Face Pack Tips in Hindi: Twacha Ko Sundar Banane Ke Tarike
Aaj ke wakt mai har koi sundar dikhna chahte hai. Aur sundar dikhne ke liye twacha ka saaf aur chamakdar hona behad jaruri hai. Twacha ko chamakdar rakhne ke liye aajkal kai tarah ke beauty treatment bhi upladdha hai. lekin iss tarah ke treatments kaafi kharchile hote hai. Isliye gharelu chizo ka istemal karna aapke liye faydemand hoga. Gharelu chizo ke istemal ka yeh fayda hai ki ye aasani se aapko apne rasoi mai hi mil jati hai. Jisse ki aapko paise nahi kharch karna padta hai. Aur dusra fayda yeh hai ki inme kisi tarah ka rasayan bhi nahi hota hai jisse ki hamari skin ko koi bhi nuksan nahi pahuchta hai.
Ab aapke man mai yahi sawal uth raha hoga ki hum aapko ghanto samay barbad karne wale tariko ke bare mai bataenge. To aapko ghabrane ki jarurat nahi hai hum aapko bata de ki sirf chand minute chehre par face pack lagakar bhi aap nikhri twacha paa sakte hai. To aaiye jante hai Face Pack Tips in Hindi.
Twacha Ke Anurup Ho Face Pack
Har kisi ki twacha ek si nahi hoti. Isliye hum yaha aapki twacha ke anurup face pack ke baare mai bata rahe hai.
Teliya Twacha Ke liye Face Pack
Haldi
Chehre ki sundarta nikharne ke liye haldi ka istemal prachin samay se kiya jaa raha hai. Haldi se bana pack lagane ke liye aap aata ya chandan kisi ka bhi istemal kar sakti hai.
Haldi aur aata: Haldi ko besan ke aate ke sath milaye. Isme kuch bund shahad ke dale. Fir iss paste ko chehre par laga le. Iss paste ko lagane se pehle apne chehre ko mild soap se dho le. Fir iss paste ko 10 minute ke liye apne chehre par laga kar rakhe aur fir garam pani se dho le. Iss haldi pack ko lagane se sun tanning bhi gayab ho jati hai.
Haldi aur Chandan: Ek katore mai haldi, chandan aur kuch bund dudh ki milakar paste bana le. Iss paste ko chehre par lagaye. 2 se 3 minute ke liye massage kare. Paste ko 10 minute ke liye chehre par laga rehne de fir thande pani se dho le.
Tomato
Tamatar ka juice nikaliye fir use 1/3 cup aate mai acchi tarah milaye. Ise face par lagakar 10 minute tak rahne de. Halke gungune pani se dho le.
Teliya Twacha Ke liye Nirdesh: Aapke face ko pehle gungune pani se fir thande pani se dhoye. Jab aap gungune pani se chehra dhote hai to skin ke pores khul jate hai. Jisse isme moujud sara oil saaf ho jata hai. iske bad aapke skin ke pores ka band hona jaruri hai. Jisse ki dust andar naa ja sake. Iske liye baad mai thande pani se chehra dhona jaruri hai.
Rukhi Twacha Ke Liye Face Pack
Papita
Freeze se thanda papita(Papaya) le. Fir uska ek tukda katkar usme se bij aur guda alag kar de. Kyoki iske gude ka yaha koi istemal nahi hai. Chehre par sirf papite ki chamdi hi prayog mai lai jati hai. Chamdi ke bhitari bhag ko apne chehre par male.
Dhayan rahe ki aapka chehra saaf hona chahiye. Lagane ke baad ise 15-20 minute tak chod de aur gungune pani se saaf kar le. Aap iss face pack ka prayog hafte mai 2 baar kar sakti hai.
Avocado
Dahi, avocado aur shahad ko mix karke chehre par lagaye. Isse twacha mai nikhar aata hai. Iss pack ko 20 minute tak laga rehne de. Iske baad halke gungune pani se dho le.
Dahi mai lactic acid hota hai jo twacha ki chamak barkarar rakhne wale cologn ka utpadan karta hai. Avocado mai essential fatty acid hota hai. Jo twacha ko majbut, naram aur adhik lachila banane mai madad karta hai.
You may also like:- Dry Skin Care Tips in Hindi, Rukhi Twacha Se Nijaat Pana Huya Aasan
Daliye Aur Shahad
1 chammach shahad aur 1 chammach olive oil ko milaye aur alag se rakhe. Ab ek packet sada daliya pakaye. Gadha paste banana ke liye kam pani dale. Ab milakar rakhe gaye shahad aur olive oil ke mishran ko daliye mai millaye. Ab iss mishran ko aankho ke alawa sare chehre par dhire dhire lagaye. Iske baad garam pani se chehra dho le. Yeh face pack aap hafte mai do bar prayog mai laa sakti hai.
Rukhi Twacha Ke liye Nirdesh: Apne face ko gungune pani se dhoye. Ise garam ya thande pani se na dhoye. Jitna ho sake face pack me pani ke bajay gulab jal ka istemal kare. Mask ko clean karne ke liye sabu ka istemal na kare.
Wrinkle Skin Ke Liye Face Pack
Almond
4 se 5 badam lijiye. Isse acche se pis lijiye. Lekin aapko isme pani add nahi karna hai. Ab iss paste mai ek chammach shahad aur ek chammach egg white dale. Ise face par laga kar 15 minute mai dho dale.
Onion
Onion twacha ki zhuriyo ko hatane ke liye bahut karagar hai. Ek spoon pyaj ka ras lijiye aur usme aadha chammach pani dale. Ise face par lagakar sukhne tak ka wait kare fir pani se dho le. Fir acche kapde se saaf kar le.
Aap Yeh Bhi Pad Sakte Hai:- Home Remedies for Pimples
Aankho Ke liye Lap
Aapne face ke liye to care kar li lekin agar aapki aankhe thaki huyi dikhegi to aapka facepack lagane ka bhi koi fayda nahi hoga. Isliye aankho ko bhi lap ki jaurat hai. Apna chehra acchi tarah dhoye aur ek cup green tea banaye. Chay ko thandi hone de. Fir isme do gol makeup spung dubaye. Atirikat chay ko spang dabakar nikal le. Apni aankho par roj 15 minute tak iss spanj ko rakhe.
