Subscribe Whatsapp

Tea Leaves Benefits in Hindi: Chai Patti Ke Sehatmand Fayde

Aapne aaj tak chai patti ka upyog keval chai banane mai kiya hoga, jisse aapki subah ki nind ud sake. Lekin kya aap jante hai ki chai patti aapke sharir ko aur bhi kai fayde deti hai. Bahut se logo ko iss bare mai jankari nahi hoti hai, lekin chaipatti se chai banane ke alawa aap aur bhi kai labh prapt kar sakte hai.

Chai patti ko alag alag tarah se istemal karke aap kai tarah ke health benefits utha sakte hai. American Dietetic Association ke anusar yeh aapko cancer tatha hriday se judi bimariyo se nijat dilane mai bhi sahayak hai. Aaiye jante hai aur bhi kai Tea Leaves Benefits in Hindi.
 

Tea Leaves Benefits in Hindi: Faydo Se Bharpur Chai Patti

 
Tea Leaves Benefits in Hindi: Chai Patti Ke Sehatmand Fayde
 

Rukhe Baalo Ke Liye Behtarin Conditioner

Yadi aapke baal bahut rukhe hai to aapko iski conditioning karne ki jarurat hoti hai. Yadi aap bahar ke conditioner ka istemal nahi karna chahte hai to ham aapko bata de ki aap chai patti ki madad se bhi aap apne baalo ko condition kar sakte hai.

Iske liye aapko 2 glass garam pani mai kam se kam 4-5 tea bags dalne hai aur ise thanda hone tak chod dena hai. Ab aap shampoo karle aur iss pani ko sir par lagaye. Aapke baal mulayam to honge hi sath hi isme chamak bhi aa jayegi.
 

Dil Ki Sehat Ke Liye

Green tea mai paye jane wali leaf, bure cholesterol ko khatam karti hai, jisse dil se judi bimariyo ko samasya khatam hoti hai. European dwara kiye gaye kuch addhyano mai paya gaya ki jo log niyamit hari chai pite hai unme dil se judi bimariya hone ki sambhavna kam hoti hai.

Dil ki bimari hone ke piche ka ek karan sujan (Inflammation) bhi hai. Lekin hari chai mai moujud polyphonols inflammation ko kam karte hai sath hi khoon ke thakke banne se bhi rokte hai.
 

Antioxidant Se Bharpur

Green tea leaves ko aap kisi bhi tarah se le, jause capsules ki tarah, ubal kar, iske har roop se aapko bharpur matra mai antioxidant milega. Hari chai mai catechins bharpur matra mai paya jata hai, jo ki ek tarah ka antioxidant hai.

Kuch kiye gaye shodh ke anusar catechins mai damage cells ko repair karne ki kshamta hoti hai jo ki vitamin c aur vitamin e se kai guna jyada hoti hai. Yadi aap green tea lete hai to rogo ke vikas ka jokhim kam ho jata hai. Aap green tea ke aur bhi kai fayde iss link ki madad se dekh sakte hai.
 

Baalo Ko Accha Rang De

Yadi aap apne baalo ko rangne ke liye usme hari mehndi lagate hai to ab se usme chai ki patti dalna shuru kar de. 3 cup chai ki patti ko 2 glass pani mai dalkar ubalae. Aadha hone tak rehne de. Jaise hi pani aadha ho jaye pani ko chhan kar chai patti alag kar le.

Ab iss pani mai mehndi galakar raat bhar rehne de. Agle din ise laga le, aake baalo mai bahut accha color aayega.
 

Anya Fayde Inhe Bhi Janiye:-

  1. Hari chai mai yadi aap dalchini aur nimbu ka ras milakar peete hai to isse aapko kabj ki samasya se rahat milti hai.
  2. Chai patti aur pudina mai pani dalkar chai bana le, iss pani ko mouth wash ki tarah istemal kare. Muh ki durgandh dur karne mai yeh faydemand hai.
  3. Yadi aap din bhar computer par kaam karte hai to raat ko aankhe dard karne lagti hai. Aese mai gungune pani mai 2 tea bags bhigoye fir ise aankho par rakhe. Kuch der rakhne ke bad hata de isse aapki aankho ko aaram milega.
  4. Tea Leaves Benefits for Skin bhi hai. Ise aap chini mai milakar scrub ki tarah bhi istemal kar sakte hai.
  5. 1 cup mai thanda pani le aur usme 1 tea bag bhigokar rakh de. Fir iss pani ko daant dard wali jagah par lagaye. Daanto mai hone wale dard se aapko chhutkara mil jayega.

 

Ek Najar mai Fayde Dekhiye:-

 

Kabj Se Rahat  Gas Se Nijat
Pet Dard Se Nijat  Pet mai Jalan
Kide Ke Katne Par  Kale Ghere Se Nijat
Muhaso Ke Liye  Behtarin Skin Toner
Vajan Ghataye   Swasth Baal

Upar aapne jana Tea Leaves Benefits in Hindi. Aap bhi chai patti ke istemal se uprokt labh prapt kar sakte hai. lekin yadi aap garbhavati hai ya aapko uccha raktchaap ki samasya hai to chai patti ka jyada istemal aapke liye accha nahi hai.
 

Sath hi kidney ya liver mai koi samasya hone par bhi iska jyada sevan nahi karna chahiye. Kyonki caffeine ka bahut jyada istemal aapke sharir ko nuksan pahuchata hai. Isliye yadi aap ise lete hai to ek baat ka khayal rakhe ki iska amound 300 miligram se jyada na jaye. Nahi to aapko anidra, sirdard jaisi samasya ho sakti hai.