Subscribe Whatsapp

Benign Prostatic Hyperplasia (BPH) ke Symptoms aur Upchar

Prostate purusho mai paye jane wali akhrot ke aakar wali granthi hai. Yeh granthi mutrashay (Urinary Bladder) ke niche, malashay (Anus) kea aage aur mutramarg (Urethra) ke chaaro aur payi jati hai. Aaiye jante hai Benign Prostatic Hyperplasia ke Symptoms, Treatment aur Causes.

Iss granthi se nikalne wala taral padarth virya mai shukranu le jane mai sahayta karta hai. Aayu ke badne ke saath prostate granthi ka aakar badna ek samanya baat hai. Prostate ka aakar samanya se adhik bad jane par mutramarg mai avarodh utpann karta hai.

60 varsh se adhik aayu ke lagbhag 50% vyaktiyo mai prostate mai sujan ki samasya hoti hai. 85 varsh ke hote-hote iska praman 90% ho jata hai. Prostate granthi mai vraddhi kark rog ke karan ho sakti hai aur yeh vraddhi samanya bhi ho sakti hai. Iske samanya vraddhi ko BPH (Benign Prostatic Hyperplasia) kehte hai.

Iski sambhavna purusho mai kam umra ke saath badti jaati hai. Halaki yeh aadmi ki jindagi ke douran jari rehti hai, lekin iski vraddhi aamtour par jivan mai der tak samasya paida karti hai. Samanya vraddhi ka koi thoos karan pata nahi chala hai par mana jata hai ki purusho mai umra ke saath hone wale vikaas hormonal badlav ka yeh natija ho sakta hai.

Benign Prostatic Hyperplasia Symptoms: BPH ke Lakshan ko Pahchaniye

Samanya Prostate granthi vraddhi mai nimnalikhit lakshan nazar aate hai:

  • Peshab karne mai taklif hona.
  • Baar-Baar peshab jana.
  • Ek baar mai puri peshab na hona.
  • Peshab ko rok na pana aur jald peshab karne ki iccha hona.
  • Raat ko peshab karne ke liye baar-baar uthna.
  • Mutrashay puri tarah khali na hone se baar-baar peshab mai sankraman hona ya pathri hona.
  • Bund-bund peshab hona.
  • Peshab band ho jana.
  • Mutra Sankraman ke karan kidney mai sankraman hona.

Benign Prostatic Hyperplasia ke Symptoms, Treatment aur Causes

Benign Prostatic Hyperplasia Diagnosis: Paiye Iss Bimari se Bachne ke Upay

50 se adhik aayu ke vyaktiyo mai upar diye huye mutra sambandhit lakshan paye jane par samanya Benign Prostatic Hyperplasia (BPH) ka nidaan karne hetu nimanlikhit parikshan kiye jate hai:

1) Parikshan: Doctor dastane pahankar malashay par Anesthetic gel lagakar, malashay mai ungli dalkar Prostate granthi ka parikshan karte hai.

2) Sonography: Prostate granthi ka parikshan karne ke liye yeh behad upyogi parikshan hai. Sonography karne se nimnalikhit jankari prapt hoti hai:-

  • Prostate granthi ka aakar.
  • Prostate granthi ke avarodh ke karan mutrashay mai baki rehne wali mutra ki matra.
  • Prostate granthi ke antbharg ki kalpana.
  • Mutrashay aur kidney ki stithi.

You may also like:- Male Infertility: Napunsak Hone ke Karan aur Lakshan

3) Uroflometry: Isme rogi vyakti ke peshab ke pravah ka parikshan kiya jata hai. Samanya se kam pravah hona mutra marg mai avarodh ka lakshan hota hai.

4) Prostate Specific Antigen (PSA) Test: Iss parikshan mai rakt mai ek khaas kism ke protein ki matra ki jaanch ki jati hai jo samanyatah Prostate mai cancer koshikao se nikalta hai. Iski matra adhik paye jane par kark rog ki ashanka bad jati hai. Prostate granthi mai sankraman, prostate massage ya prostatitis ke karan bhi iss parikshan ki matra bad sakti hai.

5) Prostate Biospy: Rogi mai iss mutra avarodh ke lakshan aur ucch PSA paye jane par gudmarg se sui dwara Prostate granthi ka ek chota sa tukda nikalkar uska parikshan kiya jata hai. Yeh vedna rahit prakriya hai.

BPH Symptoms and Treatment

Benign Prostatic Hyperplasia Treatment: Janiye Iske Kuch Aasan Upchar

1) Medicine:

Samanya prostate granthi vraddhi (BPH) mai lakshano ki kami, sujan ki kami ya anya kisi badi bimari bimari ke karan rogi shalya kriya ke liye apatra hone par aushdhoupchar kiya jata hai. Medicine se samanya BPH ki chikitsa karne ke liye kai prakar ki dawa ka istemaal kiya jata hai.

  • Alpha Blockers: Rogi ko mutra avarodh dur kar lakshano mai kami lane ke liye alpha-blockers dawao ka istemaal kioya jata hai. Jese ki:- Tamsulosin, Sildosin, Prazosin aadi.
  • 5-Alpha Reductase Inhibitors: Yeh dawa prostate granthi ke sujan ko kam karti hai aur mutra ke pravah mai sudhar laati hai. Jese ki:- Finasteride, Dutasteride.
2) Shalya Kriya (Surgery):

Medicine lene par bhi samanya prostate granthi mai koi laabh na milne par aur lakshano mai vraddhi ke saath kidney par asar padne par shalya kriya kar Prostate granthi ko nikal diya jata hai. Pehle issko nikalne ke liye pet khol kar shalya kriya ki jati hai par ab chikitsa vigyaan mai nayi technology aa jane se yeh shalya kriya aur bhi aasan ho gayi hai.

Samanya Benign Prostatic Hyperplasia mai jane wali shalya kriya ki jankari niche di gayi hai:-

  • Trans Urethral Resection of Prostate (TURP): Samanya prostate granthi vraddhi ke jyadatar rogiyo mai yeh shalya kriya ki jati hai. Isme rogi ko behosh karne ke baad mutra marg se ek chota sa yantra andar dalkar prostate ko kaat kar nikal diya jata hai. Iss shalya kriya mai koi bahari chira nahi diya jata hai aur khule ghaav na hone ke karan hospital se jald chutti mil jati hai. Iss shalya kriya ke baad jald kaam par bhi ja sakte hai.
  • Photo Selective Vaporisation of Prostate (PSV) / Laser Surgery: Iss prakar ke shalya kriya mai TURP ki tarah hi mutra marha se Laser Fiber ka upyog kar prostate ko nikala jata hai. Isme raktsrav kam hota hai.
  • Open Prostatectomy: Iss prakar ke shalya kriya mai pet ke nichle hisse mai chhota chira lagakar prostate ko bahar nikala jata hai. Agar prostate bahut bada hai ya anya kisi karanwash Trans Urethral shalya kriya nahi ki ja sakti hai kewal tab hi yeh shalya kriya ki jati hai.

Dekhiye Video aur Janiye BPD ke Lakshan aur Upchar

45-50 varsh se adhik aayu ke vyaktiyo mai samanya BPH ek aam rog hai. Upar diye huye Benign Prostatic Hyperplasia Symptoms aur Treatment dhyan mai rakhkar iss bimari ko pehchane. Agar aap jyada hi iss taklif se jhujh rahe hai to doctor se jarur sampark kare nahi to iss sankraman se kidney bhi prabhcit ho sakti hai.

Get more updates about Benign Prostatic Hyperplasia from Diet And Fitness.