Subscribe Whatsapp

Yoga Mudra Benefits: Dhero Bimariyo Par Kabu Paiye

Adhunik vigyaan ke saath adyatam gyan ko jodte yog ke fayde aur mahatva ko desh hi nahi balki puri duniya manti hai, lekin yoga me sirf asana hi nahi balki mudraye bhi mahatvapurna bhumika nibhati hai. Aaiye jante hai Yoga Mudra Benefits aur banate hai apne aap ko swasth aur tandaroost.

Yoga prachin kala hai jiske fayde aur mahatva ko aaj desh hi nahi puri duniya manti hai. Yeh adhunik vigyaan ke saath adhyatam gyan ko jodkar hume swasth Laabh pahuchahta hai. Yoga me na sirf asana balki mudraye bhi mahatvapurna hoti hai jo bahut hi aham bhumika nibhati hai. Inn yoga mudraye se aap kai rogo ka nidaan aur bachav kar sakte hai.

Har Yoga Mudra vishist hai aur pratyek yoga me ek gahara rahasya chupa huya hai. Yadi aap niyamit roop se inn mudra ko karege to aapko sharir se sambandhit bimariya nahi hogi.

Yoga Mudra Benefits

You may also like:- Benefits of Yoga for Men: Purusho ke Liye Yoga ke Fayde

Yoga Mudra Benefits: Inn Asana ko Karne ke Laabh

Aaiye jante hai kese Yoga mudra aapke swasth ke liye faydemand hota hai aur  kese aapko inn sab mudra ko karna chahiye.

  • Gyan Mudra

    Yeh mudra gyan aur dhyan ke liye prasiddh hai. Ise karne ke liye padmasana ya sukhasana me baith jaye (Anguthe ko index finger ke sire par lagaye aur baki tino ungliyo ko sidha rakhe). Dhyan lagane ke liye isi mudra ko kiya jata hai. Gyan Mudra mastishk ke nerves ko bal deti hai aur memory, concentration, resolution power ko badati hai. Iske niyamit abhyaas se anidra (Insomnia) dur hoti hai tatha krodh ko kabu karne ki kshamta badti hai.

Gyan Mudra
Source: “onlymyhealth.com”
  • Vayu Mudra

    Vayu Mudra karne ke liye Index finger ko modkar anguthe ke mool me lagakar halka sa dabaye aur baki ki saari ungliyo ko sidha kar de. Iss mudra me baithte time ridh ki haddi bilkul sidhi rehni chahiye. Vayu Mudra vaat rogo ke liye behad laabhkari hoti hai. Saath hi yeh sciatica, kamar dard, gardan dard, Parkinson, gathiya, lakwa, jodo ka dard aur ghutano ka dard me bhi Laabh deti hai.

Vayu Mudra
Source: “onlymyhealth.com”
  • Akash Mudra

    Akash Mudra karne ke liye middle ungli ko anguthe ke agrabhaag se laga le aur baki ki ungliyo ko bilkul sidha kar le. Iss mudra ko niyamit roop se karne se kaan ke rog, deafness, kaan me lagatar vyarth ki aawaje sunayi dena aur haddiyo ki kamjori aadi dur hoti hai.

Akash Mudra
Source: “onlymyhealth.com”
  • Sahaj Hasta Mudra

    Sahaj Hasta Mudra banana ke liye dono haato ke anguthe ke pahale pore ko sabse choti ungli ke pratham pore se milane par sahaj mudra ban jati hai. Baki ki saari ungliyo ko aapas me nahi milaya jata hai. Iss mudra ka abhyaas karne se sharir sundar aur komal banta hai, sharir ka rookhapan dur hota hai aur twacha sambandhi samasyae dur hoti hai.

Sahaj Hasta Mudra
Source: “onlymyhealth.com”
  • Raj Hasta Mudra

    Yoga Mudra Benefits ki baat kare to Raj Hasta Mudra bahut se rogo ko dur karne ke liye bahut acchi hoti hai. Ye Vishesh roop se striyo ke liye faydemand hoti hai. Lekin iss mudra ka laabh kewal ladkiyo ko nahi balki yadi purush iss mudra ko karta hai to unke virya sambandhi rog bhi dur hote hai. Ise karne ke liye baki tino ungliyo ko sidha rakhte huye choti ungli ko hatheli ki jad me modkar lagaye. Isse raj mudra ban jati hai.

Raj Hasta Mudra
Source: “onlymyhealth.com”
  • Shunya Mudra

    Shunya Mudra karne ke liye madhyma ungli ko modkar anguthe ke mal se lagakar anguthe se halka sa dabaye aur baki ungliyo ko sidhi kar le, isse shunya mudra ban jaygi. Isse gale ke rog aur thyroid aadi me Laabh hota hai, saath hi daant mabjoot bante hai aur kaan ki bimariya dur hoti hai.

Shunya Mudra
Source: “onlymyhealth.com”
  • Shankh Mudra

    Shankh Mudra banana ke liye left hand ke anguthe ko right hand ki hatheli me stapith kare aur mutthi band kar le. Ab ungliyo ko daahine haath ke anguthe se chulaye. Iss mudra se haato ki aakrati shankh jesi ho jati hai, isiliye bhi iss mudra ko shankh mudra kaha jata hai. Yadi aap jese shankh bajate hai wese hi bajane ki koshish karege to haato ki iss mudra me bhi shankh ke saman aawaj aaygi. Iss mudra ko karne se gale se jude rog thik hote hai.

Shankh Mudra
Source: “onlymyhealth.com”
  • Prithvi Mudra

    Iss Mudra ko banana me ring wali ungli ko anguthe ke agrabhaag se lagakar baki ungliyo ko sidha kar le. Yeh mudra sharir ki durbalta ko dur kar vajan badane me madad karti hai, yeh sharir me khoon ke dore kothik kar sharir me sfurti, kanti aur tez utpann karti hai aur mashpeshhiyo me majbooti laati hai.

Prithvi Mudra
Source: “onlymyhealth.com”
  • Surya Mudra

    Yoga Mudra Benefits me Surya Mudra bhi kafi faydemand hoti Isme aane ke liye apni ring wali ungli ke anguthe se halka dabakar baki ki ungliyo klo sidha karke rakhna hota hai. Iss mudra ko karne se motapa kam hota hai, sharir me ushanata badti hai aur madhumeh aur liver ke rogo me Laabh pachuchta hai. Iss mudra ko garmiyo me adhik nahi karna chahiye.

Surya Mudra
Source: “onlymyhealth.com”
  • Varun Mudra

    Varun Mudra banana ke liye kanisht ungli ko anguthe ke agrabhaag par lagakar baki ungliyo ko sidha kar le. Ise karne se charm rog, rakt vikaar hote hai tatha sharir ka rookhapan dur hota hai aur twacha ko kantimay aur mulayam banati hai. Lekin cough prakriti wale vyakti iska abhyaas jyada na kare.

Varun Mudra
Source: “onlymyhealth.com”

Upar aapne jane Yoga Mudra ke dhero fayde. Isse aap kai tarah ki bimari ko dur kar sakte hai aur swasth reh sakte hai. To aaj se hi inn mudra ko niyamit kare aur swasth sharir paye.

See more details of Yoga Benefits from Diet and Fitness.