Digestive Problem in Hindi: Jane Pachan Tantra ki Samasya

Bhojan karna insan ke liye bahut jaruri hai, kyonki bhojan se sharir ko urja milti hai aur sharir kam karta hai. Ham jab bhi bhojan karte hai wah pachan tantra mai jakar pachta hai aur sharir ko urja deta hai. Lekin sharir mai pachan kriya sahi se na hone par sharir mai kai samasyae aati hai.

Isliye pachan tantra ka hamesha sucharu roop se karya karna jaruri hai. Iske liye sabse pehle to subah uthte hi aapka pet saaf hona chahiye. Yadi aapka pet saaf rahega to yeh swasth sharir ki ek pehchan hoti hai. Lekin aajkal khanpan ki animitta ke karan subah ka moshan bahut pareshani paida kar sakta hai.

Aur iss pareshani se har umra ke log pareshan rehte hai. Waise to yeh ek aam samasya hai lekin yadi yeh lagatar bani rahi to kai samasyae paida kar sakti hai. Aaiye vistar se jante hai Digestive Problem in Hindi.
 

Digestive Problem in Hindi – Lakshan aur Karan Janiye

Digestive Problem Ka Karan

Yadi pachan tantra mai kisi prakar ki koi samasya aa jaye to bhojan sahi se nahi pachta aur vyakti ko apach ya ajirn ki pareshani ho jati hai. Lekin iske karan kai aur gambheer rog utpanna ho jate hai. Yadi yeh samasya lambe samay tak bani rahegi to sharir mai khun banna bhi band ho jata hai.

• Yadi aapko Inter irritable syndrome ki bimari hai, to apachay ki samasya ho jati hai.
• Digestion ki gadbadi ke karan sharir dhire dhire kamjoor hone lagta hai.
• Pet mai kisi tarah ka koi sankraman hone par digestion ki samasya ho sakti hai.
• Iss tarah ki samasya unn logo mai bhi ho sakti hai jinhe thyroid ki samasya hai.
• Gastroparesis ki pareshani madhumeh ke rogiyo mai jyada dekhne ko milti hai.
• Jin logo ko pet ka cancer hai unhe bhi khana pachane mai pareshani aati hai.
• Agar aapke pachan tantra mai ghav ho gaye to bhi aapko pachan mai samasya aayegi..
• Bhata rog(gard) pachan ka sabse aam vikar hai aur iske hone par pachan tantra sahi se kam nahi karta hai.

Davai Ka Sevan Karne Ke Karan

Kuch dawaiyan  jaise aspirin, garbh nirodhak davai, kuch anti biotic davai, thyroid ki davai, steroid aadi ki dawai lene par bhi digestion problem ka karan ban jati hai.
 

Galat Jeevansheli Ke Karan

• Yadi aapne jyada ucch vasa wala khana khaya hai to apchay ho sakta hai.
• Adhik tanav lene se ya jyada thanav hona bhi digestive disorders ka karan hota hai.
• Kai bar galat jeevan sheli ke chalte bhi aapko inn samasyao ka samna karna pad sakta hai.
• Jo log dhumrapan ka sevan karte hai uska pachan tantra sahi se kam karna band kar deta hai.
• Jin vyaktiyo ko rojana sharab pine ki lat lahi hoti hai unme kabj ki samasya bani rehti hai.

Digestive Problem Symptoms: Jane Iske Lakshan

Yadi aapke pachan tantra mai gadbadi hai to uske lakshan aapko saaf saaf dikhne ko milte hai, jinhe jankar aap iss samasya ka ilaj karva sakte hai aur iss pareshani se mukti pa sakte hai. Inke lakshano ko janne ke liye niche diya gaya vivran padhe.

1. Matli aane jaisa mehsus hone lagta hai.
2. Pet phula hua lagta hai aur ji machalta hai.
3. Apchay hone par vyakti ko bhukh nahi lagti hai.
4. Pet mai gas banti hai aur bharipan mehsus hota hai.
5. Motion sahi se nahi aata hai aur kabj ki samasya bani rehti hai.
6. Muh mai bar bar pani bhar aata hai aur halka halka dard bhi hota hai.
7. Jab iss tarah ki pareshani hoti hai vyakti ko adhik pasina aata hai.
8. Saanso mai badbu aane lagti hai aur kai logo ki jibh mai gandagi jama ho jati hai.
9. Acche se nind nahi aati aur kai bar motion nahi aata.
10. Aise mai vyakti ko khatti khatti dakare aati hai aur chhati mai jalan hone lagti hai.

 Jane Digestive Problem Ko Dur Karne Ka Illaj

• Pachan ki samasya dur karne karne ke liye subah subah garam pani piye pachan tantra saaf rahega.
• Nimbu pani ka sevan karne se bhi pachan tantra durust hota hai.
• Swath aur poshtik aahar ka sevan kare aur khane ko acche se chaba kar khaye.
• Fiber yukt aahar khaye taaki pachan acche se ho.
• Niyamit rup se vyayam karne par bhi apchay ki samasya nahi hogi.

 
Upar aapne jana Digestive Problem in Hindi. Uprokt di gai jankari mai aapko bataya gaya hai pachan tantra mai kis karan gadbadi ho sakti hai tatha aapko kya kya lakshan dekhne ko milte hai. Agar aapko aisi samasya aati hai to bataye gaye upcharo ko kare.