Tomato Face Mask: Tamatar se Nikhariye Twacha ki Rangat

Tomato na keval khane mai swadist hota hai balki isse aapki skin ko bhi khusoorat ban sakte hai. Mousam ke badlav ke karan jab aapki skin bahut rukhi ho jati hai tab use nami pradaan karne ka liye tomato ek bahut accha upay hai.

Lekin dekha gaya hai ki bahut se log iske faydo ke bare mai nahi jante to chaliye aaj iss article mai hum aapko batate hai, Tomato Face Mask.

Agar aapki skin oily ho tatha jyada oil ke karan agar aapki skin kali dikhane lage.To aise mai aapko tomato ka use karna chahiye. Kyoki yeh har type ki skin ke liye bahut faydemand hota. Lekin oily skin ke liye to yeh ek asardar upay hai.

Tamatar har ghar ke kitchen mai aasani se mil jata hai. Aap ise face par bhi use kar sakte hai ya fir uske ras ko sheedhe apne chehre par bhi laga sakte hai. Jisse ki aapke face ke daag dhabbe hamesha ke liye khatam ho jate hai.

Tomato for Skin Ke Baare Mai Sahi Jankari

Vese sundar dikhne ke liye aap najane kitne paise kharach karti hai. Par shayad aap yeh nahi janti hai ki inn bazaru cream ko aapko thode din ke liye to glow pradaan karte hai lekin aage chalkar yeh aapki skin se ek natural glow ko khatam kar dete hai.

To Fir kyo apne paise ko barbaad kare saath apni skin ko bhi. Aap Tomato ka use start kar de. Isse aapki skin bahut khubsoorat aur chamakdar ho jayegi .

Saath hi aapki natural beauty bhi bani rahega aur aap iss gharelu upay se apni twacha mai kuch nayapan bhi paa sakte hai. Ye aapki skin ke liye bahut hi laabhkari sabit hota hai.

Tomato Face Pack Se Paiye Apni Asli Sundarta

Chehre ke Bade Huye Pore ko Kam Kare

Jyada bade huye pore mai gandagi aaram se jama ho jati hai, jisse chehra kharab ho jata hai. Iske liye aapko apne chehre ke pores ko kam karna chahiye. Tomato ke ras ko nimbu ke ras ke saath mix kare, usme cotton duboiye aur chehre ko pochiye. Isse pores chhote ho jayege. Jisse unme gandagi bhi nahi jamti aur aap ki skin hamesha ke liye swasth rahegi.

Muhase Hataye

Tomato mai natural tatva aur vitamin paye jate hai. Jo ki acne ko kam karte hai. Iske liye aap tomato ka juice bhi le sakte hai. Aap 1 ya 2 tamatar ko le kar uska juice bana lijiye. Fir ise apne chehre par lagaiye tatha 20 minutes ke baad apne face ko dho lijiye. Isse aapke face mai ek nai ronak aayegi tatha aap ki skin bahut chamakdar ban jayegi.

Oily Skin ke Liye

Tomato Face Mask ki baat kare to yeh oily skin ke liye bahut accha hota hai.Tomato ke ras aur nimbu ko ek saath mix kijiye. Fir isse apni oily skin par lagiye tatha 25 minutes ke baad jab aapka chehre sukh jaye to isse sade pani se dho lijiye. Isse aapki skin mai bahut jaldi aur accha glow aayega. Saath hi skin ka extra oil hamesha ke liye chala jayega. Aap chahe to iss process ko week mai 2 baar bhi kar sakte hai. Jisse aapko acche result milenge.

You may also like:- Egg Face Pack in Hindi, Ande se Paye Khubsoorati

Sun Tanning Hataye

Kuch tamatar le aur unhe piskar unka ras nikla le ab iss ras mai thoda sa oatmeal aur dahi mila kar acche se paste bana lijiye. Ab iss paste ko apne chehre aur gardan par acche tarike se lagaiye aur kuch minutes ke baad jab yeh puri tarike se sukh jaye. To thande pani se apne chehre ko dho lijiye. Iss paste ke use se aapki skin ki sun tanning hamesha ke liye khatam ho jayegi aur twacha bhi glow karne lagegi.

Natural Skin Astringents

Isme bahut sara Vitamin C aur anti oxidant paya jata hai, jo ki skin se oil saaf karne me madad karta hai. Saath hi skin ko natural tarike se safai karta hai. To kyo baazaru product par vishvaas kare. Isse ghar mai aasani se milne vali iss cheez ka prayog karke aap bahut sundar dikh sakte hai.

Glowing Skin

Agar aapko chamakdar twacha chahiye to chandan powder, gulab jal aur tamatar ka juice ko acche se mix karke paste bana le fir iss paste ko apne chehre par lagaiye. Tatha 30 minutes ke baad apne chehre ko dho lijiye. Isse aapki skin mai ek natural glow aayega. Saath hi aapki skin bahut khubsoorat aur sundar ban jayegi.

Black Head Hataye

Tomato for Skin ki jab bhi baat aati hai to, hum bol sakte hai ki, isske face pack bahut hi acche hote hai. Multani mitti aur tamatar ka ras ko mix kar le. Phir iss paste ko apne chehre par lagaiye aur 15 minutes ke liye ise sukhane de.

Fir apne haatho ko pani se gila karke halke haatho se ragadiye. Isse aapke chehre ke black head khatma ho jayenge. Isse aap week mai kam se kam 2 baar jarur kijiye.

Tomato Face Mask se Nikhariye Apni Khubsoorati

Skin Fairness ke Liye

Chandan powder, haldi, nimbu ka ras, tamatar ka ras milakar acche se paste bana lijiye. Ab ise apne chehre aur gardan par lagaiye tatha 15 minutes ke baad apne chehre ko sade pani se dho lijiye.

Natural Cleanser

Agar aapke pass samay nahi hai to rozana bas ek tamatar ko kuchakar bas aise hi apne chehre par lagaiye. Isse aapki skin ek dam saaf ho jayegi. Saath hi aapki skin ek dam shiny lagegi.

Upar aane jane Tomato Face Mask ke bemisaal fayde jisse aap aapki twacho ki khoi huyi rangat wapas paa sakte hai. To bas der kis baat ki apne chehre ki asli khubsoorati ko nikharne ke liye jaldi inn tariko ko apnaiye aur hamesha sundar rahiye.

Apni twacha ko chamkane ke liye Beauty Tips in Hindi ko dekhe aur khubsoorat dikhiye.