Home Remedies for Arthritis – Gathiya Dard Ke Upchar Ke Liye

Jaise jaise umra badhti jati hai jodo mai dard aur aenthan ki samasya hone lagti hai. Iss samasya ko gathiya (Arthritis) kehte hai. Gathiya ka rog hone par jodo mai dard to rehta hi hai sath hi sath kai bar inme sujan bhi aa jati hai.

Kabhi kabhi yeh dard bahut tej hota hai, jise log sahan nahi kar pate hai. Iske piche ka mukhya karan sharir mai uric acid ki adhikta hona hai. Kyoki jab bhi aapke sharir mai uric acid ki matra jyada ho jati hai, to wo sharir ke jodo mai chote chote crystal ke roop mai jamne lagta hai.

Iss karanvash jodo mai dard hone lagta hai. Thand ke dino mai to yeh samasya doguni ho jati hai. Isliye gathiya ke marijo ko thand se bachne ke liye apna khas khayal rakhna chahiye.

Vaise to aap isme hone wale dard se rahat pane ke liye doctor se dawai le sakte hai. Lekin ham aapko kahenge ki gharelu upchar se badh kar iske liye kuch nahi hai. To chaliye aaiye jante hai Home Remedies for Arthritis.
 

Home Remedies for Arthritis in Hindi: Prabhavi Gharelu Upchar

 
Home Remedies for Arthritis
 

Sendha Namak – Epsom Salt

Sendha namak, magnesium ka accha strot hai. Yeh aapke sharir ka ph level santulit karta hai. Sharir ka ph santulit karna isliye jaruri hai kyoki kuch samasyae jaise ki gathiya aadi sharir mai acid ki matra jyada hone ke karan hoti hai.

  • Prayog ke liye taje nimbu ka ras aur sendha namak dono ek barabar matra mai lekar, iss mishran ko nigal le.
  • Iss mishran ko aap din mai do bar ek bar subah aur ek baar raat ke samay le sakte hai.
  • Ya to aap nahane ke tub mai garam pani mai do cup sendha namak dale, aur usme apne sharir ki sikai hone de.

 

Haldi – Turmeric

Yadi aap niyamit tour par haldi ka sevan karte hai to isse bhi sujan mai kami aati hai. Yadi aapko jankari nahi hai to jan le ki haldi mai curcumin hota hai jisme ki anti-inflammatory gun paye jate hai. Jo log Rheumatoid Arthritis se pidhit hai unke liye yeh bahut hi faydemand hai.

  • Prayog ke liye aap roj raat ko sone se pehle ek glass haldi wala dudh le. Haldi ek chammach prayog mai le.
  • Aap chahe to 500 gm ke turmeric capsule bhi le sakte hai.

 

Tamba – Copper

Tambe ke bartan mai raat bhar pani rakhe, aur subah uss pani ko pee le. Tambe mai oxykaran rodhi gun hote hai, jo ki gathiya mai ho rahi jalan ko dur karne mai madad karte hai.
 

Ajwain – Celery

  • Ajwain mai anti-inflammatory aur atheistic gun hote hai. Yeh dono gun jodo mai aai sujan ko dur karne mai madad karte hai.
  • Iske alawa ajwain mai antibiotic yogik bhi hota hai, jo arthritis ke lakshano se nijad dilane mai madad karta hai.
  • Prayog ke liye ajwain ka paste bana le aur use jodo par lagaye, jaha dard ho raha ho. Isse dard kam ho jayega.
  • Ek tub mai gunguna pani le. Ab us tub mai ek chammach ajwain dalkar acchi tarah mila le. Ab apne jodo ke dard wali jagah ko pani mai dubokar 10 minute tak rakhe. Sujan aur dard dono kam ho jayega.

 

Pyaj – Onion

  • Pyaj mai sujan virodhi gun paye jate hai. Isliye aap guthno ke dard ko dur karne ke liye bhi pyaj ka prayog kar sakte hai.
  • Darahsal pyaj mai photochemical paya jata hai. Yeh na keval immunity system ko strong banata hai balki isme moujud enzyme jodo mai dard paida hone wale enzymes ko bhi rokte hai.

 

Aloe Vera

  • Aapne bhale hi aloe vera se sundarta kaise payi jaye, keval iss bare mai suna hoga. Lekin ham aapko batana chahte hai ki aloe vera se sehat ke fayde bhi kai hai.
  • Aloe Vera aapke rog pratirodhak tantra ko sudharta hai sath hi sath isse aapme urja ka star bhi majboot hota hai.

 

Dalchini

  • Jab baat Arthritis Pain ke gharelu upcharo ki ho rahi hai to bhala dalchini ka naam piche kaise reh sakta hai. Yeh haddiyo ko hone wale nuksan se bachati hai.
  • Prayog ke liye ek chammach dalchini powder le aur usme shahad mila le. Roj subah khali pet ek cup garm pani ke sath sevan kare. Isse aapko ek hi saftah mai fayda najar aane lagega.
  • Iske alawa dalchini ke powder mai pani dalkar paste bana le. Iss paste ko guthne par lagaye. Jitna ho sake lambe samay tak lage rehne de.

 
Upar aapne jana Home Remedies for Arthritis in Hindi. Upar diye gaye upchar ke sath sath apni dincharya mai vyayam ko shamil kare. Gathiya rog se pidhit vyakti ko vyayam karna chahiye. Yadi vyayam karne mai kisi bhi tarah ki pareshani hoti hai to apne hi ghar mai thoda bahut tahal sakte hai.

Related Post

0 Comments

Leave a Reply

You must be logged in to post a comment.