Subscribe Whatsapp

Epilepsy Symptons in Hindi: Jane Mirgi Ke lakshan

Epilepsy ek pareshan kar dene wali bimari hai. Jisme rogi ko bar bar doura padta hai. Iss bimari ko Apasmar aur mirgi bhi kehte hai. Mastishk mai gadbadi ke chalte iss bimari mai bar bar doura padta hai aur vyakti murchit ho jata hai.

Iske alawa iska sharir par kai tarah ka asar dekhne ko milta hai. Jaise ki mirgi se pidhit vyakti ko chakkar aate hai, hath pav mai jhatke aate hai aadi. Iss wajah se miragee ke rogiyo mai hamesha dar bana rehta hai. Wo akele aane jane se ghabrate hai.

Galat jivansheli aur khan pan ke chalte sharir mai vishele padharth jama hone lagte hai. Jisse ki mastishk ke kosho par dabav banna shuru ho jata hai. Aur iss wajah se mirgi ho jati hai. Dimag ke andar ke snayu koshikao ke bich talmen na ho pana hi iss bimari ke hone ka mukhya karan hai. Vaise rasayanic asantulan bhi iske piche ki ek wajah hai.

Mirgi do prakar ki hoti hai, pehli to Aanshik mirgi, yeh dimag ke ek bhag ko prabhavit karti hai, aur dusri Vyapak mirgi, yeh mastiksh ke dono bhag ko prabhavit karti hai. Pure vishva mai 5 crore se bhi aadhik log iss bimari ka shikar ho rahe hai. Sirf bharat ki baat kare to 80 lakh se 1 crore tak log iss bimari se jhunjh rahe hai. Aajkal iska illaj sambhav hai. Yaha janiye Epilepsy Symptons in Hindi.
 

Epilepsy in Hindi: Janiye Mirgi Hone Ke Karan

 
epilepsy symptoms in hindi
 
Mirgi hone ke kai karan hote hai jaise brain tumors, brain hembredge, bukhar aadi. Mirgika illaj(Epilepsy Treatment) sahi wakt par nahi kiya jaye to isse aur bhi badi bimari hone ke khatra ho jata hai. Isliye iss lekh mai ham aapko iske lakshan ke bare mai bata rahe hai taki sahi samay par iska illaj kiya ja sake.
 

Mirgi ke Samanya Lakshan

  1. Chidchida mehsus hona
  2. Thakan aur tanav
  3. Achanak doura padne se sharir ka santulan kho bethna
  4. Chakkar kha ke jamin par gir jana.
  5. Sharir mai jhunjhunahat hona
  6. Kamjori lagna
  7. Chehre ki maspeshiya khich jana
  8. Aankhe uppar ho jana
  9. Bina kisi karanvash bhay lagna
  10. Sunne aur swad pehchanne mai gadbadi

 

Janiye Mirgi Ke Mukhya Karan

  1. Nind sahi samay par nahi lena ya adhuri nind lena
  2. Bahut jyada sharab ka sevan
  3. Gir Jane ke karan sar par chot lagna
  4. Sardi, khassi, jhukham aur fever aajana
  5. Khoon mai glucose ki matra kaam ho jana

 
Sirf yahi nahi, balki kuch tablets bhi kabhi-kabhi galat aasar kar jati hai, jaise ki Anti-psychotic, Anti-depressant, jisse bhi mirgi hone ka khatra hota hai.
 

Mirgi Ka Sahi Illaj

Mirgi jaise bimari ko dur karne ke liye agar hum sahi tarika apnaye to jald hi hume isse nijaat mil sakta hai. Mirgi ka illaaj davai ya surgery se bhi kiya jaa sakta hai, lekin jyada tar log unki iss pareshaniyo ka hal nahi nikalte ke liye keval aaram karte hai, jo tarika bilkul galat hota hai. Iss bimari ko thik karne ke liye chikitsak se hi illaj karwaye.

Kai bar aesa hota hai ki marijo ko di gai davaye aasar nahi karti, aur unhe firse doure padna shuru ho jate hai, aese me chikitsak ko wapis dikhaye, man se hi upchar ban na kare. Mirgi ka upchar surgery aur dawaiyo ki madad se kiya jata hai. Lekin kin marijo ko surgery ke liye mana hota hai, unke liye Deep Brain Stimulization (DBS) therapy ki salah di jati hai.  Yeh safe hone ke sath-sath prabhavi bhi hoti hai. Iske koi dushprabhav nahi hote hai. Halaki yeh upchar paddhati bharat mai nayi hai, lekin paschim desho me iska illaj safalta purvak kiya jata hai.
 

Epilepsy Precautions: Apnaye Yeh Tarike

Mirgi (Epilepsy) ke marijo ko baar-baar doura nahi aaye uske liye inn baato ka khyal rakhna chahiye.

  1. Bina gap kare doctors dwara di gayi dawaiyo ka niyamit sevan kare.
  2. Jitna ho sake utna khud ko aaram de, taki aapki sahi tarike se nind puri ho paye.
  3. Doctors ko dikhane ke sath-sath ghar par yoga, meditation ka prayog niyamit kare, jisse sharir swasth rahe, aur maan, dimag mai bhi shanti bani rahe.
  4. Dhumrapan jaise (daaru, cigarette, alcohol, gutka, tambaku, shisha) ka sevan naa kare, kyoki inn sabse bhi apko nuksaan pahuch sakta hai.

Aaj aapne jana Epilepsy Symptons in Hindi aur iske upay. Mirgi ko thik kiya ja sakta hai. Basarte iska upchar purn karaya jaye. Iss illaj mai dherya rakhna aavyashak hota hai. Kyoki ise thik hone mai 3 se 5 sal tak samay lag sakta hai.