko yeh lagega ki aap usko ignore kar rahe hai.
 

Expressions Ko Rakhe Kabu

Kai bar aesa hota hai ki samne wale se milkar, usse bate karkar hame accha nahi lagta hai. Aesa hone par bhi samne wale ko yeh mehsus naa hone de ki usse milne par aapko khushi nahi hui hai. Kyuki kai baar aisa hota hai ki pehli mulakat mai koi pasand nahi aata hai, Lekin aur kuch mulakato ke baad, kisi ko acche se janne ke bad wo insan accha bhi lagne lagta hai.
 
You may also like:- Kam Umra Mai Shadi ke Fayde aur Nuksaan
 

Jyada Sawal Na Puche

Aap pehli date par hai to samne wale ko bhi aapke bare mai janne ka mouka de. Aesa bikul bhi naa ho ki keval aap hi usse sawal puch rahe ho. Aesa karne se samne wala aapse dobara baat karne mai dilchaspi nahi lega.
 

Acchi Jagah Ka Chunav

Jab aap pehli bar kisi se milne ja rahe ho to acchi jagah ka chunav kare. Aap chahe to kisi shopping mall ya fir icecream parlour jaa sakte hai. Bahut bar ladke ladkiyo ko kam logo wali jagah chalne ke liye puchte hai. Aese mai ladkiya ghabrati hai. Isliye aesi jagah jane ka katai na puche.
 

Confident Rahe

Jo log bat karne mai jyada hichkichate hai wo samne wale par accha impression nahi bana pate. Isliye behad jaruri hai ki aap jab bhi samne wale se mile confidence se bat kare. Taki aapki dating lambe samay tak jaye.
 

Pehli Date Ko Dusri Date Tak Le Jane Ke Liye Guidelines

  • Date par jane se pehle shower le aur acche se fress ho jaye isse aapko fresh dikhne mai madad milegi.
  • Yaad rakhe ki ‘Natural is Beautiful’ isliye ladkiya sexy dresses ka chunav naa kare.
  • First impression ke liye kabhi bhi dusra mouka nahi milta isliye date ki jagah jane ke liye acche se wakt le, taiyar hone ke liye wakt le taaki aap waha pahuchkar cool aur confident dikhe.
  • Date ke wakt aapka phone table par ya hath mai hone ki bajay yadi silent mode par jab mai rakha hai to aap second date par jane ke bahut karib hai.
  • First date par kabhi bhi movie theater ya music concert naa jaye, inn jagaho par dusri ya tisri baar jana sahi rehta hai.

 
To aaj aapne jana First Date Tips in Hindi. Jitna ho sake apni pehali date mein vyavahar mein vinamrata rakhe. Madhur vani sabke dilo ko jeet leti hain. Iske alawa date par niji sawal karne se bache aur upar diye gaye tariko se apni pehli date ko yadgar banaye.