Latest Mehndi Designs in Hindi – Khas Mouko Ke Liye
Kisi bhi shadi ya tyohar mai hatho par mehndi lagana aaj ki hi nahi balki yeh sadiyo purani parampra hai. Har mahila apne hatho par mehndi lagana pasand karti hai chahe wo kisi bhi umra ki ho. Hatho par yadi mehndi na ho to bahut se tyohar adhure se lagte hai.
Mehndi to kai tarah ki aakrati mai lagai ja sakti hai, lekin nai nai aakrati logo ko bahut pasand aati hai. Jaise ki dulhan bhi inn aakritiyo mai apne pati ka naam chupa kar rakhti hai taaki unka pati uss naam ko dhunde. Yeh ek to khel hai parantu pati patni ke bich mai pyar utpanna karta hai.
Mehndi mai khubsurat design ka hona mahilao ke liye bahut vishesh mahatav rakhta hai isliye we nai nai design lagana pasand karti hai jo ki hatho mai bahut khubsurat lage. Inn designs ko janne ke liye dekhe Latest Mehndi Designs.
Latest Mehndi Designs: Hatho Par Lagaye Heena
Khubsurat Phulo Ki Design
Mehndi koi bhi kabhi bhi laga sakta hai kyonki yeh sabko bahut pasand aati hai. Khubsurat phulo ki bani aakrati wese to kaafi samay se chali aa rahi hai. Lekin yeh fashion mai hamesha se bani hai aur isko hatho par lagane se hath bahut khubsurat lagte hai.
- Ise lagane ke bad aapke hath aur bhi jyada manohar lagenge.
- Aap inn flower ko glitter aur kundan lagakar aur bhi khubsurat bana sakti hai.
- Phulo ki design ko aap aasani se bana sakte hai tatha yeh Simple Cone Designs hamesha acchi lagti hai.
Shaded Mehndi
Hatho mai gehri line aur usme halka halka shade dena mehndi ko aur bhi adhik khubsurat dikhata hai. Aur yeh style sabse prasiddha style hai, aap chahe to iske sath kai tarah ki creativity dikha sakte hai. Yeh hatho mai pehni chhudiyo ke bich bahut khubsurat lagti hai.
- Iss mehndi ki design mai dil ka bana hua aakar bahut hi khubsurat lagta hai.
- Agar aap chahe to iss aakrati ko hatheli mai ya kohni tak bhi laga sakte hai.
- Iss mehndi ko banane ke liye hatho mai khubsurat design bana le aur usme halke halke shade de.
Hatho Par Mor Ki Aakrati
Hatho par peacock design iss samay bahut chalan mai hai. Tatha yuva ladkiya iss design ko kaafi pasand kar rahi hai. Aur aajkal to dulhan bhi khastour par iss mehndi ko lagane ka demand kar rahi hai, kyonki peacock mehndi mai naye tatha purani dono tarah ki design mili hoti hai.
- Iss mehndi mai peacock bane hote hai aur kai barik barik design hoti hai.
- Barik design ke karan yeh pure hatho mai bhari hui mehndi jaisi lagti hai.
- Iss mehndi ko banane mai samay thoda sa jyada lagta hai parantu banane ke bad bahut khubsurat lagti hai.
Mehndi Ki Buta Design
Yeh bhi mehndi ka bahut accha vikalp hai. Iss design mai chhote chhote buto ko banaya jata hai tatha uske aas pas bhi design banai jati hai. Aur yeh design dekhne mai bahut hi aakarshak tatha manohar lagti hai.
- Iss mehndi ki design ko hath tatha pairo par ek jaise lagaya jata hai.
- Iski design ek dum saaf saaf najar aati hai, ki kya banaya hai.
- Iss design mai bhartiya tatha saral Arabic design ka sanyojan hota hai.
Purani Parantu Aakarshak Mehndi
Hatho mai mehndi ki gol gol design sabse purani hai lekin yeh hatho par bahut hi jyada aakarshit lagti hai. Yeh design paramparik rup se chali aa rahi hai tatha yeh mehndi har samay latest bani rehti hai.
- Iss design ko hatheliyo ke bich se lagana shuru karte hai.
- Yeh aakrati gol gol hoti hai aur usme design ko banaya jata hai.
- Yeh design mehndi hatane ke bad bhi hamare dimag mai bani rehti hai kyonki iska design bahut aasan hota hai.
Chequer Mehndi Ka Design
Yeh Mehndi Design 2016 ki sabse latest design hai jisse aajkal ke dulhan aur yuva bahut pasand kar rahe hai. Chequer design mehndi mai bahut hi hoshiyari ke sath khali jagah ko bharna hota hai. Lekin yeh lagne ke bad bahut sundar lagti hai.
- Iss mehndi ko hatheli ki corner se ungali tak lagaya jata hai.
- Aap iss design ko hath ke piche ki taraf bhi laga sakte hai.
Upar apne jana Latest Mehndi Design. Yaha batai gai sari designs naye tariko ki hai jinka fashion kaafi chalan mai hai. Aap apni pasand ke anusar kisi bhi design ko apne hatho mai laga sakti hai aur apni khubsurati bada sakti hai.
