Subscribe Whatsapp

Rose Water Benefits in Hindi: Jane Gulab Jal Ke Bemisal Fayde

Gulab ko khubsurati ka pratik mana jata hai. Yeh dikhane mai jitna khubsurat hota hai utna hi twacha aur sharir ke liye faydemand bhi hota hai. Gulab se bane gulab jal ke bhi bahut labh hai.

Gulab jal ka prayog twacha ko nikharne ke liye kiya jata hai. Gulab jal ke prayog se chehre par nikhar aur lalima aati hai. Yaha tak ki muhaso ko dur karne ke liye bhi gulab jal bahut faydemand hai. Yeh dhoop se jhulsi hui twacha se kalapan dur karne mai madad karta hai.

Purush iska prayog hajamat banane(shaving) ke baad hone wali jalan ko kam karne ke liye kar sakte hai. Gulab jal ke kai fayde hai. Yaha iss lekh mai janiye Gulab Jal Ke Fayde yane Rose Water Benefits in Hindi.
 

Rose Water Benefits in Hindi: Jane Iske Sondarya Labh

 
Rose Water Benefits in Hindi
 

Twacha Ke Liye Faydemand

Gulab jal har tarah ki twacha ke liye faydemand hai. Stri ho ya purush dono hi iska istemal kar sakte hai. Isme antioxidant gun paye jate hai jo ki twacha ko bacteria ke infection se bachate hai. Niche dekhe Gulab Jal for Face aur jane yeh twacha ke liye kiss tarah se faydemand hai?

  1. Iska niyamit prayog se twacha ki jhuriya kam hoti hai.
  2. Yadi aapki twacha jal gayi hai to thande pani ki jagah iska istemal kare, isse ghav mai aaram milega aur ghav jaldi bhar jayega.
  3. Jyada bahar ghumne ke karan twacha par dhul jam jati hai aur twacha kali dikhai deti hai. Yeh twacha ko saf karne ke liye accha vikalp hai. Isse twacha ke rome chhidra mai jami dhul nikal jati hai aur twacha mai chamak aa jati hai.
  4. Twacha ke kale dhabbe aur pimples ko hatane ke liye gulab jal bahut hi faydemand hota hai. Ise lagane ke liye rojana ek cotton ke kapde ya rui ko gulab ke jal se bhigo de fir twacha par lagaye. Isse twacha dhire dhire saaf hone lagti hai.

 

Balo Ke Liye

Twacha ke sath sath gulab jal ka prayog balo ki dekhbhal ke liye bhi kiya jata hai. Yeh balo ke liye kis tarah se faydemand hai iske liye Rose Water for Hair mai jane isse hone wale fayde.

  1. Gulab jal se rojana sar ki malish karne se balo ki growth badhti hai. Iske sath hi yeh sar ki kai samasyao se chutkara dilane mai sahayak hota hai.
  2. Gulab jal ek behatar conditioner bhi hai. Yadi aap apne baalo ka rukhapan dur karna chahte hai to iske pani ko shampoo mai milkar usse baal dhoye. Isse aapke baalo mai chamak bhi aayegi.
  3. Iske sath hi iska prayog rusi ko dur karne mai bhi kiya jata hai. Iske liye methi ke beejo ko piskar usme gulab jal milaye aur use apne balo par laga le. 20 se 30 minute tak rakhne ke pashchat gungune pani se dho le. Aesa karne se baal resham ki tarah mulayam bante hai.

 

You May Also Like:- Dalchini Benefits in Hindi: Jane Cinnamon Se Milne Wale Labh

 

Ankho Ke Liye Faydemand

Aajkal ki jivanshelly mai logo ko kai ghanto tak computer ke samne baithna padta hai. Jisse unki aankhe bahut jyada thak jati hai. Aese mai gulab jal aankho ko thandak dene aur aaram dene ke liye faydemand hai. Ankho ke liye iske aur fayde janne ke liye aaiye padhe Gulab Jal for Eyes.

  1. Gulab jal ka prayog aankho ke liye drop ki tarah kiya jata hai. Jyada kam karne ya fir dhul ki wajeh se yadi aankhe laal ho gayi ho aur jalan kar rahi hai to iski 2-3 bunde aankho mai dal de aur 10 minute tak rakhe. Isse aankho mai thandak pahuchegi aur aaram milega.
  2. Iska prayog aankho ke niche pade kale dhabbe(dark circle) ko dur karne mai bhi kiya jata hai. Iske sath-sath yeh mrit koshikao ko hatane ka bhi kaam karta hai.
  3. Yadi kisi wajeh se aapki aankhe suj gayi hai to iska prayog karne se jald hi aaram milta hai.

 

Anya Fayde Inhe Bhi Jane

  1. Gulab jal ka prayog sukhe hontho mai nami lane mai kiya jata hai. Iske liye chukandar ko pis le aur 2 bunde gulab jal ki milaye aur hontho par laga le. Isse hontho ka rang gulabi hota hai aur chamak bhi aati hai.
  2. Isme paye jane wale antioxidant gun twacha ki umra ko badhane se rokane aur use prakratik chamak dene ke liye faydemand hote hai.

Aaj aapne jana Rose Water Benefits in Hindi. Yadi aap bhi apni twacha aur baalo aadi mai chamak lana chahte hai to aaj se hi iska istemal kare.