Subscribe Whatsapp

Weight Loss Fruits in Hindi: Phalo Se Ghataye Apna Vajan

Aaj ke wakt mai kai log apne badhte vajan se pareshan hai. Apne vajan ko kam karne ke liye log kai tarike jaise ki diet plans aur vyayam ko apnate hai. Lekin iske bawjud bhi unhe jyada asar nahi dikhai deta hai.

Darahsal vyayam karke vajan ghatta to hai lekin usme samay lagta hai. Aur iss lambe intejaar ki wajah se log bich mai hi vyayam karna chhod dete hai. Yadi aap apna vajan jaldi kam karna chahte hai to aapko vyayam ke atirikt bhi aur kuch dena hoga.

Kuch phalo ka sevan isme aapki madad kar sakta hai. Phal vitamins aur minerals ke bahut acche strot hote hai. Isliye yeh na keval hamare swasth ko sahi rakhte hai, balki hamare vajan ko kam karne mai bhi sahayak hote hai.

Vajan kam karne ke liye hamare sharir ke pachan tantra ka sahi hona bahut jaruri hota hai. Phalo ke sevan se pachan shakti acchi rehti hai aur sharir ke vishele padharth bhi nikalte hai. To aaiye jante hai Weight Loss Fruits in Hindi, arthat aese phalo ke bare mai jisse ham vajan ghatakar fit reh sakte hai.
 

 Weight Loss Fruits in Hindi: Wajan Ghatane Wale Behatrin Phal

 
Weight Loss Fruits in Hindi
 

Nimbu Sabse Faydemand

Vajan kam karne ke liye nimbu ka prayog sabse adhik labhkari hai. Roj subah khali pet nimbu (Lemon) pani mai shahad dalkar sevan karne se vajan ko aasani se kam kiya ja sakta hai. Jin logo ko sardi ki samasyae rehti hai wo gungune pani mai nimbu nichod ke le sakte hai.
 

Rasbhari Se Ghatega Vajan

Fruits for Weight Loss mai Rasbhari ka naam bhi shamil hai. Iske sevan se sharir mai charbi ko ghatane wale hormones sakriya hote hai aur calorie kam hoti hai. Iske sath-sath yeh dil ke rogo mai bhi labhdayak hai. Isliye rojana 100 se 200 miligram rasbhari ka sevan jarur karna chahiye.
 

Papita Se Badhaye Pachan Shakti

Papita har mosam mai milne wala sabse accha Weight Loss Foods hota hai. Isme Vitamin C ki uchit matra payi jati hai. Rojana papite ka sevan karne se pet accha rehta hai, khana thik se pachta hai natijan vajan nahi badhta hai.
 

Seb

Vajan ghatane ke liye hame apne dainik jivan mai rojana ek seb ka sevan jarur karna chahiye. Isko aap subah nashte mai bhi le sakte hai. Isse na keval vajan ko kam kiya ja sakta hai balki motape par bhi niyantran paya ja sakta hai.

Isme calorie kam matra mai hoti hai jisse vajan nahi badhta. Seb mai vitamins, minerals aur fiber ki adhik matra rehti hai jisse yeh sharir ki rog pratirodhak kshamta ko banaye rakhne mai bhi madad karta hai. Iske alava seb sharir ke liye anti-oxidant ka karya karta hai aur metabolism sudharta hai.
 

You May Also Like:- Breakfast for Weight Loss in Hindi: Nashte Se Kam Kare Vajan

 

Kela Bhi Hai Faydemand

Aapne hamesha kela se vajan badhane ki baat suni hogi. Lekin ham aapko btana chahte hai ki kela vajan ghatane mai bhi sahayak hota hai. Kele mai pratirodhi starch hota hai jo ki sharir ke bacteria se milkar fati acid mai badal jata hai. Yeh fati acid chapapchay ke wakt fat ko pachane mai madad karta hai aur vasa ko badhne se rokta hai. Iss tarah se hamare sharir mai vasa ki matra kam ho jati hai. Isliye yeh vajan ko kam karne  mai sahayak hota hai.
 

Khajur

Khajur mai sulphur aur potassium ki matra payi jati hai jo ki na kewal dil ki sehat ke liye faydemand hai balki sharir mai moujud fat ko kam karne mai bhi sahayak hai. Iske alawa subah aur sham khajur ka sevan sharir mai metabolism ko badhata hai jo ki vajan ko kam karne mai sahayak hota hai.
 

Tarbuj

Tarbuj khane se bhi Weight Loss hota hai. Tarbuj mai 92 pratishat pani ki matra hoti hai. Iske alava isme acchi matra mai fiber aur antioxidant hota hai jo ki pet mai aethan jaisi samsyao ko dur karta hai.
 

Mosambi Ka Juice

Mosambi ek aisa swear lime fruit hota hai jo sharir ke badhte huye vajan ko kam karne mai sahayak hota hai. Isme moujud mineral aur poshtik tatva jese Vitamin C aur Potassium, sharir ko urja pradan karte hai jisse bar-bar bhuk lagne ki samasya khatam ho jati hai.

Aaj aapne jana Weight Loss Fruits in Hindi. Upar diye gaye phalo ke alawa kharbuj, Jamun ka prayog bhi vajan ko kam karne ke liye kiya jata hai. Yadi aap bhi vajan badhne ki samasya se pareshan hai to aaj se hi inn phalo ka sevan jarur kare.