Subscribe Whatsapp

Bhojan ke Douran Pani ka Sevan na Kare

Yun to pani pina ek acchi aadat hai. Kisi bhi rog ko dur bhagane ke liye pani ek ramban ilaj hai. Lekin kya aapko pata hai ki khana khate samay pani pina kitna hanikarak hai aapke swasth ke liye?

Iska sidha asar aapki pachan shakti par hota hai. Kabhi bhi khana khane ke aadhe ghante ya 1 ghante tak pani nahi pina chahiye. Aaiye jane kyu nuksaandeh hai khane ke bich mai pani pina.

You may also like:- Subah Namak Wala Pani Pine ke Fayde

Kyu Na Piye Bhojan ke Douran Pani?

Bhojan ke samay pani pine se yeh pet ki satah dwara sokh liya jata hai. Yeh prakriya tab tak chalti rehti hai jab tak ki pet mai pachan ke liye jaruri dravya itne adhik gadhe na ho jaye ki wo bhojan ko pacha sake.

Lekin khub sara pani pine ke karan yeh dravya pet mai moujud bhojan se bhi adhik gadha ho chuka hota hai, aise mai bhojan pachane ke liye pet mai gastric juice banana shuru ho jata hai. Parinaam swarup bhojan nahi pachta aur sine mai jalan hoti hai.

Dont Drink Water-Food

Jane Mahtvapurna Baate Jo Aapko Khana Khane ke Douran Rakhni Chahiye

1) Yadi bhojan sada ho to bhojan ke samay pani na pina laabhkari hota hai. Lekin jab bhojan adhik tikha, mirch-masaledar, namkin, khatta ho to pani pina avashyak hai, aise mai pani pine se aapke sharir ko koi nuksaan nahi hoga.

2) Iske viprit yadi bhojan prakritik ho aur bhojan ko acchi tarah se chaba-chabakar khate hai to bhojan ke bich pani pine ki koi avashyakta nahi hoti hai.

You may also like:- Importance of Drinking Water – Kyu hai Pani Itna Important

3) Tikha ya chatpata bhojan karte samay dhyan rakhe ki pyas lagne par 1 ya 2 ghunt pani hi piye. Jyada pani se pachan sahi se nahi ho pata hai aur aap swasth nahi reh sakte hai.

4) Bhojan karte samay agar aapko khansi aati ho aur bhojan ke bichme pani pine ki jagah dudh, mattha aur dahi ka sevan kare. Isse aapka bhojan sahi se pach sakega.

5) Sardiyo ke mousam mai thanda pani pine se bache kyuki iss mousam mai aapki pachan shakti kafi kamjor hoti hai.

6) Bhojan ke bich me pani pine se sharir mai insulin ka level badh jata hai.

7) Bhojan ke baad ek cup garm pani pine se aapki pachan shakti thik rehti hai aur khane ko pachne mai madad milti hai.

8) Agar aap khane ke saath anya koi paiy padarth jese cold drink ya dudh lete hai to yeh aapke pachan shakti ke liye htik nahi hai. Kyuki khana khane ke saath yeh paiy padarth bhi kuch hadd tak wesa hi kaam karte hai jesa ki pani.

Kuch milakar pani pina sehat ke liye bahut accha hota hai, lekin din mai pani to aap khub piye, lekin bhojan ke saath jyada pani piye. Aao subah uthkar khub pani pi sakte hai, ya din mai thoda thoda kar 3 se 4 liter pani pi sakte hai.