Subscribe Whatsapp

Body Spa in Hindi – Sharir Ko Tanav Mukt aur Relax Kare

Aaj ki vyast life aur dinbhar ki  bhaag daud mai khud ke liye samay nikalna bahut kathin ho jata hai. Isse aksar health aurbody ki andekhi hone lagti hai. Lekin ek samay ke baad yah laparwahi bahut si samasayo ko janm de sakta hai. Jiske karan sharir kai bimario ka ghar banana lagta hai. Isliye sharir ko kaam ke bich mai aaram dete rahna chahiye.

Jiske liye Spa ek bahut hi accha vikalp hai. Isse kafi hadd tak sharir relax hota hai, twacha ko tajgi milti hai aur sharir mai urja bhi bani rahti hai. Spa ke bare mai sochte hi dimag mai malish aur bath spa bas ye do hi chije humare jehan mai aane lagti hai. Lekin iska sirf  itna hi matlab nahi hai.

Spa ko ek luxury life ke ek hissa maan liya jata hai, lekin aisa bilkul nahi hai. Yah chikitsa ka hi ek hissa hai. Iske dwara sharir ke taapmaan ko santulit kiya jata hai aur sharirik bimariyo ke anuroop ayurvedic jadi-butiyo ka upyog kiya jata hai. Jisse kai prakar ki bimariyo aur rogo se mukti milti hai. Aaiye jante hai Body Spa in Hindi, ko vistar se.

 

Body Spa in Hindi: Sharir Chust Banaye aur Rogo Se Bachaye

 

Body Spa in Hindi

 

Aaj ke machini yug mai sukun ke kuch pal mehsus karati hai massage. Behtar dhang se ki jane wali massage, phir wo chahe kisi bhi prakar ki kyo na liya jaye. Isme kai tarah ki jadi-butio, khushbuo tatha herbal telo ka prayog hota hai. Jisse head massage, aroma massage, foot massage, deep tissue aadi anya spa therapies dwara sharir ko tajgi dekar ek baar phir se tyyar kiya jata hai aur thake – bejan sharir ko aaram pahuchaya jata hai. Sath hi sar dard, pith dard jaisi kai pareshaniyo se bhi chutkara milta hai.

Vastav mai agar dekha jaye to spa prakratik chikitsa ka hi ek swaroop hai. Jisme mud therapy, sea salt therapy, oxygen therapy evam chocolate therapy aadi se tanav aur thakavat ko dur kiya jata hai tatha sharir adhik samay tak tarotaja mehsus karta hai. Yahi nahi isse vibhinn prakar ki chikitsa bhi ho jati hai, jisse anek rog dur ho jate hai. Garmi ke dino mai ki jane wali massage sharir ke taapmaan ko prakrati ke anukul banane ka kaam karti hai. Isse sharir ki anavashyak garmi bahar nikalne mai rahat milti hai.

 

You May Also Like:- Hair Spa at Home in Hindi: Ghar Par hi Kare Baalo ki Dekhbal

 

Types of Spa in Hindi: Jane Iske Prakar

Spa kai prakar se kiya jata hai, humare sharir ki jarurato ko dhyan mai rakhkar hi unka upyog kiya jata hai. Jo anek prakar se humare sharir ko swasth aur relax karne mai mada karte hai. Yaha hum aapko alag-alag ki spa techniques ke bare mai bata rahe hai. Aaiye jante hai Types of Spa

 

Desi aur Ayurvedik Spa Treatments

 

Nasyam

Yah ek ayurvedik massage ki kriya hai, jisme pet ke bich se lekar sharir ke upri hisse ki massage kar sharir se anavayashak urja bahar nikali jati hai. Sath hi naak ke chidro se ek herbal aushdhi se fuk mari jati hai. Jisse aap tajgi mehsus kare. Yah unn logo ke liye labhkari hai, jinhe sincerities, migraine, sardi aur chati mai dard ki shikayat rahti hai.

 

Dhara

Yah thakan aur susti ko dur karne ke liye upyog ki jane wali massage hai. Isme sharir mai sugandhit tel aur sar par chach yani buttermilk lagakar dhire-dhire sahlate hai. Yah vishesh massage kamjor yaddasht, purana sar dard, kaan air naak ki bimari ke ilaj mai bahut hi madadgar sabit hoti hai.

 

Camomil aur Lavender Spa

 Iss therapy ka prayog garmi aur barsat ke mausam mai ek vishesh tarah ka ilaj kiya jata hai. Jise surya cooling kaha jata hai. Yah twacha ke liye behad labhkari hota hai. Iske dwara suraj ki roshani mai camomil yani babune ka phul aur lavender ki sahayata se ilaj kiya jata hai. Isme aap khire ka prayog bhi kar sakte hai.

 

Cooling European

Yah massage adhiktar France mai ki jati hai. Garmi ke mausam mai dinbhar ki bhaag daud ke baad, iss massage se sharir ko bahut sukun milta hai. Ise karana utna hi masti bhara mana jata hai, jitna ki france mai samudra ke kinare samay bitana. Isme sharir par khaas char tarah ke shevaal(samudri vanaspati) se massage ki jati hai.

 

Adhunik Spa Therapies

 

Facial Spa

Iss spa therapy mai, har prakar ki twacha aur aayu ke anusar therapy shuru ki jati hai. Agar aap ise ghar par bhi kar sakte hai. Yadi aapki twacha samanya hai, to aap deep cleansing ka upyog kar sakte hai. Dry Skin ke liye hydrating products ke sath face lifting taknic apnaye. Facial Spa mai mathe, gaal, thuddi evam naak ki massage ki jati hai. Spa ki sabse badi khasiyat yah hai ki isme sabjiyo, dry fruit aur jetun ke tel ka prayog kar twacha mai nikhar laya jata hai.

 

Fusion Therapy

Yah ek parampaik Chinese acupressure ke sath, isme kai adhunik chikitaskiya vidhiyo Jin Shin Do, thai yog massage, Indian chakra balancing aur breathing takniko ka upyog kiya jata hai. Isliye ise fusion therapy kaha jata hai. Iss therapy se sharir ki manspeshiyo ko majbuti milti hai aur sharir ki pratirodhak shamta badti hai.

 

Foot Spa

Agar aap pure din ki daud bhaag bhari life se thak chuke hai aur thoda aaram apne pero ko dena chahte hai, to foot spa aapke liye bahut hi kargar sabit hoga. Isme pero ko aaram dene ke liye deep oil therapy ya fruit cream se massage ki jati hai. Iss massage ko karne se pero ki manspeshiyo mai hone wale dard se chutkara milta hai aur thakan bhi dur hoti hai. Foot spa karwane se pahle dhyan rakhe ki aapke per kate-fate na ho.

 

Fish Spa

Yah spa mahilao ko bahut adhik pasand aat hai, kyoki yah ek relaxation process to hai hi sath hi khubsurti ko nikharne ka kaam karta hai. Iss therapy mai aapko swimming pool, bath tub ya artificial pond mai doctor fish ke sath kuch samay bitane ke mauka milta hai. Hajaro ki tadaad mai doctor fish aapke sharir ke aage piche ghumkar nirikshan karti hai. Ye sharir ki dead skin ko hata use mulayam banati hai.

Fish spa mai upyog mai aane wali yah fish gara rufa prajati ki hai. Sharir ki kharab twacha ko hatane ke karan inhe doctor fish ke naam se bhi jana jata hai. Iske alawa inhe nibble fish, kangal fish, fisio fish aadi anek naamo se bhi jana jata hai. Yah turki ki nadiyo mai garm pani mai milti hai.

 

body spa benefits

 

Benefits of Body Spa: Jane Iske Labh

Sehat ko sudharne aur sondarya ko nikharne ke liye sadiyo purane ajmaye gaye yah massage ke tarike behad ki kargar sabit hote hai. Yahi karan hai ki ayurvedik jadi-butiyo ke madhyam se ki jane wali chikitsa aaj bhi logo ke bich itni lokpriya hai. Aaiye jante hai Benefits of Spa

 

You May Also Like:- How to Reduce Arm Fat in Hindi – Santulit Aahar aur Vyayam

 

Sharir Lachila Banaye

Body Spa se manspeshiyo ka tanav kam hota hai aur sharir lachila banta hai. Iske alawa kasrat ya vyayam karte samay jo sharirik pareshani mehsus hoti hai vah bhi dur ho jati hai.

 

Karyashilta Badaye

Iska sabse bada fayda yah hota hai ki, isse sharir ke ango ki karyashilta badti hai. Iske sath hi massage ke samay pressure points par dabav padta hai, jisse sharir ke andruni ango ki karya shamta bhi behtar hoti hai.

 

Tanav Dur Kare

Kai sodho mai bhi yah siddh ho chukka hai ki spa-massage stress hormones ke sttar ko kam karne me madad karta hai. Iske sath hi pachan tantra majbut hota hai.

 

Vajan Ghataye

Body Spa ke jariye thakan se to rahat milti hai hi sath hi yah badte motape aur vajan ko kam kar ne mai bhi sahayak hota hai. Isse sharir ka vasa kam hota hai.

 

Rakt Sanchar

Body massage karane se bina kisi parishram ke bhi rakt ka sanchar sharir me thik tarah se hota hai. Rakt sanchar thik hone se manspeshiyo ko poshak tatvo ke sath oxygen bhi milti hai.

 

Dard Mai Rahat

Massage se sharirik dard mai bahut rahat milti hai. Yah prakratik dard nivarak ka kaam karti hai. Jisse manspeshiyo ko rahat milti hai. Yadi aap sar pith dard ya kamar dard se pidit hai, to body spa aapke liye bahut hi labhkari sabit hoga. Sath hi yah sharirik kamjori ko bhi dur karta hai.

 

Gahri Nind Mai Sahayak

Acchi nind har vyakti ko nahi aati. Bahut se logo ko anidra ki shikayat rahti hai. Yadi aap bhi isse se pareshan hai to, aap bhi massage ko apnaye aur chen ki nind soye.

Aaj aapne jana Body Spa in Hindi, agar aap bhi sharir ke kashto aur rojmarrya ki bhaag daud se thak chuke hai, to spa ko apnaye aur sharir ko rahat dilaye.