Subscribe Whatsapp

Bhut Jolokia: Dunia Ki Sabse Tikhi Mirchi Se Judi Rochak Bate

Aaj ke lekh mai ham aapko Bhut Jolokia ke bare mai bata rahe hai. Yeh naam sunkar aapko thoda ajib lag raha hoga. Lekin ham aapko bata de ki yeh dunia ki sabse thiki mirchi hai. Yeh mirch itni jyada thiki hai ki koi ise jara sa bhi chakh le to ajibo garib harkat karne lagta hai.

Yeh mirch sadharan mirch ki tulna mai 400 guna jyada thiki hai. Kai logo ne ise khane ka challenge bhi swikar kiya lekin iske khane ke bad unki halat behad kharab ho gayi. Net par dikhai gayi kuch videos mai ise khane wale logo ne kaha ki we ab mar hi jayenge.

Isi baat se aap iski tikhepan ka andaja laga sakte hai. Jab yeh mirch itni jyada thiki hai to tajub si baat hai ki isse kai tarah ke labh prapt ho sakte hai. Yeh bharat ke uttari paschim kshetra mai payi jati hai. Aaiye aaj ke lekh mai ham Bhut Jolokia ke bare mai vistar se jante hai.
 

Bhut Jolokia Mirch – Suraksha aur Sehat Dono mai Faydemand

 
Bhut Jolokia Mirch- Ghost Pepper
 

Bhut Jolokia Ke Anya Naam Kya Hai?

  • Ghost Pepper
  • Ghost Chili
  • U-Morok
  • Red Naga
  • Naga Jolokia
  • Ghost Jolokia

 

Mahilao Ki Suraksha Karegi

Yeh tikhi mirch ab mahilao ki suraksha karne mai bhi madad karegi. Raksha anusandhan aur vikas sangathan ne mahilao ke liye ek suraksha hathiyar banaya hai, aur us hathiyar mai iss tikhi mirch ka prayog bhi kiya hai. Yeh hathiyar musibat mai mahilao ki raksha karega.
 

Updraviyo Ko Control Kar Sakenge

  1. Yeh tikhi Bhut Jolokia Mirchi keval mahilao ki suraksha tak hi simit nahi hai. Iska prayog border security force ne chili grenade banane mai bhi kiya hai.
  2. Iss tarah security force danga karne wale ko niyantrit kar sakti hai. Iss chili grenade se nikalne wali mirch updravi ke aasu nikalkar, sharir mai jalan paida kar deti hai.
  3. Jaise hi iss mirch ko updraviyo par daga jata hai aankh mai bahut jyada jalan hone lagti hai. Aur dam bhi ghutne lagta hai.
  4. Yeh mirch itni jyada tikhi hai ki iska thoda sa swad bhi jeebh par lagne par vyakti ajibo garib vyavhar karne lagte hai.
  5. Darahsal iss mirchi mai paye jana wala oleoresin tatva iska swad teekha karta hai.

 

Health Se Jude Fayde Bhi Hai

  1. Iss mirchi se medicinal fayde bhi milte hai. Darahsal iss mirch mai moujud ek pramukh ghatak Capsaicin, aapke swasthya ko kai fayde deta hai.
  2. Iss mirch se sabse badi aasha yeh lagi hui hai ki shayad isse cancer ka illaj dhund paye. Capsaicin ke chikitsiya shodh se yeh baat samne aai hai ki yeh prostate cancer ki koshikao aur phepdo ke cancer ki koshikao ko mar sakti hai.
  3. Sath hi yeh leukemia cells ke vikas ko bhi rokti hai. Yaha tak ki bharat mai kuch log iss mirch se bane powder se pet ki kai bimariyo ka illaj bhi karte hai.
  4. Iske alawa capsaicin gathiya mai hone wale dard, raktchaap, mashpesiyo mai dard aur tanav, moch lagna, pachan se sambandhit samasyae aadi mai faydemand hai.

 
Upar aapne jana Bhut Jolokia mirch ke bare mai. Iss mirch ko paschimi dunia mai 2000 mai pesh kiya gaya tha. Varsh 2007 mai iska naam Guinness Book of World Records mai darj kiya gaya. Kaha gaya ki yeh pure grah ki sabse thiki mirch hai.
 

Related Post