Subscribe Whatsapp

Benefits of Coconut in Hindi: Janiye Nariyal Ke Behtarin Fayde

Nariyal hamari sehat ke liye bahut hi faydemand hota hai. Nariyal ko iski dharmik mahatvta ke karan ise shreephal ke naam se bhi jana jata hai. Yeh hamare swasth aur sehat ke liye bahut accha hota hai. Nariyal kaccha ho ya pakka dono rupo mai iska bahut upyog hota hai.

Nariyal ka pani hamare sharir ko kai prakar ki bimariyo se bachane mai madad karta hai. Isme bahut sare mahatvapurn gun moujud  hote hai jaise vitamin A, khanij tatv, protein aur iron aadi. Yeh sabhi poshak tatv hame bukhar, sardard aadi prakar ki pareshaniyo se nijad dilane mai bhi madad karte hai.

Shayad aap jante honge ki nariyal mai vasa aur cholesterol nahi hota hai jisse iske sevan se hame motape se nijad milta hai aur vajan bhi kam hota hai. Nariyal ka sevan garbhvati mahilao ko bhi bahut faydemand hota hai. Iske sath hi nariyal ke tel ka upyog karne se hamare baal lambe, majbut aur khubsoorat bhi bante hai.

Nariyal mai vitamin A ki bahut acchi matra hoti hai jisse yeh hamare chehre ke daag aur dhabbo ko bhi jad se sahi karne mai madad karta hai. Iske alava iske aur bhi fayde janne ke liye yaha padhe Benefits of Coconut in Hindi.
 

Benefits of Coconut in Hindi: Nariyal Se Milte Hai Anginat Laabh

 
Benefits of Coconut in Hindi
 

Nakseer

Adhiktar garmi ke dino mai kuch logo ka naak se khun nikalne ki samasya hoti hai. Iss samasya ko nakseer kaha jata hai. Isse nijad pane ke liye nariyal bahut faydemand hota hai. Iske upyog ke liye nariyal ke pani ka sevan niymit rup se karna chahiye. Iske sevan se rakt ka bahav ruk jata hai.
 

Sardard Se Rahat Pane Ke Liye

Kuch log atyadhik tej dhup se bahar aane ke bad bahut thak jate hai aur unhe sardard bhi hone  lagta hai. Iske alava ve log jo migraine ki wajeh se sar dard ke rog se pareshan rehte hai unke liye nariyal ka pani pina bahut faydemand hota hai.

Iske alava sar dard ko dur karne ke liye nariyal ke tel mai badam piskar, sar mai malish kare. Nariyal ka tasir thanda hota hai iss wajeh se sar ki malish karne se sar mai thandak pahuchti hai aur baal bhi swasth rehte hai.

Nariyal ki 25 gram sukhi giri ko mishri ke sath khane se bhi sar dard mai aaram milta hai.
 

Energy Badhaye

Shayad aap jante honge ki nariyal hamare sharir ki energy ko badhane mai bhi madad karta hai. Nariyal ke tel mai MCT(medium-chain triglycerides) ki acchi matra hoti hai jo ki anya fatty khane ki apeksha adhik matra mai sharir ki energy ko badhata hai. Shodho se pata chala hai ki ek din mai 15 se 30 gram nariyal khane se sharir ko 120 calorie urja milti hai.
 

Yaddasht Badhaye

Nariyal ki gari mai badam, akhrot aur mishri milakar khane se yaddasht tej hoti hai. Ise baccho ko rojana dene se smaran shakti tej hoti hai sath hi mastishk ka sahi tarah se vikash bhi hota hai.
 

Muhaaso Ke Liye

Aajkal har koi apne chehre ko khubsoorat banana chahta hai. Aese mai pimple aur uske daag chehre ki khubsoorati ko ghata dete hai. Inse nijad pane ke liye nariyal bahut faydemand hota hai.

Iske upyog ke liye nariyal ke pani mai khire ke ras ko milaye aur rojana subah-sham ise apne chehre par lagaye. Aesa niymit rup se karne se chehre ke daag aur dhabbe mit jate hai aur chehra sundar aur chamakdar dikhai dene lagta hai.

Iske alava nariyal ke tel mai nimbu ka ras aur glycerin milakar chehre par lagane se muhase ki samasya se nijad milta hai.
 

 Garbhvati Mahilao Ke Liye

Garbhvati mahilao ke liye nariyal nimn prakar se faydemand hota hai.

  1. Nariyal, garbhvati mahila aur uske pet mai pal rahe bhrun ko poshtikta dene ka kam karta hai.
  2. Garbhvastha ke doran mahilao ke sharir ke andar kai prakar ke harmonic badlav hote hai. Jisse mahilao ko bahut si pareshaniyo ka samna karna padta hai. Aese mai nariyal khane se garbhavastha mai hone wali pareshaniyo se nijad paya jaa sakta hai.
  3. Garbhavastha ke doran mahilao mai thakan aur dehydration ki samasya bahut adhik hoti hai. Aese mai nariyal ka pani pina labhkari hota hai.

 

Cholesterol Ko Niyantrit Kare

Nariyal ke sath sath Coconut oil benefits bhi hai. Nariyal tel sharir mai bad cholesterol ko kam karne mai madad karta hai sath HDL ko badhata hai jisse sharir ko kai prakar ki heart diseases se bachaya ja sakta hai.
 

Vajan Kam Kare

Vajan kam karne ke liye nariyal tel bahut madad karta hai.Nariyal tel hamare sharir ki charbi ko prabhavkari rup se kam karta hai aur sharir ki atirikt jami charbi ko kam karne mai madad karta hai.

Iske sath hi nariyal mai cholesterol aur vasa ki matra kam hoti hai aur fiber ki adhikta hoti hai. Fiber hone se vyakti ko lambe samay tak bhuk nahi lagti hai. Jisse vyakti overeating se bach jata hai jo ki vajan aur motape ko kam karne mai sahayak hota hai. Iske alava Coconut oil mai triglyceride paya jata hai, jo ki sharir ke metabolism ko badhata hai. Yeh metabolism fatty acid ko urja mai badal deta hai.
 

You may also like:- Benefits of Coconut Water – Nariyal Pani ke Swastyavardhak Fayde

 

Pet Ke Liye Faydemand

Aniymit khanpan aur dincharya ki wajeh se pet sambandhi bahut si pareshaniya ho jati hai. Nariyal hamari pachan shakti ko majbut karta hai sath hi kabj se bhi rahat deta hai. Iske alava nariyal aant se sambandhit kai prakar ki pareshaniyo mai sudhar karta hai. Jinn logo ko alsar aur acidity ki samasya hoti hai unhe nariyal pani pine ki salah dee jati hai.
 

Kidney aur Peshab Sambandhit Pareshani

Shayad aap jante honge ki nariyal pani pine se kidney sambandhit kai pareshaniya dur ho jati hai. Nariyal pani pine se peshab khul jati hai jisse mahilao ko mutra sambandhit sankraman nahi hota hai. Itna hi nahi nariyal pani kidney mai stone ki samasya ko bhi khatam kar deta hai. Iske alava iska pani pine se peshab mai hone wali jalan se bhi chutkara milta hai.
 

Rog Pratirodhak Kshamta Badhaye

Nariyal hamare sharir ki rog pratirodhak kshamta ko badhane mai madad karta hai. Darahsal nariyal mai kai prakar ke anti-bacterial, anti-fungal aur anti-viral tatv paye jate hai jo ki sharir ko bukhar aadi samasyao se bachane mai madad karte hai.
 

Anidra

Kuch logo ko rat mai nind na aane ki samasya hoti hai. Aese mai rat mai khana khane ke bad niymit rup se aadha glass nariyal ka pani pina chahiye. Aesa karne se rat mai nind na aane ki samasya khatm ho jati hai, aur nind acchi aati hai.
 

Baalo Ke Liye Faydemand

Baalo ko swasth rakhne mai nariyal tel bahut hi faydemand hota hai. Nariyal ke tel mai nimbu ka ras milakar balo mai lagane se baalo ki rusi aur khushki se chutkara milta hai. Sath hi iske tel ke istemal se baal kale aur majbut bhi bante hai.
 

Twacha Ke Liye

Bahut se Coconut Oil for Skin in Hindi hai. Nariyal tel se twacha ki malish karne se twacha mai kasav bana rehta hai.  Nariyal tel mai upasthit anti-bacterial aur anti-inflammatory tatv hote hai jo ki twacha mai kisi bhi prakar ke jalne aur allergy se rahat pahuchane mai madad karte hai.

Iske alava yeh eczema, psoriasis aur dermatitis jaisi samasyao mai bhi yeh faydemand hota hai.
 

Chehre Ke Liye

Dinbhar ke makeup aur bahar ki pradushit vatavaran ke karan chehre ki twacha ke rom chidra band ho jate hai. Jisse twacha kali dikhayi dene lagti hai. Aese mai nariyal tel lagakar chehre ki malish karne ek prakratik cleanser ka kam karta hai.

Nariyal tel twacha ki sahi se saaf safai karta hai sath hi twacha ki nami ko bhi banaye rakhta hai. Iske alava chehre mai rojana 2 bar nariyal ka pani lagane se muhase, daag-dhabbe, chechak ke nishan gayab ho jate hai.
 

Uchh Raktchap Ke Liye

Bahut se Benefits of Coconut Milk bhi hai. Nariyal ke dudh mai adhik poshak tatv hote hai. Isme electrolyte aur potassium adhik matra mai paya jata hai. Jo ki blood pressure aur dil ki gatividhiyo ko durast karne mai madad karta hai.
 

Benefits of Coconut in Hindi: Anya Fayde Inhe Bhi Padhe

  1. Khujali ko dur karne ke liye 50 gram nariyal ke tel mai 2 chammach nimbu ke ras ko milakar malish karne se khujali band ho jati hai.
  2. Nariyal mai vitamin A ki adhikta hoti hai isliye aankho ke samanya rogo ko dur karne ke liye rojana khopre ka sevan karna faydemand hota hai.
  3. Kisi karan vash yadi jeebh kat gayi ho to nariyal ki kari mai mishri milakar chabane se labh milta hai.
  4. Rojana 25 gram nairyal khane se TB rog nahi hota hai.

Upar aapne padha Benefits of Coconut in Hindi. Yadi aap bhi apne aap ko swasth rakhna chahte hai to aaj se nariyal ka istemal karna shuru kare.