Subscribe Whatsapp

Love Marriage in Hindi – Prem Vivah Accha Ya Bura?

Jab do prem karne wale vyakti ek dusre se shadi karte hai to ise prem vivah kaha jata hai. Iss vivah ka aadhar hi prem hota hai kyonki premi jode ek dusre ke prem mai pad kar shadi ka nirnay karte hai. Wese to prem kabhi bhi kisi se bhi ho sakta hai.

Yeh rit to purane jamane se chali aa rahi hai lekin aajkal prem vivah ka jyada chalan ho gaya hai kyonki bacche padhne tatha job karne ke liye ghar se jyadatar bahar rehte hai. Issi douran unhe kisi na kisi ke prati aakarshan ho hi jata hai.

Aur wo ek dusre ke prem mai itna kho jate hai ki we apne premi ke sath hi apni puri jindagi bitana chahte hai. Tatha we ek dusre se hi shadi karne ka faisla kar lete hai. Parantu vivah chahe prem vivah ho arrange, isme utar chadav aate hi aur har vivah ke fayde tatha nuksaan bhi hote hai. Iske bare mai jyada jankari ke liye padhe Love Marriage in Hindi.
 

Love Marriage in Hindi: Janiye Inke Fayde aur Nuksan

 
Love Marriage in Hindi
 

Love Marriage Advantages in Hindi: Prem Vivah Ke Fayde

Jab vyakti love marriage karta hai to uss vyakti se vivah karta hai jisse wo bahut pyar karta hai. Wese to kaha jata hai ki jodiya aasmano mai banti hai lekin prem vivah mai Jodi dono premi jode apne aap banate hai. Aaiye jante hai iske bare mai vistar se:-

  • Prem vivah karne wale vyakti ek dusre ko pehle se jante hai to unhe ek dusre ko samajhne mai pareshani nahi aati hai.
  • Iss vivah mai bandhne wale jode ek dusre ki pasand na pasand acche se samajhte hai to unke bich ladai hone sambhavna kam hoti hai.
  • Prem vivah karne par hamare desh mai jati pratha puri tarah se khatam ho jayegi aur sabhi ek dusre ko saman rup dekhenge.
  • Mata pita ko dahej ki chinta nahi karni padegi aur dahej ke paise ko mata pita beti ki shiksha aur career par kharach kar sakenge.
  • Dahej na lene par padhe likhe ladko ko padhi likhi ladkiya mil jayegi jisse hamara desh mai sakshar vyakti ki sankhya badhegi.
  • Pati patni ki soch ek dusre ke barabar hone se dono ke bich samjhote ki bat kam dekhne ko milegi. Inka rishta bhi majboot rehta hai.
  • Shadi karne walo jode pehle se ek dusre ko jante pehchante hai to ek dusre ke sath rehne mai jyada pareshani nahi aayegi.
  • Iss tarah ke vivah mai mahilao ka shoshan kam hota hai tatha gharelu hinsa jaise case hone kam ho jayege.
  • Prem vivah mai soch ek jaisi hone par faisle lene par dono ka mat ek jaisa rahega. Aur koi bhi bada faisla dono ki ray mai liya ja sakta hai.
  • Yadi aapko koi bat pareshan kar rahi hai to aasani se wo bat aapne sathi ke sath baant sakte hai aur dono ke bich mai kisi prakar ki koi hichak nahi hoti hai.
  • Prem vivah ke jariye aap aesa sathi chun sakte hai jisse aap samajhte hai aur jo aapki bhavnao ki kadra karta hai.

 

Drawbacks of Love Marriages – Jane Iske Dushparinaam

  • Kai baar to ek dusre ke prati asuraksha ki bhavna mehsus karne lagte hai.
  • Baccho ka bade bujrgo ka prarivarik pyar tatha surksha se vanchit reh jate hai.
  • Ladka tatha ladki dono ke parivaro mai tanav paida hota hai aur jhagde hone lagte hai.
  • Dono jode ek dusre ke samantar hote hai jis wajah se unn dono ke bich aham takrane lagta hai.
  • Kai bar prem vivah hone ke baad aesi samasya aa jati hai jisse unn dono ne kabhi socha bhi nahi hoga.
  • Kai baar iss rishte ko parivaar ki manjuri nahi mil pati hai jisse unn logo ke bich mai samasya hone lag jati hai.
  • Aajkal prem vivah ki sankhya bad rahi aur aesa bhi dekha ja raha hai ki unhi logo ke bich mai Love Marriage Divorce ki sankhya bad rahi hai.
  • Parivaar ka sahyog na milne se purani paramparao ko nahi jan pate jisse hamari darohar aur parmparaye khoti ja rahi hai.
  • Prem vivah mai chal rahi jindagi yadi sochi gai stithi se nahi gujarti hai to unke man mai aatmahatya ka bhav paida hone lag jata hai.

 
Upar aapne dekha Love Marriage in Hindi. Isme aapne iske faydo aur nuksan dono ko jaan liya hai. Yadi aap kisi se prem karte hai aur vivah karne ka soch rahe hai to pehle upar ke binduo par acche se gaur kare le.