Subscribe Whatsapp

Vajan Kam Karne Mai Madadgar Hai Ankurit Moong Daal

Yadi aap apna vajan aasan tariko se kam karna chahte hai, yani bahut jyada exercise ke bina to aapko sahi aahar par dhyan kendrit karna hoga. Aise mai ankurit anaaj aapki madad kar sakta hai. Vishvabhar mai aahar ke prati jagruk laakho log ankurit anaaj ko ek lokpriya poshan ke roop mai pasand karte hai hai. Sprouted beans ko ankuran karne ki ek prakriya hai, jise pakakar ya kacche istemaal kiya jata hai.

Agar aap apna vajan kam karne ki soch rahe hai to aapko sprouted moong daal khani chahiye. Ankurit moong daal sehat ke liye kafi faydemand hoti hai, isme dher sara protein, ucch fiber aur swasth calorie hoti hai. Ise khane se sharir mai energy aati hai. Aur yeh aasani se tayar bhi ho jati hai.

Bahut se log subah nashte mai hi ankurit anaaj ka sevan karte hai. Wo mante hai ki ankurit anaaj khane se swasth behtar rehta hai aur aapko yeh aneko bimari se dur rakhta hai. Agar aap ankurit moong daal ke salad ko banane ke bare mai soch rahe hai to aapke liye yeh upay yaha moujud hai.

Weight Loss Sprouted Moong Daal

Samagri:-

1 ½ cup sprout moong daal
½ cup barik kata huya pyaj
1 cup barik kate tamatar
1 cup kata kheera
1 tukda nimbu
1 chammach hara dhaniya
1 hari mirch kati huyi

You may also like:- Fast Weight Loss Tips in Hindi: Teji Se Kam Kare Apna Vajan

Dressing karne ke liye ½ chammach kali mirch powder, 1 chammach namak, 1 chammach bhuna aur pisa jeera aur 1 chammach nimbu ras le.

Vidhi:-

Pan mai ek cup pani, sproutes aur namak dalkar aur ise pani ubalne taka paka le. Phir pan ko dhakkar rakh de. 5 minutes baad moong daal ek bade bowl mai nikale. Ek alag bowl mai dressing wali sabhi samagri ko mila kar usme moong daal mix kare. Phir serve karne wali plate mai tamatar, kheera aur nimbu ki slice sajaye aur phir uske uppar tayar ki hui moong daal sprout rakhe. Ise garnish karne ke liye iss par hara dhaniya aur kati huyi hari mirch dale.

Sada Salad:-

Iske liye aapko ek cup ankurit moong ki daal, ek bada chammach barik kata huya adrak, mirch aur khana pakane ke tel ki jarurat hoti hai. Dressing ke liye aap sarson ke beej aur jeera ka upyog kar sakte hai.

Kadahi mai ek bada chammach khana pakane ka tel garm kare. Isme sarso aur jeera ko milaye. Jab wah thoda sa laal ho jaye to usme adrak aur barik kati hari mirch mila le. 5 second ke liye bhunkar uss par ankurit moong ki daal aur anya salad samagri mila de. Swad ke liye nimbu ka ras aur namak dale aur acchi tarah se mix karke serve kare.

Ankurit Moong Daal ka Salad Khane ke Anya Karan:-

Vajan kam karne ke alawa yeh manak parishkrat anaaj ki tulna mai adhik jatil carbohydrate pradan karta hai. Yeh vitamin c, fiber aur anya avashyak khanijo ka bhi bahut accha source hai. Ankurit daalo ko chikitsiya laabh ke liye bhi jana jata hai aur isliye yeh hume kai prakar ki swasth samasyao se dur rakhta hai.

Apne niyamit bhojan mai sprout ka ek simit bhag raktchap ke level ko niyantrit karne mai madad kar sakte hai. Isme sodium nahi hota. Sodium high bp ki sabse badi wajah hota hai. Iske alawa ankurit rakt cholestrol ke level ko ka karne mai madad karta hai. Rakt sharkara ke level ko niyantran karta hai, pachan swasth mai sudhae lata hai aur saath hi aapke rakt ko saaf kar aapki twacha ko swasth rakhne mai madad karta hai.

Ankurit daal ke itne sare swasth laabho ko jankar, aap ise apne aahar mai shamil karne ka vichar kar sakte hai. Na kewal apne vajan ko niyantran karne ke liye balki apne behtar swasth aur tandaroosti ke liye bhi yeh karagar hai. To aaj hi se iske niyamit roop se sevan kare aur swasth rahe.