Subscribe Whatsapp

Capsicum Benefits in Hindi: Shimla Mirch Ke Sehatmand Labh

Shimla mirch ka naam to aap sabne suna hoga. Yeh khane mai behad swadisht lagti hai isliye iska prayog kai vyanjano mai kiya jata hai. Ise salad ke roop mai, sabji ke roop mai, chinese fast food mai aadi khadya aaharo mai sharmil kiya jata hai. Yeh teen rango mai dekhne ko milti hai jaise laal, pili aur hari.

Shimla mirch poshtik sabjiyo mai se ek hai. Aapne bhale hi ise keval ek sadharan sabji ke roop mai khaya hoga lekin yeh swasth se sambandhit kai fayde pahuchati hai.

Ham aapko batana chahte hai ki shimla mirch ko bahut purane samay se ashtama aur cancer jaisi khatarnak bimariyo ke upchar ke liye prayog kiya ja raha hai.

Shimla mirch kai mahatvpurn poshak tatvo jaise vitamin c, fiber aur antioxidant se bharpur hoti hai. Isme paryapt matra mai minerals bhi moujud hote hai. Isliye aaj se hi ise apni diet mai shamil kar lijiye. Aaiye jane aur bhi kai Capsicum Benefits in Hindi.
 

Capsicum Benefits in Hindi: Janiye Shimla Mirch Se Milne Wale Fayde

 
Capsicum Benefits in Hindi
 
Hari, laal, pili teeno shimla mirch hi sehat ke lihaj se labhprad hoti hai. Teeno mai hi vitamin a, vitamin c aur beta carotin ki bharpur matra hoti hai. Iss sabji mai bilkul bhi calorie nahi hoti hai. Isliye vajan ghatane ki chahat walo ke liye yeh sabji labhkari hai. To aaiye jante hai Shimla Mirch Benfits in Hindi.
 

Pachan Tantra Durust Kare

Hamare sharir ki adhiktar samasyae hamare pachan tantra se judi hoti hai. Yadi khane ka pachan thik se nahi hota hai to dast, kamjori aadi pareshaniya sharir ko lag jati hai. Isliye sharir ko swasth rakhne ke liye pachan tantra ka swasth rehna sabse pehle jaruri hai.

Shimla mirch mai pachan se sambandhit samasyao ko dur karne ke kai gun hote hai. Iska sevan karne se pachan kriya sucharu roop se karya karne lagti hai. Jisse pet mai dard rehna, gas banna, kabj aadi se nijad milti hai. Iske atirikt isko khane se pet mai hone wale chhale bhi dur ho jate hai.
 

Cancer Se Bachav

Cancer ek janleva bimari hai. Yadi aapko sharir mai kisi tarah ki sadharan ganth bhi tab bhi aapko cancer hone ka khatra bana rehta hai. Mana jata hai ki shimla mirch mai cancer se bachav karne ke bhi gun hote hai. Iska sevan aapke sharir mai cancer ke cells ko viksit nahi hone deta hai. Isliye har roj kisi na kisi roop mai iss sabji ka sevan jarur karna chahiye.
 

Vajan Ghatane mai Madadgar

Yadi aap apne badhte vajan se pareshan hai to aapko bina kuch soche shimla mirch ko apne aahar mai shamil kar lena chahiye. Isme calorie ki matra naa ke barabar hoti hai. Isliye ise khane se aapka weight loss hota hai. Sath hi isse metabolism bhi sudharta hai.

Darahsal iska sevan karne se aapka pachan tantra durust rehta hai. Yeh sharir se sare vishele padhartho ko bahar nikal deti hai. Isliye isse vasa ghtata hai.
 

Madhumeh mai Faydemand

Yadi ham apne aaspas dekhe to hame har choutha insan mil jata hai jo madhumeh se garist hai. Yeh aajkal ki ek aam bimari ban gyi hai. Lekin Capsicum Health Benefits ki baat kare to iska sevan karne se madhumeh se raahat milti hai. Isse sharir mai sharkara ka star sahi hota hai.
 

Hriday Ko Swasth Rakhe

Shimla mirch mai aapke dil ki sehat ko acche rakhne wale bhi kai gun hote hai. Darahsal isme cholestrol ki matra bahut kam hoti hai isliye iska sevan karne se hriday ki dhamniya kabhi bhi band nahi hoti hai.
 

Twacha Ke Liye Faydemand

Isme vitamin c ki bharpur matra hoti hai. Isliye iska sevan aapke twacha ke liye bhi faydemand hai. Isse twacha mai kasav aata hai. Isse haddiya bhi majboot banti hai.

Wahi yadi ham laal shimla mirch ki baat kare to isme beta carotin hota hai. Yeh sharir mai pravesh kar vitamin a mai parivartit ho jati hai. Isliye jhurriyo ke vikas ko rokne aur rang ko saaf karne mai iska sevan labhprad hai.
 

Baalo Ke liye Labhprad

Aap bhale hi shimla mirch ko keval ek salad samjhkar iska sevan karte hai. Lekin yadi ham laal shimla mirch ki baat kare to isse baalo ki jhadne ki samasya se bhi chutkara milta hai. Kyoki yeh vitamin b6 ka accha strot hai.

Yeh baalo ke rom ko oxygen ki bharpur matra pahuchata hai. Sath hi yeh balo ki jad mai rakt ka sanchar sudharta hai. Isse baalo ka vikas hota hai aur baal jhadna band ho jate hai. Yeh baalo ko safed hone se bhi rokta hai.
 

You may also like:- Fenugreek Benefits in Hindi: Methi Ke Swasthvardhak Gun

 

Anya Fayde Inhe Bhi Jane:-

  1. Laal shimla mirch aanto mai hone wali sikudan ko kam karti hai. Isliye yeh alsar ke illaj mai faydemand hai. Sath hi yeh gastric samasyao ko dur karne mai bhi sahayak hai.
  2. Shimla mirch mai bharpur matra mai vitamin a, c aur antioxidant hota hai. Isse dil se judi bimariyo aur motiyabind se bachav hota hai.
  3. Isme dard nivarak tatva paya jata hai. Yeh dard ko twacha se spinal cord tak jane se rokti hai. Isliye naso ke dard ke illaj mai yeh sahayak hai. Iske atrikt gathiya ki samasya se bhi isme rahat milti hai.
  4. Isme vitamin c prachur matra mai hota hai. Isliye yeh whilte cell ko infection se ladme mai uttejit karti hai. Isse immune system majboot hota hai.
  5. Shimla mirch saas se sambandhit samasyae jaise fefde ka infection aur asthama se bachav karti hai.
  6. Yeh sharir mai samaaye triglyceride ke level ko kam karti hai. Isse calorie ko jalane mai madad milti hai.
  7. Laal shimla mirch mai capsaicin moujud hota hai. Yeh sharir ke raktchaap ke star ko niyantrit karta hai. Isliye hipertension ke marijo ko iska sevan jarur karna chahiye. Isse we raktchaap ke star mai kami paa sakte hai.
  8. Kamjor dhrsti walo ke liye bhi shimla mirch bahut upyogi hai. Darahsal isme moujud vitamin a aankho ke liye upyogi hota hai. Wahi isme moujud anya yogik umra se sambadhit aankho ki samasyao ke khatre ko kam karne mai sahayak hai.
  9. Vitamin c se bharpur hone ki wajah se yeh sankramak rogo se ladme mai madad karti hai. Yeh rog pratirodhak shamta ko badhane mai bhi karagar hai. Isse lung infection se bachav hota hai.

 
Aapne shimla mirch ke faydo ke bare mai to jaan hi liya hai to fir jarur aap isse bane vyanjano ke baare mai janne ki chahat rakh rahe honge. To aaiye jane:-
 

You may also like:- Parwal in Hindi: Jane Pointed Gourd Khane Ke Swasth Laabh

 

Shimla Mirch Recipe in Hindi: Jane Iske Swadist Vyanjan

 
Shimla Mirch Recipe in Hindi

Vaise to shimla mirch se kai tarah ke vyanjan bante hai. Lekin paneer bahut logo ko pasand hota hai isliye aaj ham aapko panner bharva shimla mirch recipe ko banana bata rahe hai.
 
Samagri:

4 bade aakar ki shimla mirch, 1 pyaj, 250 gram paneer

Adrak – lehsun ka paste, laal mirch powder, jeera powder, dhaniya powder ( Sabhi 1 chammach)

Chaat masala 2 chammach, tel 3 chammach , chutkibhar garam masala aur swadanusar namak
 
Vidhi:

Shimla mirch ko acchi tarah dho le aur bich mai upar ki aur chhed kar le. Ab uske beejo ko scoophar ki madad se beej nikal le. Ab shimla mirch ke charo aur tel aur halka namak lagaye. Iske baad pan mai thoda sa tel dale aur usme shimla mirch ko golden brown fry kar le. Ab ise alag hatade aur usi pan mai 2 chammach tel daale, fir jeera dale. Ab kati pyaj ko dalkar golden brown hone tak bhun le.

Ab pan mai adark aur lehusn ka paste, nirdeshausar laal mirch powder, jira powder, dhaniya powder aur chaat masala dale. Ab 5 minute dhimi aanch par fry kijiye. Ab paneer masal kar dale aur fir namak dalkar hilaye. Fir garam masala dalkar ise puri tarah pakaye. Jab aapka mishran taiyar ho jayega tab aanch band kar de aur use thanda hone ke liye rakh de. Ab ise shimla mirch mai bhar le aur acchi si plate mai serve kare.

Upar aapne jana Capsicum Benefits in Hindi aur shimla mirch se banne wale vyanjano ke bare mai. Jyadatar bacche shimla mirchi ki sabji khana pasand nahi karte hai. Isliye aap unhe alag alag tarah se uske pakwan bana ke de ya upar di gayi recipe ko bhi de sakte hai. Isse unhe accha swad milega aur aapko unki sehat.