Subscribe Whatsapp

Gharelu Nuskhe Ki Madad Se Kare Indigestion Treatment

Indigestion (Dyspepsia) ek bahut hi aam samasya hai lekin ye choti se samasya humare pure din ko ast-vyast kar deti hai. Halaki iss pareshani se nijat pane ke liye kai dawai aur churna mojud hai lekin kuch gharelu nuskhe bhi isse chutkara dilane me karagar sabit hue hai.

Indigestion ke doran pet me marod aur ubaal uthane lagte hai, inse rahat pane ke liye ek gilas paani piye. Samay par iss samasya ka upchaar karna bahut jaruri hai kyuki aage chal kar yeh hemorrhoids ka karan ban sakti hai. To aaiye jante hai Indigestion Treatment aur apne sharir ko banate hai healthy.

Indigestion Treatment: Apnaiye Gharelu Nuskhe aur Rahiye Swasth

1) Kitchen me Mojud Food Ingredients

Humari rasoi me kai aise food ingredient hote hai jinka istemaal hum masalo ke roop me karte hai. Ye kewal khane ke swad ko hi nahi badate, balki Indigestion ki samasya se bhi chutkara dilate hai. Vyanjano me ajwain, ani seed, dhania, jeera, kali mirch aur hing jese padartho ka upyog kare.

You may also like: Home Remedies for Stomach Pain (Pet Dard) in Hindi

Hari mirch, adarak, nimbu, dhania aur pudine ko dalkar banai gai chatni pachan me bahut laabhdayak rehti hai. Pet ki kharabi se nijaat pane ke liye adrak ke tukde par nimbu nichod kar uss par thoda kala namak dalkar khaye.

2) Dhania

Thanda hone ke karan dhania Dyspepsia ki samasya me bahut prabhavi hota hai. Indigestion se rahat pane ke liye aap aadhe gilaas buttermilk me bhune hue dhanie ke beejo ko dalkar din me 2 baar piye. Iske alawa aap ilaichi, laung, sonth aur dhaniye ke beejo ko piskar ek powder tayar kar sakte hai.

3) Herbal Chai

Aksar kuch logo ko khane ke baad chai pine ki aadat hoti hai. Agar aap bhi chai ke shokin hai to apna rukh herbal tea ki aur le chale. Iske liye ek cup garam pani me 5 minute ke liye pasandisa herbal tea ko dale tatha isse thanda hone se phele pi le. Khane ke baad, pudine ya chamomile wali herbal chai ke sevan se aapke pet ko thodi se rahat milegi. Herbal Tea pijiye aur Indigestion Treatment kijiye.

Indigestion Treatment

4) Shahad aur Nimbu

Agar Indigestion aapke liye ek dainik samasya ban gayi hai to roz subah ek gilaas garam pani me ek spoon Shahad aur ek nimbu ko nichod kar piye.

5) Aloevera

Anya jadi butiyo ki tarah aloevera ko bhi indigestion se chutkara pane ke liye ajmaya gaya hai. Indigestion ke doran din me 2 baar 10 se 20 ml taaze aloevera gel ko piye. Dibbe me milne wale aloevera juice ka sevan na kare kyuki isme citric acid dala jata hai jo aapki pida ko bada sakta hai.

6) Saunf (Aniseed)

Saunf humesha pachan kriya ko sudharne me faydemand rahi hai. Apne pet ko shant rakhne ke liye khane ke baad thodi si saunf apne muh me dale aur isse acchi tarah chabakar khae. Ye bhi ek aasan tarika hai Indigestion Treatment ka.

7) Apple

Apple ke chilke me bharpur matra me fibre paya jata hai. Fibre se bharpur phal indigestion se rahat pane me sahayak saabit hota hai. Sabse main point apni diet me phalo ko khana shamil kar lijiye, din me kam se kam 2 phal ka sevan kare aur dur ho jaiye in sab bimariyo se.

Aaj aapne jaane aasan gharelu nuskhe apni pachan shakti ko thik rakhne ke liye. To aaj se hi iss treatment ko apnaiye aur rakhiye apna jivan swasth.

Get more details about Indigestion from Home Remedies.