Yoga for High Blood Pressure in Hindi: Uchh Raktchap Ke Liye
Dinbhar ke kam-kaj aur tanavpurn jivanshelly ke chalte logo ko tanav aur kai prakar ki pareshaniyo ka samna karna padta hai. Tanav ke chalte sharir ko kai bimariya gher leti hai unme se ek hai ucch raktchap.
Vyaktiyo mai Uchh raktchap ke badhne par dhamaniyo mai rakt ka davab badh jata hai. Davab badhne par, dhamaniyo mai rakt ke pravah ko banaye rakhne ke liye hamare dil ko samanya se adhik kam karne ki jarurat padne lagti hai. Ise hi ucch raktchap kaha jata hai.
Sharir mai raktchap ke badhne ke kai karan hote hai jaise aniymit khan-pan, anidra aur namak ka adhik sevan. Yadi aapko bhi yeh samasya hai to aapko pareshan hone ki jarurat nahi hai. Yog ke dwara ise kam kiya ja sakta hai.
Darahsal yog se na keval uchha raktchap balki kai bimariyo ko dur kiya ja sakta hai. Yog karne se hamare man ko shanti milti hai aur dil ki dhadkane niyantrit rehti hai natijan sharir swasth rehta hai. Uchh raktchap ko kam karne ke liye hame koun-koun se yoga karna chahiye janne ke liye padhe Yoga for High Blood Pressure in Hindi.
Yoga for High Blood Pressure in Hindi: Inn Yogasano Ka Le Sahara
Ucch raktchap ki samasya hone par iska asar sharir ke dusare ango jaise dimag, aankh, dil, gurde aur sharir ki dhamaniyo par bhi padne lagta hai. Iss wajeh se dil ki bimari, heart attack, kidney fail hone ki sambhavna bhi badh jati hai. Isse bachne ke liye yapa padhe Yoga for High Blood Pressure aur bache inn bimariyo se.
Dhyan Karna – Meditation
Rojana dhyan karne se hamara man aur aankho ko shanti milti hai aur tanav se bhi chutkara milta hai.
- Ise karne ke liye sabse pehle Siddhasana ki mudra mai baith jaye.
- Apne baye hath ko apni god mai rakh le, hatheli upar ki or rakhe aur daye hath ko apne baye hath ke upar rakhe.
- Ab apne dono hatho ke aguntho ke aage ke bhag ko aapas mai mila le.
- Fir apni aankho ko band kare aur saanso ke aavagaman ko mehsus kare.
Savasana
Ucch raktchap ke liye Savasana Yoga Benefits bhi hai. Iske liye yeh ek asardarak yogasana hai. Iss yogasan ko karte samay hamare sharir ki sthiti murde ke saman ho jati hai iss wajeh se ise Savasana kaha jata hai. Isse aasan ko nimn prakar se kiya jata hai.
- Sabse pehle peeth ke bal let jaye.
- Uske bad apne sharir ke sabhi ango aur maspeshiyo ko dhila chhod de.
- Ab apni aankho ko band karke dhire-dhire gehri saans le aur chhode.
- Aap jitni gehri saans lenge utna hi aapke man aur dimag ko shanti milegi. Yeh yogasan kam se kam 10 minute jarur kare.
Pawanmuktasana
pawanmuktasana hamare sharir ke ucch raktchap ko kam karne ke sath-sath pet ke rogo jaise pet ki kharabi, gas ki samasya aur pet ki charbi ko kam karne mai sahayak hota hai. Iske alava yeh kamar aur merudand ki maspeshiyo ko majbut banane ka kam bhi karte hai. Ise nimn tarike se kiya jata hai.
- Sabse pehle jamin par chatai bichakar let jaye.
- Purv ki taraf dekhte huye, sharir ke fefado mai saans ko bhar le.
- Iske bad apne daye pair ko ghutne se mod le.
- Fir apne hatho ki ungaliyo ko aapas mai milakar mude huye ghutne ko pakadkar pet se satane ka prayas kare.
- Ab apne sar ko upar ki uthakar mude huye ghutne par naak ko sparsh kare.
- Iss avastha mai baye per ko jamin par sidha rakhe.
- Iss prakriya ko karne ke pashchat yahi kriya ko dusare per se kare.
You may also like:- Yoga for Migraine in Hindi: Sar Dard Se Chutkara Paye
Sheetali Pranayama
Sheetali Pranayama ko karne se pehle anulom-vilom ka abhyas kar le. Iske bad nimn kriya ko kare.
- Kisi bhi sukhasan mai baithkar apni jeebh ko bahar ki or nikalkar nalinuma banaye aur saans ko andar ki taraf khinche.
- Saans ko andar ki taraf khinchne ke bad apni jeebh ko muh ke andar khinche le.
- Fir naak se dhire-dhire saans bahar nikalne ka prayas kare.
- Yeh prakriya kam se kam 5 bar jarur kare.
Ang Sanchalan
Iss yogasan ko karne se hamare dil ki dhadkao ko niyantrit kiya jata hai sath hi ucch raktchap se bhi chutkara milta hai. Ise karne se gardan, kulhe, ghutne aadi ki acchi exercise bhi ho jati hai. Ise kai prakar se kiya jata hai jaise haatho ki ungaliyo ko modna, panjo ko aage piche karna, gardan ko aage piche ghumana aadi kriyae iske antargat ki jati hai.
Upar aapne jana Yoga for High Blood Pressure in Hindi. Yadi aapko ucch raktchap ki samasya hai to upar diye gaye yogasano ka sahara le aur rakhe apne aap ko swasth.
