Subscribe Whatsapp

Cycling Vs. Running for Weight Loss: Konsa Vyayam Hai Behtar

Aaj ke wakt mai motapa ek badi samasya hai. Yeh ek ikloti samasya nahi hai, motapa kai samasyao ko nimantran deta hai. Badhte vajan ke karan sharir ka shape bedhol hota jata hai. Iski wajah se logo ko sharminda bhi hona padta hai. Apne badhte vajan aur motape ko kam karne ke liye log kai prayas karte hai par sharir se charbi jalana aasan nahi hai.

Kai log aisa sochte hai ki kam khane se motape ko ghataya ja sakta hai. Parantu ye bahut bada mithak hai. Darahsal bhuka rehna aapke motape ko aur badhata hai. Aur jab aap wapis apni purani diet par aate hai to aapka vajan doguni gati se badhne lagta hai.

Rojana doudkar ya cycle chalakar aap apne vajan ko kabu mai kar sakte hai. Aesa karne se aap kafi fit aur active mehsus karte hai. Vasa ko kam karne ke liye log treadmill par bhagte hai aur gym mai vyarth hi paisa kharch karte hai. Jim jane ke bajay yadi aap subah subah cycle aur running karenge to aapka vajan kabhi nahi badega sath hi aap apne andar sakaratmak urja ko mehsus karenge. Aaj ham jante hai Cycling Vs. Running for Weight Loss.
 

Cycling vs. Running for Weight Loss: Vajan Ghatane mai Madadgar

 
Cycling Vs. Running for Weight Loss
 
Acchi sehat ke liye chikitsak hamesha hame vyayam karne ki salah dete hai. lekin hamme se adhiktar log ise serious nahi lete hai. Vyayam ki kami hi hamare sharir par charbi jamne ka mukhya karan hai. Yadi aap khud ko pyar karte hai to excuse naa de aur vyayam ke liye kuch samay nikale. Cycling aur running dono hi vyayam aapke liye faydemand hai. Lekin sawal yeh uththa hai ki inme se kisse jyada calorie burn hoti hai.

Running aur cycling dono hi vyayam vajan ghatane ke liye jaruri hai. Kyoki dono hi aapke sharir ka metabolism badhate hai, jisse bahut jyada calories jalti hai. Yadi koi vyakti 45 minute ke roj cycle chalata hai to wo aasani se 400 calories burn kar sakta hai. Wahi yadi koi vyakti 40 minute pratidin doudta hai to wo 500 calories ko burn kar sakta hai.

Weight Loss by Running ek accha vikalp hai. Doudne se aapke sharir ki calorie jyada jalti hai. Purnatah tour par aapki kitni calorie burn hogi wo kitna distance travel hua aur calories ka kitna consumption hua iss baat par nirbhar karta hai.

Wahi yadi aapko ghutno ya peeth mai kisi tarah ki chhot lagi hai to cycling aapke liye better option hoga. Isme aapko kam lagti hai. Running mai jitni power ki jarurat lagti hai, wo chhot lagne par lana mumkin nahi hai.
 

You May Also Like:- Walking Benefits in Hindi – Acche Swasth Ke Liye Roj Chale

 

Running for Weight Loss in Hindi: Vajan Kam Karne Ke liye Doude

Running kisi bhi umra ka vyakti kar sakta hai. Ise karne se sharir ki acchi kasrat ho jati hai. Lekin yadi aapki umra adhik hai aur aapko dil ya fir jodo ki bimari hai to doudne se pehle doctor ki salah le. Jab aap doudte hai to aapke sharir ki pratyek manspeshiya hissa leti hai, aur majbut banti hai. Running karne se aapke dil, phephde aur baki sare aango ka ek accha vyayam ho jata hai. Jo ki aapke sharir ke liye bahut faydemand hota hai.

Jab bhi aap doudte hai to sabse pehle aapke pair, kulho, aur pet ki manspeshiyo mai khichav aata hai. Aur mashpeshiya lachii banti hai.  Iske atirikt dil aur phephde bhi swasth rehte hai. Running karne se aapka blood circulation pure sharir mai triv gati se pravahit hota hai.

Running karne se sharir ke sari manspeshiyo mai oxygen pahuchta hai. Kam se kam 1 ghanta running karne se aap 300 se 1000 calorie ko ghata sakte hai. Lekin yeh aapke vajan aur doudne ki raftaar par nirbhar karta hai. Yadi aapne rojana doudne ko apni dincharya mai shamil kar liya hai to isse aapka vajan hi nahi balki aapki shamata ko badhne mai bhi sahayata milti hai. Isliye roj subah ki running ko apni dincharya ka hissa jarur bana le. Kyuki har nai subah aapke jeevan main naye rang lati hai. Aur vyayam mai bhi yahi bat lagu hoti hai.

Bade bade shehro mai aapko park, samudri tat ya acche running track aasani se mil jate hai. Jo aapki running aur bhi romanchit kar dete hai. Dhyaan rakhe ki yadi aap running ke liye ja rahe hai to acche aur aaramdayak juto ka istemal kare. Taki aapko kamar dard ya pairo mai dard jaisi pareshaniyo ka samna na karna pade.  Yadi jute aapko acche se nahi aate hai to aapke pairo mai fafole ho jate hai.

Yaha acche jute se hamara tatparya yeh nahi hai ki aapki jute naye ya branded ho. Bus aapke juti ko soul acchi hona chahiye, tatha uska pad naram ho sath hi paseena sokhne wala ho. Yadi aap wakai vajan kam karna chahte hai to running karne se pehle thoda warm up kar le. Jisse aapke sharir mai manspeshiya sakriya ho jaye. Jab aap doud lagane ke liye taiyar ho jate tab aedi ko sabse pehle jameen par rakhe uske bad panjo ko jameen se chhuye.

Samatal jameen par running kare, aur tab tak kare jab tak aapki saans na ful jaye. Jab aapki saans fulne lage thoda paidal walk kar le. Walk karte samay aapki saanse samanya honi chahiye. Shuruwaat  ke dino mai keval 15 minute doude. Tatha dheere dheere apna doudne ka samay badhaye.

Raftaar ki taraf jayda dhyaan na de dheere dheere aapki raftaar aur doudne ki shamata khud ba khud bad jayegi. Doudne ke bad kuch samay ka aaram le aur apni saanso ko samanya avstha mai aane de. Iske bad takhne, pindiyo, tatha jangho ki manspeshiyo ki stretching kare. Jisse aapki manspeshiyo mai jitna bhi khichav aur tanav hai wo chala jaye.
 
Cycling Vs. Running in Hindi
 

Janiye Cycling for Weight Loss in Hindi

Cycle chalane se bhi aapka vajan kam hota hai. Bachpan mai ham sabhi ne cycle chalai hai, aur isi wajah se aap us samay kaafi active rehte the. Cycle chalane se na keval aapka vajan ghtta hai balki aapke pairo ki manspeshiya bhi majbut banti hai.

Aap cycle se vyayam karte samay ghar ke kuch kaam bhi jod sakte hai jisse aapko vyayam ke liye alag se time nahi dena padega. Aur aapke ghar ke kaam bhi ho jayenge. Cycle aisa vyayam hai jise karte samay aap bore bhi nahi hote. Aajkal to cycle gym mai bhi uplabdh hai. Rojana cycle chalane se aapke pair ki twacha toned hoti hai. Rojana cycle chalane se aapko dil ki bimari ka khatra nahi hota hai.
 

You May Also Like:- Running to Lose Weight: Vajan Kam Karne Ke Liye Doude

 
Vajan ko kam karne tatha jami hui charbi se nijat pane ke liye cycling jarur karna chahiye. Mahilao ko kam se kam rojana 30 minute cycle jarur chalana chahiye. 30 se 40 saal ki mahilao ke liye cycle chalana vyayam karne ka ek accha vikalp hai. Ek shodh se pata chala hai ki mahilaye cycle chalakar apna vajan kafi kg kam kar sakti hai.  Yeh mansik aur shararik swasth mai bhi sudhar lata hai.

Kuch baccho ka vajan bahut jyada hota hai. Aese baccho ko bhi cycling karne ke liye inspire karna chahiye. Agar bacche rojana 30 minute bhi cycle chalayenge to bacche apna vajan aasani se kam kar lenge. Cycle chalane ke aur bhi fayde hai aaiye jante hai wo kya hai?
 

  1. Yadi aap thodi der bhi cycle chalaenge to aapko dil se judi bimari hone ka khatra kam ho jata hai. Isse dhadkne tej ho jati hai, aur blood circulation behtar banta hai.
  2. Pratidin cycle chalane se pairo ka accha vyayam ho jata hai. Pairo ki maspeshiya bhi majbut hoti hai.
  3. Rojana cycle chalane se aapka vajan niyantrit rehta hai. Ye sharir ki atirikt charbi ko kam karne mai madad karti hai hai. Cycling ek acchi Weight Loss Exercises hai.
  4. Niyamit cycle chalane se aapka immune system majbut hota hai. Aur sharir ki rog pratirodhak shamata ko badata hai.
  5. Jo log roj cycle chalate hai un logo mai avsaad ki stithi bahut kam dekhi gai hai. Cycle tanav se rahat dilane mai bhi madad karta hai.
  6. Yadi aapke ghutno mai dard hai to cycle aapke liye bahut accha vyayam hai. Tatha ise roj chalane se ghutno ka dard nahi hota aur ghutne aaram se mud jate hai.
  7. Jab aap cycle ko chalate hai ya cycle chalane bahar hawa mai jate hai, to aapke phephdo ko taji hawa milti hai. Isse phephdo ke kaam kare ki shakti badti hai.
  8. Kai shodo ke mutabik ye sabit ho chuka hai ki niyam se cycle chalane se sharir mai calorie aur fat kam hota hai. Jisse aapka sharir sudhol hota hai aur aapka vajan nahi badhta hai.

 
Upar aapne jana Cycling Vs. Running for Weight Loss ke bare mai. Yadi aap bhi unhealthy lifestyle ke chalte bahut jyada overweigh ho gaye hai to vajan ko kam karne ke liye doudna aur cycle chalana shuru kar de.