Homemade Makeup Remover Se Kare Chehre Ko Saaf
Tyoharo ke samay mahilao ko makeup karne ka kuch jyada hi craze rehta hai. Tyoharo par khas dikhne ke liye wo koi kasar nahi chhodti. Sundarta ko badhane ke liye sirf chehra hi nahi balki aankho aur hontho par bhi makeup kiya jata hai. Tyohar to ban jata hai, lekin bad mai iss makeup ko acchi tarah nikal pana thoda muskil ho jata hai.
Ham makeup ko hatane ke liye soap ya facewash se chehra dho lete hai. Lekin ham aapko bata de ki iss tarah se aapke chehre par se thik se makeup nahi saaf ho pata hai, aur usme mojud chemical hamari twacha par hi bana rehta hai.
Agar chehre se iss makeup ko hataya naa jaye to isse hamari twacha ke rom chhidra band ho jate hai. Jiske chalte hamari twacha ko nuksan pahuchta hai aur dhire dhire muhaso jaise samasya dekhne ko milti hai. Lekin aapko pareshan hone ki jarurat nahi hai. Ham aapko kuch aese Homemade Makeup Remover ke bare mai bata rahe hai jiski madad se aap ghar par apne chehre ke makeup ko acchi tarah saaf kar sakte hai.
Homemade Makeup Remover- Aankhe aur Chehra Saaf Karne Ke Tips
Dudh Se Hataye Makeup
Ham aapko batana chahte hai ki chehre aur aankho ke makeup ko hatane ke liye dudh sabse accha Natural Makeup Remover hai. Isse aapki twacha ki safai bahut acchi tarah se ho jati hai. Sath hi yeh bajar mai aasani se bhi mil jata hai. Bus aapko itna karna hai ki ek katori mai thoda sa dudh le. Fir rui ke gole ko isme dubokar apne chehre ko saaf kare.
Makeup hatane ke liye yeh upay sabse accha to hai, lekin yadi aapki twacha teliya hai to sirf dudh lagane se aapka chehra saaf nahi ho payega. Oily skin wale dudh mai thoda dahi ya nimbu ka ras milakar chehra saaf kare.
Gulab jal Bhi Faydemand
Gulab jal ki madad se aap apne makeup ko hata sakte hai. Bus 2 chammach gulab jal mai do chammach nimbu ka ras milaye. Isse lagane se makeup bhi hat jata hai aur aapke chehre ki dhul mitti bhi saaf hoti hai. Lekin yadi ham aankho ki baat kare to hamari aankhe bahut hi savendshil hoti hai. Isliye aankho se makeup hatate wakt gulab jal mai nimbu naa milaye.
Bhap Le (Steam)
Aapne akasar dekha hoga ki facial karne se pehle chehre ko bhaap di jati hai. Chehre ko bhaap dene se chehre ke rome chhidra khul jate hai. Iska matlab makeup ko hatane ke liye yeh ek accha tarika hai. Isse aapke twacha ke andar tak gaya hua makeup aasani se saaf ho jayega.
You May Also Like:- Home Remedies for Blackheads: Comedones Se Nijad Paye
Baby Oil
Chehre ka makeup to ham kisi na kisi tarike se hata lete hai. Lekin sabse jyada kisi chiz mai muskil aati hai aankho se mascara hatane mai. Agar ise thik tarike se hataya naa jaye to aankhe kaali najar aane lagti hai. Iske liye baby oil accha Eye Makeup Remover hai. Bus ise kisi cotton wipe ki madad se halke hatho se apni aankho ke palko par lagaye aur mascara saaf kar le.
Homemade Makeup Remover: Anya Tarike Inhe Bhi Jane
- Har tarike ke makeup ko hatane ke liye shahad ek accha vikalp hai. Bus aapko itna karna hai ki shahad mai thoda baking soda milaye. Fir iss mishran se chehra saaf kar le. Isse har tarah ke makeup ko hataya jaa sakta hai.
- Coconut oil ki madad se bhi chehre ki gandagi ko saaf kiya jaa sakta hai. Bus ek bade chammach mai thoda sa nariyal tel garam kare. Aur rui ki madad se saaf kar le.
- Chehre se makeup hatane ke baad aapki twacha puri tarah nami kho deti hai. Isliye twacha ki nami ko wapis lane ke liye pehle tonner ka istemal kare aur kisi acche moisturizer ko lagaye. Moisturizer ka istemal karne se lambe samay tak aapki twacha sundar aur swasth bani rehti hai.
- Chehre se makeup hatane ke liye aloe vera bhi behad faydemand hota hai. Ise lagana bhi aasan hai. Bus ek fresh aloevera ko bich se cut kare aur iske jail ko chehre par lagaye. 15 minute ke liye aese hi rakha rehne de aur fir gungune pani se chehra dho le. Iss prayog ko karte wakt ghar mai hi rahe. Hawa se sampark mai aane se aloevera reaction karta hai aur isse chehra kala pad jata hai.
Bahut se log party se thak haar kar aate hai to raat ko makeup nikalne ke bajay aese hi so jate hai. Lekin aesa bilkul bhi naa kare. Sone se pehle Homemade Makeup Remover ki madad se apna makeup jarur utare.
