How to Remove Double Chin: Dohari Thuddi Se Paye Nijat

July 9, 2015

Log apne chehre ki khubsurti ko badhane ke liye na jane kitna hi paisa kharch kar jate hai. Cosmetics ki madad se ya anya tariko se wo apni twacha ko to khubsurat bana lete hai. Lekin iske bawjud bhi kai bar unke latke huye gale ke karan wo acche dikhne mai kamyab nahi ho pate hai.

Thuddi ke niche latke huye maas ko double chin kaha jata hai. Yeh samasya umra badhne ke sath hoti hai, jab twacha se elasticity khatam ho jati hai. Lekin iske alawa motape ke chalte aur physical activity ki kami ke chalte bhi charbi ki layer jam jati hai.

Kuch logo mai yeh samasya genetic hoti hai. Iske liye bahut se log surgical procedure bhi apnate hai. Lekin isme bahut jyada kharch aata hai. Isliye ham aapko ghar par kiye jane wale aasan upay bata rahe hai jo prabhavi to hai hi sath hi isse aapki jeb bhi bhari ni hogi. To aaiye jante hai How to Remove Double Chin.

How to Remove Double Chin – Jane Aasan Prabhavi Upay

Gharelu Upchar:-

Ande Ka Safed Bhag

Ande mai protein moujud hota hai. Jo aapki twacha ki elasticity banaye rakhne mai madad karta hai.
Ande ki madad se aap double chin ki samasya ko dur kar sakte hai. Yeh aapki twacha ko tight bhi banata hai.
Prayog ke liye ek katori mai ande ka safed bhag, sendha namak aur vinegar dale. Iss pack ko cotton ki sahayata se apni chin par lagaye.
Sukhne tak rehne de aur fir thande pani se dho le.

Green Tea

Aapko sunkar shayad aascharya lag raha hoga. Lekin ham aapko bata de ki green tea bhi twacha mai lachilepan ko badhati hai.
Isme antioxidant moujud hote hai jo ki free radicals se ladne mai madad karte hai. Free radicals bhi ageing ke liye jimmedar hote hai.
Herbal hari chai mai anti inflammatory property hoti hai jo ki aapki twacha ko latakne se bachati hai.
Aap green tea ka sevan bhi kar sakte hai sath hi iske tea bags se twacha ki malish bhi kar sakte hai.

Malish Kare

Wheat Germ Oil: Isme vitamin E moujud hota hai jo ki aapki twacha mai kasav lata hai.
Upward direction mai 10 minute malish kare aur raat bhar ke liye rehne de. Malish ko rojana kare.
Milk Cream: Milk cream mai protein aur calcium hota hai. Yeh dono hi twacha ki umra badhne ki samasya ko kam karte hai.
Apne chehre par milk cream lagakar usse malish kare. Isse aapki twacha mai lachilapan aata hai aur aapki chin tone hoti hai.

Chewing Gum

Double chin ki samasya ko dur karne ke liye aapki facial muscle ko tone karna bahut jaruri hai. Iske liye sabse aasan koi tarika hai to wo hai Chewing gam chabana.
Iske liye aapko alag se time dene ki bhi jarurat nahi hai. Aap kuch bhi kaam karte huye ise chaba sakte hai.
Isse aapke jabado ka accha vyayam hota hai sath hi aapke masude bhi majboot hote hai.
Lekin haa sugarless chewing gum ka hi istemal kare. Double Chin Removal ke liye yeh prayog aap roj kar sakte hai.

Jaruri Vyayam:-

Gardan Ko Ghumaye

Vyayam ki kami ke chalte bhi aapki thodi ke niche maas latak jata hai aur aapka chehra double chin ho jata hai.
Isliye rojana din mai do bar gardan ko gol gol gumana chahiye. Jaise pehle char bar ghadi ke disa mai ghumaye fir ghadi ke viprit disha mai ghumaye. Aese 5 set kare.
Apne sar ko ghumate wakt jhatke na de, aaram aaram se ghumaye.

Tongue Press

Sidhi gardan rakhkar aaram se baith jaye aur fir gardan ko dhire se piche ki aur le jaye.
Jaise hi aap upar chehra karenge aapko ghar ki chat dikhne lagegi. Ab iss stithi mai aap apne muh ko pehle pura khole aur fir pout banaye.
5 tak ginti karne tak usi stithi mai bane rahe. Fir wapis se samanya avastha mai aa jaye.
Iss prakriya ke 5-10 set karna hai. Aur jab tak aapki chin tone nahi ho jati, aapko tab tak ise roj karna hai.
Yeh bahut hi prabhavi Exercise for Double Chin hai.

The O

Apni pith sidhi aur kandhe niche rakhe. Apne sar ko thoda sa piche ki aur jukhaye taki aap apne ghar ki chat ko dekh sake.
Apne muh ko bandh rakhe, lekin ek baat ka khayal rakhe ki wo relax rehna chahiye.
Ab apne muh ko kuch iss tarah khole ki usse o ka shape bane. Aur 20 second tak bane rahe.
Jab aap yeh karenge to aapko apne jhabde mai gale ki niche khichav mehsus hoga.
Ab apne chehre ko relax kare aur chehre ko sidha kar le. Ise yadi aap 1 rep mante hai to aese 10 rep kare.

Upar aapne jana How to Remove Double Chin. Bataye gaye gharelu upchar aur vyayam ki madad se aap double chin ki samasya ko dur kar sakte hai.