Subscribe Whatsapp

Health Benefits of Soybean in Hindi: Bimariyo Se Rakhe Dur

Soybean protein ka bahut accha strot hota hai. Iske alava isme vitamin, khanij, vitamin B complex aur vitamin E ki bhi bharpur matra payi jati hai. Yeh sabhi tatv sharir ke liye aavashyak amino acid ka kam karte hai.

Aap shayad nahi jante honge ki soybean mai dudh, ande aur maas se kahi adhi protein ki matra hoti hai. Iske alava isme kai tatv jaise carbohydrate, vasa, calcium, iron aur phosphorous jaise minerals bhi paye jate hai jo hamare immune system ko majbut banane aur swasth ke liye faydemand hote hai.

Soybean mai kai sharir ke liye faydemand tatva jaise ki saponins, sitosterol aur phenolic acid hote hai jo ki sharir ko kai prakar ke cancer, hriday aur stan cancer se bachane mai madad karte hai. Iske alava soybean seeds ko khane se twacha ka rang saaf hota hai, sharirik vraddhi hoti hai, kabj dur hota hai aur kai prakar ki bimariya bhi dur hoti hai.

Soybean ko kai tariko se upyog mai laya jata hai jaise iske beej ki sabji banakar, iske tel ka upyog karkar, iske chilke se bani bari ka upyog kar iske alava soybeans ka dudh bhi swasth ke liye bahut hi labhdayak hota hai. Yeh sharir ko anemia (Hemoglobin ki kami) aur osteoporosis (haddiyo ka kamjor hona) namak bimariyo se bhi dur rakhta hai. Iske alava iske aur hi swasth labh ke bare mai janne ke liye yaha padhe Health Benefits of Soybean in Hindi.
 

Health Benefits of Soybean in Hindi: Jane Iske Swasthvardhak Gun

 
Health Benefits of Soybean in Hindi-compressed-compressed-compressed
 
Soybean sharir se raktvasa ko ghatane ka kam karta hai sath hi CHD ke vraddhi ke khatre ko bhi badhne se rokta hai. Iske aur bhi swasth labh janne ke liye padhe benefits of soybean in Hindi.
 

Dil Ke Rogo Ke Liye

Soybean dil se jude rogo ko thik karne mai madad karta hai. Dil ki bimari se jude logo ke khun mai vasa ki marta badh jati hai aur faydemand vasa yani HDL ki matra kam ho jati hai. Isme 20 se 22 pratishat tak vasa hota hai jisme 15 % saturated fat, 15% mono-saturated fat aur 60% poly- unsaturated fat ki matra hoti hai, jo ki dil ke rogiyo ke liye faydemand hota hai. Soybean LDL ki matra ko kam karne mai sahayak hota hai. Iske sath hi isme upasthit lecithin namak padarth dil ki naliyo mai cholesterol ko jamne se rokte hai. Iss prakar yeh dil ke rogo se pidit vyaktiyo ke liye faydemand hota hai.
 

 Rajonivratti

Jab mahilao ka masik chakra aata hai uss samay mahilao ko bahut kasht ka samna karna padta hai. Iss samay mahilao ke masik dharm band hone se sharir mai estrogen ki kami ho jati hai jisse mahilao ki haddiyo ka teji se ksharan hone lagta hai. Iss wajeh se unhe osteoarthritis ki bimari jakad leti hai aur ghutno mai dard bhi rehne lagta hai.

Aesi esthiti mai soybean mai upasthit Phytoestrogens sharir mai estrogen ki kami ko pura karne mai madad karta hai. Isliye 3 se 4 mahine tak soya ka upyog karne se mahilao ki sabhi pareshaniya dur ho jati hai.

Iske alava soybean mahilao ko protein dene ke sath-sath masikdharm ke samay hone wale kasht jaise sharir mai sujan, bharipan, thakan dard, kamar ka dard aadi mai rahat pahuchane mai bhi madad karta hai.
 

Haddiyo Ko Majbut Banaye

Soybean mai upasthti calcium aur protein ki matra haddiyo ko majbut banane mai sahayak hoti hai. Soybean, calcium ki kami se hone wale asthiksharta jaise rogo se bachne mai madad karta hai.
 

You may also like:- Benefits of Turnip in Hindi: Shaljam Se Milne Wale Fayde

 

Madhumeh

Madhumeh rog se pidit vyaktiyo ke liye bhi soybean bahut hi faydemand hota hai. Iske upyog ke liye soybean se bani roti ka upyog labhkari hota hai. Iske alava soybean ka rojana upyog karne se madhumeh rog se pidit vyaktiyo ki mutra se sambandhit pareshaniyo ko dur karne mai bhi madad karta hai.
 

Uchh Raktchap Ke Liye

Soybean ka prayog sharir ke ucch raktchap ko niyantrit karne mai bhi madad karta hai. Iske sevan ke liye kam namak ke sath bhune soybean ko rojana 8 hafto tak sevan kare, isse uchh raktchap ko kaafi had tak kabu mai kiya ja sakta hai. Iske sath hi roastat huye aadha cup soybean khane se mahilao ka badha hua blood pressure kam hone lagta hai.
 

Mansik Rogo Ke Liye

Soybean mai upasthit phosphorous vyaktiyo ko dimag, mirgi, yaddasht kamjor hona, sukha rog, aur fefado se sambandhit bimariyo se dur rakhne mai madad karta hai. Iske upyog ke liye soybean ke aate ka upyog kare, aate mai upasthit lecithin namak padarth inn sabhi bimariyo ko dur karne mai sahayak hota hai.
 

Sharir Ko Protein De

Soay, sharir ke vikas mai sahayak hota hai. Yeh twacha, maspeshiya, nakhun, baal ke vikas mai madad karta hai. Iske atirikt yeh fefado, dil, hriday, sharir ke aantrik bhago ki rachna mai bhi madad karta hai.
 

Health Benefits of Soybean in Hindi: Anya Fayde Inhe Bhi Padhe

  1. Pet ke keede aur hanikarak bacteria ko khatam karne mai soay ki chhach ka sevan kare.
  2. Isme upasthit fiber, pet ke rogo ko thik kar bhojan ke pachne mai madad karta hai.
  3. Soya sharir ko stan cancer se ladne mai madad karta hai.
  4. Gathiya rog ko dur karne mai soya se bani rotiya aur soybean milk bahut hi faydemand hota hai.
  5. Soybean, mai khun ko banane aur badhane wale iron ki acchi matra hoti hai. Iss wajeh se yeh sharir mai khun ki kami ko pura karne mai madad karta hai.
  6. Soybean ka upyog sharir ke vajan ko badhane mai bhi kiya jata hai. Iske liye rojana 15 se 20 soya, 2 se 3 month tak khaye aur vajan badhaye.

Upar aapne jana Health Benefits of Soybean in Hindi. Yadi aap bhi upar diye gaye bimariyo se dur rehna chahte hai to aaj se hi soya ko apne aahar mai shamil kare aur rahe swasth.