Home Remedies for Stomach Pain (Pet Dard) in Hindi
Acchi life jine ke liye swasth ka accha hona bahut jaruri hai. Adhiktar bimariyo ki wajah hota hai asaymit khana, galat khanpan ke karan bhi kabhi-kabhi pet dard (Stomach Pain) ki pareshani hone lagti hai. Iske liye aapko kisi Doctor ke pass jane ki jarurat nhi hai, aapke kitchen mai aisi dawaiya uplabdh hoti hai jo prathmik upchar ke liye bahut upyogi hoti hai.
Pet Dard ke alag-alag karan hote hai, lekin adhikansh apach, pet mai gas banana (Stomach Gas), kabj, mal sukhne ke karan pet dard hota hai. Aaiye jante hai pet dard ke liye home remedies (Home Remedies for Stomach Pain).
Janiye Stomach Pain (Pet Dard) Home Remedies
You may also like:- Home Remedies for Constipation- Relieve Churning Stomach
- Pet dard ke liye aap ghar per hi churna bana sakte hai. Churna banane ke liye aapko hing (Asafoetida), bhuna huya jira, kali mirch, sonth (Dry Ginger), pudina patti, lahsun (Garlic), dhaniya aur kala namak (Black Salt), inn sabki saman matra lekar barik churna banana hoga. Khane ke bad ek chammach gungune pani ke sath lene se pet dard mai rahat milegi.
- Adrak (Ginger) ka ras bhi stomach pain ke liye bhut acchi Home Remedy hai. Ek chammach adrak ka ras usme 2 chammach nimbu ka ras (Lemon Juice) aur usme thodi shakkar (Sugar) mila kar sevan karne se pet dard me aaram milta hai.
- Saunf (Fennel) bhi stomach pain me rahat pahuchahti hai. Saunf ko rat bhar pani me bhigo kar rakh de aur subah chaan kar khali pet piye. Yeh pet ke liye bhut acche gharelu nuskhe (home remedy) hai.
- Hing (Asafoetida) bhi pachak hoti hai. 2 gm hing ko pani ke saath piskar paste tayar kare aur fir ise nabhi aur uske aas paas lagaye. Isse aapko kafi hadd tak aaram milega.
- Anar (Pomegranate) bhi pet dard mai bhut faydemand hai. Anar ke beej nikal ke usme thoda namak aur kali mirch ka powder dal kar din me 2-3 baar khaye.
- Nimbu (lemon) ke ras mai kala namak, jeera or ajwain churna milakar din mai 3-4 baar pine se stomach pain mai kafi aaram milta hai.
- Methi ke beej ko rat bhar pani me bhigoye, fir uska paste bana kar 200 gm dahi (curd) mila kar din mai 2-3 baar le, isse pet dard me kaafi aaram milega.
- Agar pet mai gas (Stomach Gas) ke karan dard ho raha hai to, pani mai thoda sa khane ka soda milakar pine se fayda milta hai.
Pet ke Vibhinn Hisso Mai Dard ke Kuch Karan
Pet mai dard ke kai karan ho sakte hai. Kai baar kabj ke karan, kai baar koi gambhir bimari se to kabhi aanto mai vikaar ke karan aisi hi kuch anya kshanik vikar pet dard ka karan bante hai. Halaki halka-fulka pet dard gunguna pani pikar thik kiya ja sakta hai lekin baar-baar pet dard hone par koi badi bimari bhi ho sakti hai.
Yadi aap bahut hi jyada iss samasya se pareshan hai to gharelu upay ki jagah aapko apne doctor se sampark karna chahiye. Aaiye pet dard ke kuch karano ko jane:-
- Pet ke uppar ki taraf dard gastritis, liver ki kharabi, aamashay mai chhed hone ke karan hota hai.
- Pet ke bicho bich dard ka karan aksar pancreas ki kharabi hota hai.
- Pet ke nichle hisse mai dard appendix, mutrashay mai pathri ya sankraman ke karan hota hai. Lekin mahilao mai pet ke niche hisse mai dard ke kai karan ho sakte hai jese garbhashay mai kisi tarah ki kharabi, mahavari ya anya koi bimari.
- Pet k ek taraf dard ka karan gurda mai pathri ya gurde ki anya bimari ko sakti hai.
- Baccho ko subah ke samay pet mai dard kide hone ki wajah se hota hai.
- Acidity ya ulcer ki shikayat hone par pet ke bicho-bich adhik dard hota hai.
- Yadi aanto mai sujan hoti hai to pure pet mai hi dard hota hai.
Yeh sab home remedies (Stomach Pain Home Remedies) aapko ghar per saralta se mil sakti hai. Inn sabhi tips se aap ghar baithe pet dard se nijat paa sakte hai.
Iske alawa aap roj ke khane par agar vishesh dhyan denge to aapko pet me dard jaisi pareshaniya kam hogi. Apnaiye Home Remedies for Stomach Pain aur rahiye swasth aur tandaroost.
Get more details about Stomach Pain from Home Remedies.
