Subscribe Whatsapp

Salt Benefits in Hindi: Janiye Namak Ke Anginat Fayde

Namak yane ki salt iske bare mai to ham sabhi jante hai. Aapne koi khane ki dish kitni hi mehnat se kyo naa banai ho yadi aap usme namak naa dale to aapki puri mehnat barbad ho jayegi. Chahe fir wo aapki pasandida pani puri ho ya ghar ki sadharan sabji, aapke khane ke swad ko purn karne ke liye namak ki jarurar to padhti hai.

Ham sabhi namak ke keval sadharan upyog ke bare mai jante hai. lekin namak ke khane ke swad ko badhane ke alawa aur bhi kai fayde hai. Yeh aapke sondarya ko badhane mai upyogi hai. Iske atiritk ghar ke saaf safai wale kamo mai bhi namak bahut karagar hai.

Sadhran namak ki baat kare to yeh sodium chloride hai. Jiska crystal pardarshak hota hai. Suddha namak rangeen hota hai. Sharir mai iodine ki purti karne ke liye bhi namak ka sevan jaruri hai. Iodine sharir aur mastiksh dono ko sahi vrdhhi, vikas aur sanchalan ke liye aavyashak hai. Yaha tak ki hamare sharir ki mahatvapurn kriyae bhi aayodin par nirbhar hai.

Kuch log yeh kehte hai ki namak sehat ke liye nuksandayak hota hai. lekin yadi namak ko santulit matra mai liya jaye to isse sharir ko kai tarah ke fayde milte hai. Yeh kai tarah ki bimariyo se hamara bachav karta hai. Aaiye jane Salt Benefits in Hindi.
 

Salt Benefits in Hindi: Sehat aur Sondarya mai Faydemand Namak

 
Salt Benefits in Hindi
 

Daanto Ko Chamkaye

Shayad aap iss baat se parichit naa ho isliye ham aapko batana chahte hai ki namak daanto ke liye bhi faydemand hai. Yeh daanto ke daag ko halka karne mai madad karta hai aur daanto ko chamakdar banata hai.  Darahsal isme floride hota hai jo aapke daanto aur masudo ke liye accha mana jata hai. Ek chammach baking soda mai ek chammach namak milakar paste bana le aur isse brush kar le. Aapke daant chamakne lagenege.
 

Ghaavo Ko Bhare

Namak mai jivanurodhi gun paye jate hai. Isliye ise ghavo ke upchar mai bhi istemal kiya jata hai. Yeh such hai ki yadi aap ise apne ghav par lagayenge to aapko chubhan mehsus hogi. Isliye hi ise taje ghav par nahi lagana chahiye. Lekin khoon rook jane par ise gahv par lagane par ghav saaf ho jata hai aur jaldi theek bhi ho jata hai.
 

You may also like:- Black Salt Benefits: Kala Namak se Nikhare Khubsoorti

 

Twacha Ke Liye Faydemand

Twacha ke liye bhi namak labhprad hai. Namak gandagi aur vishakt padhartho ko avsoshit kar twacha ke chhidro ko gehrai tak saaf karta hai. Isme moujud mineral twacha ki raksha karte hai aur nami dete hai. Ek cup namak mai aap kuch bunde nariyal aur badam ke tel ki milaiye. Fir iss mishran ko nahate wakt ubtan ki tarah istemal kijiye, aap kaafi fresh feel karenge.

Iske atrikt twacha se mirt koshikaye hatane ke liye bhi namak ka upyog kar sakte hai. Iske liye aapko jyada kuch nahi karna hai bus thode se namak mai jaitun ka tel milaiye fir iss mishran se twacha par massage kijiye. Aapki twacha se dead cells hat jayenge.

Jin logo ki twacha teliya hoti hai unke liye bhi yeh faydemand hai. Yeh twacha ke tel ko santulit karta hai. Ek bhag namak ko teen bhag gungune pani mai ghole. Fir isme teen chammach suddha shahad milaye. Chehre ko dhire dhire lagakar 15 minute ke baad gungune pani se dho le.
 

Gale Ki Kharash Se Rahat

Namak ke pani se garare karne par gale ki kharash se rahat milti hai. Yeh ek accha mouthwash hai. Jab bhi aapka gala dard ho aur usme cough ho jaye to ek bartan mai pani garam kare. Pani ko ubalate wakt usme adrak bhi mila de. Fir iss pani mai ek chammach namak milakar usse din mai do bar bar garara kare. Aapke gale ka cough theek ho jayega aur dard se bhi rahat milegi.
 

Mineral se Bharpur

Namak mai sodium, potassium,  calcium, magnesium jaise kai jaruri minerals moujud hote hai. Yeh minerals twacha ke liye bahut jaruri hote hai. Darahsal minerals mai asuntalan hone ke karan twacha mai rukhapan, muhanse, jalan hona aadi samasyae ho sakti hai.
 

Baalo Ke Liye

Bahut si ladkiyo ko apne baal color karna pasand aata hai. Baalo ko curl karne ke liye aap namak ke sprey ke sprey ka istemal kar sakte hai. lagbhag 250 mililter pani mai ek chammach namak milaye. Ab ise sprey ki botal mai bhar de aur aadha chammach nariyal tel bhi mila de. Acche se milkar baalo par sprey kare.
 

Behtarin Deodorant

Namak ke crystal wale deodorant bhi hote hai. Yeh prakratik khadya dukano mai uplabddha hote hai. Namak jivanuo ka khatam karte hai aur jivanu ki badbu ke karak hote hai.
 

You may also like:- Salt Scrub Benefits: Nikhariye Apni Twacha Namak Se

 

Anya Fayde Inhe Bhi Jane:-

  1. Tazi sabjiyo ko namak ke pani mai dhone se iske kide mar jate hai. Wahi chaval mai yadi pisa namak daal diya jaye to usme kide nahi lagte hai.
  2. Ghar mai namak ke pani ka pochha lagane se ghar har tarah se suddha hota hai. Darahsal namak hanikarak chizo ko nasht karta hai aur fufundi nahi lagne deta hai.
  3. Bath tub ko namak ki madad se saaf karne par usme jame dhabbe to dur hote hi hai sath hi usme moujud backteria bhi mar jate hai. Iske atirikt freeze saaf karne ke liye bhi namak ka prayog kiya jata hai.
  4. Vastu dosh ko mitane ke liye bhi namak ka istemal kiya jata hai. Man mai khinnata, bhay, chinta aadi ho to dono hatho mai sabut namak bhar kar kuch der rakh de. Fir washbesing mai dalkar pani se baha de. Namak ko idhar udhar naa feke.

 
Kya aap jante hai namak ke bhi kai parkar hote hai. Sendha namak aur kala namak ke bare mai to aap jante hi hai. Par iske alawa aur bhi kai tarah ke namak hai. Aaiye jante hai unke prakaro ke bare mai:-

Rock Salt: Icecream ham sabne khayi hai aur ham sabhi pasand karte hai. Par kya aap jante hai icecream banane mai rock salt ka istemal kiya jata hai. Yeh namak icecream ke shape ko banaye rakhne mai madad karta hai aur use pighalne nahi deta hai.
 
Kosher Salt: Yeh khana pakane mai istemal kiya jane wala nakam hai. Yeh khane mai bahut jaldi ghul jata hai isliye resturant ke shef ki yeh khasi pasand hai. Roasted items mai to iska accha khasa prayog kiya jata hai. Iski khasiyat yeh hai ki ise banane mai kisi tarah ka chemicals ka istemal nahi kiya jata hai. Yeh swad mai ekdum perfect aur muh mai aasani se ghulne wala hota hai.
 
Cyprus Salt: Cyprus salt ka swad halka meetha hota hai. Isliye ise mithe namak ke naam se jana jata hai. Yeh piramidnuma aakar ke crystal ke roop mai paya jata hai. Iska upyog beakry products mai kiya jata hai. Iske atrikt garnishing ke liye bhi iska istemal kiya jata hai. Kai hotels mai to aajkal yeh namak sabjiyo ke flavor mai bhi dekhne ko mil raha hai.

Aapne sadharan namak ke bare mai jaan liya. Lekin yadi aapko uccha raktchaap ki samasya ho to sadhran ki jagah sendha namak ka istemal kare. Sendha namak mai kai sare prakratik khanij paye jate hai. Isliye yeh sharir ko kai tarah ki bimariyo se bachane mai madadgar hai. Yeh sharir ki koshikao ke dwara acche se pach jata hai. To aaiye jane Epsom Salt ke bhi fayde:-
 
Namak Ke Fayde
 

    • Mansik tanav ko kam karne ke liye sendha namak ka sevan bahut jaruri hai. Darahsal yeh tanav ka samna karne wale harmones ka seratonin aur melatonin ko sharir mai banaye rakhta hai. Iska niyamit sevan karne se nind bhi acchi aati hai.
    • Sendha namak ko yadi pani ke sath liya jaye to cholestrol kam hota hai. Isse high blood pressure bhi niyantrit rehta hai. Yeh dil ke doure ko rokne mai bhi madad karta hai. Isse aniyamit dil ki dhadkane rehti hai. Isliye dil ki sehat ke liye yeh bahut hi faydemand hai.
    • Sendha namak ko chehre par halke hatho se ragadne par chehre se daag dhabbe dur hote hai. Sath hi isse chehre par chamak lane mai bhi madad milti hai. Aap body scrub mai bhi iska istemal kar sakte hai. Cleanser namak ke kan aapke rom chhidro ko andar tak saaf karta hai. Jo sabun nahi kar sakta. Isse aapki twacha ko andar se saas lene ka mouka milta hai.

 
Upar aapne jana Salt Benefits in Hindi. Hamare jivan ke liye namak atyant mahatvpurn hai. Iske hajaro prayog hai. Ham ummed karte hai ki aapko upar diye iske labho ko jankar accha laga hoga.