Inn Gharelu Upay ki Madad se Dur Kare Whiteheads
Chehra agar saaf-suthra ho to dekhne mai bahut accha lagta hai. Lekin agar twacha par pimple, blackheads ya phir whiteheads ho to chehre ko dekhne wala bhi usse dur bhagne lagta hai. Aaj hum whiteheads ki baat karege kyuki blackheads ke bare mai to humne aapko kai prakar ki jankariya di hui hai. Whitehead wah safed rang ke dhabbe hote hai jo chehre ke sabse oily jagah par paida hote hai. Yeh khaastour par naak ya dadhi ki jagah par paye jate hai.
Twacha mai romchidra ke bacteria, sibum aur mrat twacha koshikao dwara avaruddh hone par whiteheads ki samasya hoti hai. Iss samasya ke hone par aapka chehra rough aur chamakhin lagne lagta hai. Twacha ko acche se saaf karna iss samasya se chutkara pane ka kewal ek hi rasta hai.
Whitehead hone ke kai karan ho sakte hai jese, galat khaan-paan, kam pani pina ya dhup mai jyada samay bitana aadi. Kai log whitehead ko daba kar nikal dete hai par isko saaf karne ke liye kai gharelu nuskhe bhi hai. Aapke kitchen mai rakhi kai tarah ki samagriya jese nimbu, aalu, kela, anda, lahsun aadi ise saaf kar sakte hai. To aaiye jante hai inn gharelu nuskhe ke bare mai puri jankari.
You may also like:- Facial Benefits in Hindi: Ab Ghar Par Chamkaye Twacha
Whiteheads Hatane ke Liye Aasan Gharelu Nuskhe
Mehti:-
Mutthi bhar methi le kar use gadha paste banaye. Ise chehre par 20 minutes ke liye lagaye aur phir halke garam pani se chehre ko dho le. Isse aapke chehre ko bahut laabh hoga aapki twacha ke daag dhabbe jaldi hatne lagege.
Cornstarch Scrub:-
Cornstarch ko sirke ke saath mila kar gadha paste banaiye. Ise chehre par 15 minutes tak lagaye rakhe aur baad mai garam pani se chehre ko dho lijiye aur dekhiye aapke chehre ki sundarta.
Dahi:-
Dahi chehre ko komal aur nam banati hai. Ise dudh aur oatmeal ke saath mila kar banaiye aur scrub tayar kijiye.
Chini aur Shahad:-
Barik chini ko shahad ke saath milaiye aur chehre ko usse massage kijiye. Phie sadharan pani se dho lijiye.
Brown Sugar aur Olive Oil:-
Thodi si brown sugar le kar use olive oil ke saath mix kare. Isse chehre ko 10 minutes ke liye scrub kare aur phir halke garam pani se chehre ko dho lijiye.
Chane ki Dal ka Scrub:-
1 Chammach chane ki dal ko dardar piss le aur usme 1 chammach kaccha dudh aur 2 chammach rose water mila le. Aap chahe to badam ka paste bhi mila sakti hai. Ise gadha bana kar chehre par 20 minutes tak lagaye. Baad me halke garam pani se chehre ko dho le.
Chandan Scrub:-
1 Chammach chandan powder mai nimbu aur 2 chammach rose water mila kar scrub tayar kijiye. Ise 15 minutes tak chehre par lagane ke baad dho lijiye.
Aloevera Gel:-
Yeh pimple ko shai karne mai bahut madad karta hai. Isse din mai 2 baar chehre ko massage karne se chehra saaf ho jata hai aur whiteheads bhi nahi dikhte hai.
Badam aur Dudh:-
5-6 badam ko piss kar 2 chammach dudh mai mila lijiye aur gadha paste banaiye. Iss paste se chehre ko scrub kijiye. Isse whiteheads saaf ho jayege aur skin chamakdar banegi.
Upar aapne jane whiteheads dur karne ke liye aasan gharelu nuskhe. To agar aap bhi whiteheads se pareshan hai to aaj se hi inn gharelu nuskho ko ajmaiye aur dur kijiye apni iss samasya ko. Isse aapko koi side effect nahi hoga balki accha result milega.
